TE HOA MAORI.
                        (THE MAORI FRIEND.)
NAMA 6        AKARANA,      OKETOPA, 1886.         registered as a Magazine

               TE HOA MAORI
    TE TOKA I PATUA.
         EKORUHE  17. 1-7.
        (THE SMITTEN ROCK).
         —————          
TERA     e mahara o matou kai-korero,
 \_    ki te whakaputanga mai o nga ta-
mariki o Iharaira i Ihipa e te Atua, a,
kihai ratou i roa ki te koraha me  to
ratou whangainga ki te mana, ka timata
to ratou tangi amuamu mo te wai.
  Ko nga tamariki ano hoki i tino mate
wheunu, no ka mea noa nga papa me
nga whaea, meake  ratou mate. Ki  ta
koutou whakaaro, tera ranei e tukua e te
Atua  atawhai, nana nei i whakaputa
mai enei tamariki nohinohi i Ihapa, kia
mate i te korenga o te wai ?
  I te putunga o te kupu o Parao  kia
tukua nga tangata o Iharaira kua kau-
matua  kia haere, a, kia puritia nga tama-
riki nohinohi ki  Ihipa, kihai rawa te
Atua i whakaae, a, tera ranei e tukua e
Ia, ana i whakaputa mai ai i te whare
whakapononga, kia mate i te wai kore i
te koraha ? Hore rawa, hore noa iho.
   Na, tera ano tetahi toka kei te koraha
 o Horepa e tu ana. He  toka nui, ina
 hoki ka penei atu te Atua ki a Mahi, "te
 toka i Horepa."
   E ki ana nga tangata kua tae ki reira,
 e, tera tetahi toka nui kei Horepa e whai
 kowhao ana, mehemea nei ano he rere-
 nga wai mai no roto.  Ki etahi ko te
 toka pu ano tenei i patua nei e Mohi.
 E kore matou e kaha te ki, koia nei ano,
 kahore ranei.  He  aha koa ra, tera e
 kite atu ano nga tamariki o Iharaira e
 tu mai ana.
   Ka tona a Ihowa ki a Mohi kia mau ia
 ki te tokotoko i whiua ai e ia nga wai o
 Ihipa, a, kia akina tenei toka, kia puta
 mai ai he wai inu ma te iwi.
   Tino mohio rawa tatou ki te piata me
 te reka me te nui o taua wai, i te mea
 hoki, ko a te Atua tukunga pai mai mo
 Tona iwi, he kai, a, makona iho me te
 toe ano, he kai purena a maringi noa atu.
  He tamariki nonohi he kaumatua ano
hoki e tu ana mai, i te taha o tenei toka
whakamiharo,  ki te whakaahuatanga
kua whakamaua ki tenei.
  He tokomaha kei te whakamaro atu i
o ratou ringa, a, me te mea nei ano e
rongo atu aua tatou kia ratou e karanga
atu ana ki a Mohi, e mea atu ana, " Ho-
mai he wai, kia inu ai matou." Na, ti-
titiro, ka whakaara a Mohi i tona ringa,
kei te ringa te tokotoko e mau ana, ha,
ko te toka nui kua whiua, anana ! kua
pakaru mai nga wai ki waho, he tino
awa tuturu.  Ka inu ratou katoa, kahore
kau he tangata e mate wai ana i reira.
Kua  utu ratou katoa i tona ipu i tona
ipu. kua tuku mai hold te Atua i te wai.
Heaha  te hari noa ai, te whakawhetai
atu ai nga tamariki o Iharaira, no te mea,
ko to ratou kai no te rangi, ko te wai i
puta mai i te toka.
  Ko  Ihu i patua ki te ringa o te whaka-
wakanga, a, e puta mai ana i a Ia i ripe-
katia nei, to tatou hari, to tatou ora. E
whakakiia ana e Ia a ratou e whakapono
ana ki a Ia, ki Tona Wairua ; e makona
 ana ratou, e ki ana i te ora.
   Mehemea tenei tetahi o koutou, e hoa
 ma, e penei ana tona ngakau,, " Aue!
 kahore kau taku ngakau e ora ana, pa-
 iriiri tonu," ko ta matou patai atu tenei
 ki a ia, " Kua haere atu koia koe ki a
 Ihu i whakamatea nei ki runga ki te ri-
 peka mo te hunga hara?"
   Ko te tahi mea pakeke e kitea ana ia
 ra ia ra, koia nei, e haereere ana te ta-
 ngata ia ra ia ra, hore rawa e whakaaro
 iho ki to ratou mate ki te wai ora. Pono
 rawa te kupu a te Ariki a Ihu ki te wa-
 hine i te poka wai o Hamaria, " Ko ia e
 inu ana i tenei wai, e mate ano ki te wai
 a ko atu." (Hoani 4.13.) He aha koe
 te inu noa atu ai i taua wai, mau tonu
 ano to wheunu.
   Otira, i reira a Ihu hei hoatu i Tana
 wai, pera tonu me Tona  hoatutanga i
 Kana o Kariri, a, e kaha tonu ana ano

               TE HOA MAORI
Ia i naianei ki te tuku mai i Tona wai, a
e kore rawa e pa he mate ki te aha a ko
atu. Whakawhetai  ata ki te Atua mo
te nui o te wai ora e rere mai ana i a Ia,
mo te tangata hara e hiainu ana ; Mari-
nga noa mai, a, ngata iho te tini e rapu
atu ana, hei whakakii i a ratou.
  I naianei e karanga marama mai ana
te reo, " E ! e nga tangata katoa e mate
wai ana, haere mai ki nga wai, haere
mai hoki, hokona he waina he waiu kaua
he  moni  kaua he utu." (Ihaia 55. 1).
Nana,  tenei te wa manakohanga mai;
Nana, tenei te ra o  te whakaoranga.
Otira kia anga atu o tatou whakaaro ki
tetahi atu i hiainu, a ka kite tatou kei a
Hoani 19 : a, metemea nei hei konei me
nunu  o tatou hu i o tatou waewae i a
tatou e titiro atu ana ki a Ia i ki nei he
hiainu Tona. Ko ta Ihowa tangata, no te
mea  ka korero tatou i te 23 o nga wha-
rangi, " Ka mohio a Ihu  kua oti nga
mea  katoa, na, ka mea Ia, hei whakarite-
nga hold mo te karaipiture, he mate wai
 Toku. A  kowai hoki te kaha ana ki te
rapu i te hohonutanga o enei kupu ? Ko
Ia i hanga nei i nga mea katoa, i kara-
nga, he mate wai Toku."  Na nga ta-
 ngata i hanga nei e Ia, a Ia i titi ki te
ripeka, a puta ana i a  Ia enei kupu,
 " Piri tonu toku arero ki oku kauwae,"
 Waiata 22. 15; A hoatu ana e ratou he
 aha ? He  winika. Aue !  e te Ariki e
 Ihu nui whakahara Tou aroha, e kore
rawa e ahei te whawha, ma tera ao mu-
 tunga kore anake e whakaatu. He aha
 ra te mea i mate wai ai Ia ki runga i
 taua ripeka'? Ha, kei te whakahoki mo
 tena patai ka matau tatou ki te Rongo
 pai, kororia, o ta te Atua atawhai. Ko
 Ia, ko ia nei te tiahotanga o te korona
 pumau tonu, i kitea atu e mate wai ana
 ki runga i te Ripeka i Kawari, kia kaua
 ai ratou e whakaokioki ana ki runga i
 taua mahi oti Ana e mate wai amua
 tonu atu.
   E ki ana a whakapono, i mate wai Ia,
kia kaua ai ahau e mate wai. I pa ki a
Ia te riri o te Atua, kia kaua ai e pa ki a
au, no te mea i pikauria era e Ia ki runga
ano ki a Ia, moku kia ora, me whakapai
tonu  Tona ingoa tapu.   "Kua  oti,"
Hoani 19. 30. Ae kua  oti; kua mutu
nga  mate katoa ki te wai, nga hemo
katoa me nga mamae me nga amohanga,
i te riri, kua mutu rawa mo ake tonu
atu.  I pa enei katoa ki a Ihu kia atea
ai a ratou katoa e whakaokioki ana ki
runga ki a Ia, Nana nei i hanga nga mea
katoa, a Ia te matapuna o nga Wai Ora,
me  te tino Kai-whakaora o o tatou wai-
rua.  Ko Ia i tu ki te whakakapi i nga
mate, ko Ia i mate wai kia pahika ai i a
tatou enei.
  Ko  Ia tapu rawa, i riringi i a Ia ano
ki waho, moku, me ta te karaipiture e ki
nei.  " Ko Ia whai taonga nei, whaka-
rawakoretia iho ana Ia, he whakaaro kia
tatou, kia whai taonga ai tatou i Tona
rawakoretanga."  (2. Koroniti 8. 9).
   He ngakau pakeke rawa tona, e tahuri
 ke atu ana i enei mea, a mau tonu tona
whakahoha.
  Ko  te toru o nga kianga mo te mate
wai, kei a Ruka 15. 24. "E pa e Apera-
hama, kia aroha ki au, tonoa mai hoki a
 Raharuhi, ki te tou i te pito o tana mati-
hao  ki te wai hei whakamatao i toku
 arero ; e mamae ana hoki ahau i tenei
muramura."    Rere ana te mataku o
 tenei tu mate wai, otira he mate wai
 tenei kahore rawa ona makukuranga ake
 tonu atu.
   I te wheunutanga tuatahi i korero ra
 tatou, ko te pai rawa tenei, he nui pa-
 haru no te wai, ana utu noa te tangata i
 ta te Atua tukunga wai mai; na iho. nga
 tangata katoa. Otira nui rawa  atu te
 pai o te titiro kia Ihu i pa nei nga mate
 taimaha rukiruki ki a Ia, kia mama ai
 tatou; Nana i waha nga whakataimaha
 i tika nei kia pa ki a tatou, kia atea ai
 tatou.  Otira, kia pewhea  tatou ki te
 tangata e whakamaumau ana i taua ri-

               TE HOA MAORI
ngihanga wai; ki te tangata e maumau
nei i te matenga o te Karaiti mona; te
tangata heoi ano tona mahara ko ia ake
ano, he kakahu papura ona, he rinena, e
kai ana i nga kai papai i nga ra katoa.
I whakakakahu ia i a ia, i kai, i inu, i
ahanoa atu me kowai ka kite-. Tera pea
i oha ia, i karakia noa, otira e matau ana
tatou kahore te Karaiti i a ia, a kahore
ano hoki ana tirohanga atu he ora kei ko
atu mona.  Au ka kino e !
  Ki te kore e whakangata te mate wai o
te tangata i tenei ao, kahore he whaka-
makukuranga  i tera ao atu.  Aue  te
mate moku  ki reira! E ki mai ana te
Ariki a Ihu mo taua wahi rere te mataku,
" te wahi e kore ai e mate to ratou kutu-
kutu,  ki te kapura  e  kore e  tineia."
(Maka 9. 40). Ko te kutukutu, ke toko-
nga tonutanga ake no te mahara, ko te
ahi, te whakawakanga a te Atua, a, hore
rawa he mutunga!  Taukiri e, tena to
mate kahore ki au e !
  Ko te kupu tenei Ona i mate wai ki
runga ki te ripeka i Kawari, " Haeremai
ki ahau, e koutou katoa e mauiui ana, e
taimaha ana, a maku koutou e whaka-
okioki." (Matiu 11. 28). E,  e nga ta-
ngata e mate wai ana, haeremai ki nga
wai.   Mokonei, ki te kahore e ora te
tangata mate wai, nowai tena he ? He
kotahi rawa te utu mo tena kupu, nana,
ake ano te he, e hara i te Atua. Ko te
wairua o te tangata e maroketia ana i te
reinga, e tere tonu ano te ki ake, naku
ano tenei he ; ko nga hua tenei o taku i
rui ai i te ao maori; e kore rawa ia e
wareware ki tana paopaoranga i nga wai
 ora i whatarona atu ki a ia, e te Kai-
whakaora aroha.  I matau rawa a Ihu
 ki te nui o tena mate whakahara, koia ia
 i haere mai ai kia whakatarea ia ki taua
 ripeka mamae, i whakarerea ai, i mate
 ai i raro i te taimaha o o tatou hara, hei
 Whakapaanga mo te riri o te Atua. Ano
 ka puta i a Ia te kupu, he mate wai toku,
 a kua whakainumia Ia ki te winika, ka
karanga iho Ia, " Kua oti." Tena ra to
nui o tena rongo pai! Puare tonu ake
i reira ano, he puna wai ora hei inu ma
nga tongata katoa e wheunu ana, a ratou
inu noa, hore he wehi. Tena ra to hu-
keke kahore ! e te tangata, e tahuri ke
atu ana ki taua wahi e kore rawa nei e
tae ki. reira he whakamakukuranga,
  E  kai korero, kia whakaaro ; mahara-
tia kei wha tureiti. Haeremai ki a Ihu i
naia tonu nei, e inu, a ka ua to wairua
mo ake tonu atu.


NGA WHAKAWHIUNGA ME TA
 TE ATUA WHAKAORA E PUTA
 AKE ANA.
    (JUDGMENT   AND GOD'S SALVATION).

E KORERO ana te 6 o nga upoko o
  Kenehi ki te nui o te kino me te
poke o nga tangata i noho ki runga i te
whenua i taua wa, a, na kona ka mea te
Atua kia whakamatea  ratou, otira i titiro
pai Ia ki a Noa ; i whakapono hoki ia ki
Tona kupu, a hanga ana ia i te aaka hei
whakaora mo tona whanau. (Hiperu 11.
7).  He kai kauwhau ano hoki a Noa no
te tika, i a ia e hanga ana i te aaka i nga
tau  120, te takiwa i whakaritea. e te
 Atua manawanui, mo te ao, kia ripeneta,
 a, hore ake i ripeneta mo o ratou hara
 2 Pita 2. 5.
   Tera pea ia i meatia e ratou, he hu-
keke, he porangi, mo tona hanganga i
 tera kaipuke nui ki uta ki te tuawhenua,
 hore i tata atu ki te moana; otira, ko te
 tangata e kore e whakapono  ki ta te
 Atua kupu, ko ia te hukeke.
   Kua tutakina atu a Noa ratou ko te
 whanau ki roto ki te aaka, me te ora.
   Ka tutaki ano te Atua, kahore e taea
 e tetahi te whakatuwhera. (Whakakite-
 nga 3. 7). Kua tae ki te ra mutunga,
 te haora mutunga me te meneti mutunga
 e tukua e Ia ki te ao kino, kua rite nga

TE HOA MAORI.

                TE HOA MAORI.
ra mo te manawanui a ngaro ana ratou i
te waipuke, Kenehi 7. 21-24.  E  taku
kai korero, tera pea e mutu ano hoki tou
ra atawhainga, e mate maori pea koe,
na, "ki te rongo koutou ki Tona reo
aianei, kaua e whakapakeketia o koutou
ngakau." (Hiperu 3. 15. Ko  te Karaiti
he aaka mou, e tomo i runga i te whaka-
pono pera me Noa, a ma te Atua koe e
tuataki ki roto.
  Ka maha nga marama a Noa ki te
aaka  ka tukuna atu  e ia te kukupa,
Kenehi 8. 2, i te hokinga mai o tenei, e
mau ana te rau oriwa i kohakina mai e
ia, i tona mangai, na kona i matauria ai
kua oti te whakawhiunga wai.
  Otira tenei te haere hohoro mai nei,
tetahi taima o te tukaha me te kino. Ko
tenei ano hoki e tino whakawhiua e te
Atua.  Ko  Hatana, ko te Atua o tenei
ao, te whakamatapo ana i nga whakaaro
o te hunga whakapono  kore, kei whiti-
ngia ratou e te maramatanga o te rongo
 pai o to te Karaiti kororia, ko Ia nei te
 ahua o te Atua.  (2 Koroniti 4. 4). E
haere mai te Ariki me nga mano tini o
 Tona hunga tapu, Hura 14. 15, a Mana
 e whakamutu enei kino, e mau mai ano
 hoki i te rangimarietanga me te whaka-
painga.
   Ko ta te Ariki ko ta Ihu kupu tenei,
 kei a Matiu 24. 87-89. "E pera hoki
 ki nga ra i a Noa te haerenga mai a te
 Tauia o te tangata. I taua haerenga mai
 i a Noa kihai i tohutohu te whiu a te Atua
 ki te ao mahi kino, a, e kore ia e tohu i
 te hunga kino a tenei ake haerenga mai
 Ona.  I tera wa i ohorere te paanga mai
 o te mate, a e ohorere ano hoki te Whaka-
 paanga i tenei e taria atu nei; e pera te
 haerenga mai mehemea nei he tahae i te
 po puta whakarere.  Eo taua taima e
 meingatia ana ko te ra o te Ariki, no te
 mea, e mau mai Ia i Tona kaha nui a e
 Kingi ki te ao, titiro kia 1 Tehanorika 5.
 2-3.—2 Tehanorika 1. 7-9. Mehemea i
ripeneta tetahi tangata i nga ra i a Noa,
kua toma ia ki roto i te aaka a kua wha-
kaorangia, no te mea, he  aroha ta te
Atua ki te matamua, ko te whakawhiu-
nga ki muri, ina pakeke, a, ko Tana ki te-
nei inaianei, " Nana, tenei te wa mana-
kohanga mai ; nana, ko tenei te ra o te
whakaoranga.
  Ko te Karaiti te aaka mou, ki mua atu
i te haerenga mai o Tona whakawhiunga.
Me  te Atua i tutaki i a Noa ki roto kia
ora ai, Whaihoki e whakaari ana Ia i te
ora ki a ratou katoa e whakaokioki ana
ki Tana Tamaiti e arohangia ana e Ia,
ina hoki ta 1 Pita 2. G.  Te tangata e
whakapono  ana ki a Ia, e kore e wha-
kama.
  E  tono atu ana matou ki a koutou, e
te hoa kai korero, i runga i te atawhai o
te Atua, kia tomo koutou ki roto ki te
aaka i te mea e tuhera ana ano. E hara
i te mea kia hanga aaka koutou pera me
 Noa, kua oti hoki te aaka mo koutou te
 taka.  " Koia ano hoki te aroha o te
 Atua ki te ao, homai ana Ia i Tona
 Tamaiti kotahi (Hoani 3. 16). I mate
 a Ihu ; ae, i mate mo ta te Atua kororia,
 a, ki te whakaora hold i te tangata hara,
 i te riri e haere mai ana. I reira, i a Ia
 i runga ano i taua ripeka, ka pa te wha-
 kawhiunga a te Atua ki taua Reme Tapu,
 mo a te tangata hara (2 Koroniti 5. 21).
 I rere ki runga i a ia nga mate, a, taupo
 kina ana te Wairua o Tona ake Tamaiti
 arohangia, e te pouri. I inumia e Ia te
 kapa kawa rawa; I tupou iho Ia i Tona
 matenga; i mate.  I whakamaringihia
 Ona toto. I kawea ki te ana, na te Atua
 Ia i whakaara ake i te mate, " whakaro-
 ngo ki tenei, e nga iwi katoa; tahuri
 mai o  koutou taringa, e nga  tangata
 katoa o te ao. E  nga tangata iti ratou
 tahi ko nga tangata rahi, e te tangata
 taonga raua ko te rawakore," (Waiata
 49. 1, 2). Na te Atua Ia i whakaara
 ake i te mate, a, hoatu ana ki a Ia, te
 kororia kei Tona ake ringa matau. Kei

                TE HOA MAORI.
reira anake te aaka e ora ai te tangata i
te awha e haere ana mai. Oma atu ki a
Ia inaia ano.   Titiro atu ki a Ia, e  ki
mai ra Ia i te aroha, e ngawari mai ra
Tona mata, whakarongo ki te ngawari o
Ana kupu, e tawhiri mai ra nga ringa, e
tono ana i a koe kia haeremai. E wha-
kapatata ana mai te ra o te whakawhiu-
nga.  Karanga tonu mai ano Tona reo
ki a koe, e te tangata hara, " Haere mai
ki au."  He nui rawa atu to mate, otira
kei a Ia he ora mou, " Ahakoa i rite o
koutou hara ki te mea ngangana, ka pera
ano me  te hukarere te ma: ahakoa i
whero me  te mea whakawhere, ka rite
ano ki te huruhuru hipi " (Ihaia 1. 18).
E  horoia ana o tatou hara e nga toto o
Ihu Karaiti o Tana Tamaiti (1 Hoani 1.
7). Haremai ki a Ihu, a, " kua murua
o koutou hara" (1 Hoani 2. 12). Haere-
mai ki a Ihu, a, kua whiwhi koe ki te
oranga tonutanga (Hoani 6. 47). Hae-
remai ki a Ihu, a, kua ora koe. E tono
ana  mai Ia ki te katoa; E  kore ranei
koe e haeremai ?
  Kua  tata te mutu nga ra o te atawhai
noa.  Meake ano mangu pouri nga rangi,
a ka pa ano te whakawhiunga a te Atua
ki te ao. Otira, a tenei ake Whakapaa-
nga, e hara i te waipuke, otiia ko reira
ka wawahia nga hiri a poto noa nga hiri
e whitu, a ka whakatangihia te tetere ki
muri  atu i te tetere, a poto noa era, mei
reira ka pakarua ko nga oko, ka ringihia
nga riri whiu whakamutunga ki te ao, he
oko ki muri i te oko, a poto noa era wha-
kawhiu whakamutunga ki runga ki te ao
tangata whakateka, whakaponokore, a ko
te whakamutunga o enei ka whakaputa
mai te Tama a te Tangata Pu ano ki te
whakawa i Ona hoa riri ; ko nga tangata
whakatupereru, paopao, taunu, whaka
arakore, me  nga tangata whakapono
ngutu kau ano, e ia ma, hei naia nei kia
tupato ! I te putunga mai o te waipuke,
 i uhia atu ratou katoa.  E peratia ano
hoki te tangata i nga ra o te Tama a te
Tangata.  Hore rawa he tangata o era i
waho o te aaka i ora. Me pehea ka ora
ai koe i enei mea?  Ko  te Karaiti te
aaka.  Kei a Ia anake te ora mou. E ki
ana te Atua ki era katoa i waho, "E
kore rawa ratou e ora." Na, e te tangata
whakateka  e tatari ana ki enei mate
whakahara,  kia kotahi atu ta  matou
whakamahara, tomo mai i naia tonu
nei.
  Aue te mate mo  te tangata, kahore i
tomo  ki roto i a te Karaiti, a, kua paia
te tatau ! Whakarongo ki te reo e kara-
nga mai ana, kei wha mutu te karanga,
a ka tahuri mai taua reo i karanga ra, a
ka  mea mai,  " Ka kata atu ano hoki
ahau ki to koutou, aitua ka tawai atu ina
pa mai te pawera ki a koutou ; ina tae
mai to koutou pawera ano he whakanga-
romanga, a ka pa mai to koutou aitua,
ano he paroro; ina tae mai te he me te
ngakau mamae,  ki a koutou. Ko reira
ratou karanga ai ki a au, a e kore ahau e
whakao  atu, ka rapu wawe ratou ki a au,
otiia e kore ahau e kitea e ratou (Whaka-
tauki 1. 26-28). E  karanga atu ana te
matauranga  ki a koutou, kia mau  ta
koutou rongo ki te Atua.  Anana!  te
nui o te aroha whakamiharo mo te ta-
ngata hara e whakarongo ana, e haere
 atu ana ki a Ia.  E  kore ranei koe  e
haeremai ?  Kei tou taha te kaha o te
 Atua ora i naia nei. Kahore i te wha-
 whai atu ki a koe i naia nei. E tika ana
 te Atua, a ko Ia ano te kai whakatika o
 te tangata e whakapona ana ki a Ihu.
 Haeremai, aue, haeremai ki a Ia i naia
 nei!
   E tono atu ana matou  ki a koutou,
 nga tangata katoa kei te hara ; Kei te
 kuwaha te kai whakawa e tu ana. E
 haere ana mai te riri. Kia whakaaro,
 kia mohio, hei tenei ra ka kuhu ki roto
 ki a te Karaiti. Haeremai i naia tonu
 nei, e kore rawa Ia e panga i a koutou
 ki waho.  Whakarongo  ki ta te Atua
 whakatupato.

   Kahore hoki he tangata tika i te
                                  
whenua e mahi ana i te pai, a kahore

ona hara                                            Kai-Kauwhau  7. 20.
                                                   (Ecclesiastes 7. 20.)



   Tena  ra, tatou ka korerorero, e ai
ta Ihowa; ahakoa i rite o koutou
hara ki te mea ngangana; ka pera
ano me  te hukarere te ma; ahakoa
                                                                                                                                                               
                                                                                                                                                                                                                                                                          0
i whero  me  te mea  whakawhero,

ka  rite ano ki te huruhuru   hipi.
                                                                                                                                                                        Ihaia 1.18
                                                                                    (Isaiah 1.18.),'

    E horoia ana o tatou hara e nga
toto o Ihu  Karaiti o Tana Tama.
                                                                    1 Hoani 1. 7.
                                                                        (1 John 1.7.)
    He  mea ta e GEORGE COUTTS, ki te
 whare   o  te Paipera pukapuka   hoki,
 Karangahape, Akarana.
     Te utu kotahi pene, ka rere ma te mera
 he pene me te hawhe pene, — 6 herini mo te
  rau.
   Published by GEORGE COUTTS, at ihe
Bible and  Book   Depot, Karangahape
Road, Auckland.

    Price One Penny, by post 1½d., or 6s.
per hundred.