atu i Whangarei, a tae noa ki Mongonui
a, noa te mea hoki e pai ana kia whakakahoretia
te araina o aua Awa i tenei
takiwa,
Na ko ahau ko Te Kanawa ka karanga
a, ka whakapuaki kia whakamutua te
araina o taua taha tika i te ra tuatahi o
te marama o Pepuere.
he mea hoatu e taku ringaringa
he mea hiri ki te hiri nui o te
Koroni i te whare o Te Kanawa
i Akarana i tenei ra o
Hanuere te rua te kau ma tahi
i te tau o to tatou Ariki, Kotahi
mano waru rau wha te kau ma ono.
GEORGE GREY
Na te Kawana
He mea ki,
ANDREW SINCLAIR
Te Kai Tuhituhi o Te Koroni.
Ma te Atua e whakaora Te Kuini.

Whare tuhituhi
o te tino Kai- Tuhituhi o Te Koroni,
Akarana, 23 Hanuere, 1846.
Ka oti te mea e te Kawana, ki nga
Rangatira maori i te pito ki raro o
e Motu o Nui Tireni, me ara atu tangata.
No te mea, kua whati nga Rangatira tutu
kua marara noa atu i nga hoia o te Kuini
i te 11 o tenei marama i te taeatanga o te
Pa ki Te Ruapekapeka i te whakaparehotanga
hoki, a no te mea kua tino iro
ratou, kua tuhituhi mai ki a te Kawana,
kua waiho a Tamati Waka Nene-me era
atu Rangatira, hei tino wawao, kia tohungia
te hunga tutu, ka oti te mea e te Kawana,
kia whakaritea te tino hiahia o to Kuini,
pai ai, kia ora ai tona hunga maori, kia
whakaorangia ratou katoa i uru ki te tututanga
a kia hoki ratou i runga i te marietanga
ki o ratou kainga a ki te noho
marie ratou i reira ekore e tata atu te he
ki o ratou tinana ki a ratou taonga.
Kia matau pu koutou ekore nga kupu
o te timatanga o tenei pukapuka e whakaharakore 
i te hunga e pupuri ana i nga
hoiho o nga pakeha i tahaetia. Na, me
whakahoki nei ano nga hoiho.
Ko te hunga e pupuri tonu ana i nga
hoiho ua hopukai ka tukua atu e te Kawana
ki te Kai whakawa, kia whakawakia ki te
wa ka pahure i te tahaetanga o aua hoiho.
He mea ki,
ANDREW SINCLAIR,
Te tino Kai Tuhituhi o te Koroni.

Whare tuhituhi
o te Tino Kai tuhituhi o te Koroni
Akarana, 23 Hanuere, 1846.
Ka oti te mea e te Kawana kia rongo
ai nga Rangatira Maori i te pito ki
raro o tenei Motu i enei kupu.
I te taeatanga o te Pa ki te Ruapekapeka
i te 11 o nga ra o tenei marama, he maha
nga pukapuka i kitea i tuhituhia mai ki
te hunga tutu e te tangata.
I mauria mai aua pukapuka ki a te
Kawana i meinga hooki he kino pu nga
kupu o roto i etahi otira e matar ana a te
Kawana he tokomaha nga kai tuhituhi ki te
hunga tutu i mua e piri ana i naianei ki a
ia a, e koinga ana ki o ratou tikanga he.
No konei i meinga kia kaua aua pukapuka
e korerotia kia kaua ano hoki nga kupu
e tuhituhia otira kia tahuna katoatia ki
te ahi.
Na. kaua nga kai tuhituhi o aua pukapuka
e mataku ki te paunga o tetahi he ki
runga kia ratou mo te tuhituhinga o aua
pukapuka kaua ano hoki ratou e mea
tenei te mauahara neil a Te Kawana ki a 
ratou kihai raia i rapu ki nga ingoa o te
hunga na ratou i tuhituhi.
He mea ki, 
ANDREW SINCLAIR,
Te tino Kai tuhituhi o te Koroni.

Whare tuhituhi
o te tino Kai tuhituhi o te Koroni,
Akarana, 23 Hanuere, 1846.
Ka oti te mea e Te Kawana kia rongo
ai te whanau me nga hoa o Kihi
te tangata maori i tu, a i riro herehere
mai i te taeatanga o te Pa, ki te Ruapekapeka
i te 11 o tenei marama.

Te mea i purutia ai taua tangata i tenei
wahi, kia rongoatia tona mate e te Rata a
ka ora ia, ka tukua, a kia whakahokia e Te
Kawana ki ona whanaunga.
He mea ki,
ANDREW SINCLAIR,
Te tino Kai tuhituhi o te Koroni.

E RUA PAUNA MONI.
No te mea, kua oma tetahi hoia no te
Hapu o te Kuini te 58, ko Tenehi
O Tanara (Denis OÕDonnell) tona ingoa,
na, ka karangatia nei, ko te tangata mana
e whakahoki mai taua Tenehi o Tanara ki
nga katipa o Akarana ka utua ki nga
pauna moni e rua.
THOMAS BECKHAM,
Na Te Kai whakawa.
Whare Whakawa,

TE AHUA O TENEHI O TANARA, ARA O TE
HOIA I OMA.
Nga tau-20.

Te Ikeike-5 putu 8 1/4 inihi
Nga kanohi-Ta-a-mangu.
Nga upoko-Tu-a-ma.
Te kiri-Kiritea.
Te tinana Tu-a-iti.
Te mata-I Pakonga,
Te ihu-I keokeo.

Tirohia-kahore he tohu i to tinana o
tenei tangata-no te 14, o, Pepuere i oma
ai-ko nga kahu enei-He puru hakete-
He tarau morikina-he kiepa puru-I
pukoro pu nga kakahu-he poto te tarau
ngatahi mo to hakete-I eke atu pea ia i
runga i te kune a " Rapina Huri" (Robin
Wood)-i te ata o te 14, o Pepuere-e rere
ana taua puke ki Tauranga.
E rua nga pu i a ia i to omanga ai-he
raihara tetahi-ko to hake o tana pu kei
te taha ki raro o te takaki. He hakimana
tetahi o nga pu, kahore-he ngutuparea,
kahore he kopa. E rua nga tarau morikina
takoto noa i a ia. E kotahi puru kiepa.

CHRISTOPHER FULTON, Kai ta o te Kawana