|
loading...|
|
Huia Tangata Kotahi 1893-1895: Volume 2, Number 33. 29 September 1894 |
|
|
1 1 |
▲back to top |
HUIA TANGATA KOTAHI.
NAMA 33. HATAREI. HEPETEMA 29. 1894. PUKAPUKA 2.
Tukua mai te whangai i mua ka rere atu te
Manu. E hara i ta tika ma te hunga kua utu i
tana Pepa e utu te Pohitanga ki te hunga kaore
ano i utu.
Ko te utu mo te pepa nei ite tau, kotuhi
pauna, ki te tuku mai te tangata i tana pauna, '
ite Pohi, me Rehita rawa, ku tuku mai; ko te i
tuhi me penei.
Kia Ihaia Hutana, Etita o Huia,
Hehitingi Nepia.
PANUITANGA
Kupu whakamarama ki nga hoa ki te tuku
moni mai koutou, mote Pepa nei, me tuku mui i
nga moni ota o nga Poutapeta, kaua i nga
Pane Kuini, he mea ua ua te homai moni mo
nga Pane kuini i konei.
Tenei kei te Tari o Huia nga Pukapuka wha-
ka Kawenata o te Paremata Maori, o te Kotahi-
tanga i tu nei ki te Waipatu, ite tau 1892, me
te tau 1893, kua whakakotahitia te Pukapuka,
ki te hiahia te tangata me tono mai ki te Etita
o. Huia, Hehitingi Nepia, me tuku mai hoki tu
rua herengi, ka tukua atu te Pukapuka i te
Meera.
HATAREI, HEPETEMA 29, 1894.
KOTAHI PUTANGA ITE WIKI
"HUIA E"
HUIA TANGATA KOTAHI,
TOROA WHAKAPAI TANGATA.
TENEI ano ka taia marietia
ki te Pepa nei nga korero a
ia mema a ia mema o te
Parematae nohomai nei i Poneke,
mo runga i te Pire tono mana
motuhake i kokiria ra e Hone
Heke ki te whare i te 10 onga ra
o Hepetema nei a tena hoki o
koutou whakaro e oho rere mo
runga i te ahua tonu o nga mema
me a ratou kupu i whakapuaki ai
mo taua Fire, a tena hoki e rere-
ke i roto i o koutou whakaro te
mohio mo runga i aua korero
whakahe a nga mema.
Otira e kore ano hoki e whiwhi
o koutou whakaro i te mohio tera
he tikanga kupu aua kupu
a aua mema nei. Ko te
tikanga pai kia kaua rawa
te iwi e kite i aua kupu nei, e
hara hoki aua kupu i te kupu
marama, a, i te whakahe ake ranei
i runga i te ngakau mohio, ranga-
tira ranei. Engari be kupu a ua
kupu no waho noa i o
ratou ngakau, penei i te whaka-
kimo a te kanohi ki tetahi, a he
i ritenga ano hoki note kai mahi
ki tona rangatira, ura penei, kua
kite i te run gatira e haere mai ana
I katahi ano a waho ka whakaatu
i te kaha katahi ana ka
tukua te hau kia rere i te
waha, kia pupuhi nga Paparinga,
rere una te wai ki waho o te
mangai Heoi te horinga ketanga
o te rangatira, kua mutu te ngo-
ngo a te mangai i te hau, me te
pupuha mai kia ki ai nga Papa-
: ringa, hei tohu whakaatu
ma waho e kitea mai ai te
kaha.
Ina hoki mehemea ka kite
koutou i nga Putake whakahe a
i nga mema mo taua Pire tono
mana, ka kite koutou, ka matau
tonu iho, kaore rawa aua kupu i
whakapuakina mai i runga i te
tika me te ngakau mohio, me te
whakaro pai.
Ina hoki ta Tiwini kupu, mehe-
mea note wiwi te mana i runga i
te motu nei kua mate noa atu nga
Maori, a kote kupu ano tenei a te
Karimana i Poneke i te ra tau. I
whakakahokia e nga rangatira ki
te Minita i reira. Kia whakaatu
ria mai nga iwi o te ao i patupatu-
a noatia e te wiwi.
Ko ta Timi Kara kupu, whaka-
hoki mo taua Pire, kei tawhiti
noa atu nga whakaro o te iwi
maori, a kua tata ki te wa e mutu
ai te noho he mema maori i te
whare, a kite tu he mema pakeha
hei mema mo nga maori katahi
ka nui ke te pai e puta ki nga
maori.
Mehemea hoki he pono tu kupu
a te Honore mema nei kei waho
noa atu tenei tikanga, penei, he
aha hoki te kawanatanga o Inga-
rangi i tohu tohu mai ai ki te
kawanatanga o Nui Tireni rao
taua tikanga.
No reira ki taku whakaro, e
hara nga kupu a taua Henare
mema i te Rito i kokiri ake i wae-
nga o te Pakiaka o te whakaro
nui, i roto nei i te whare i maru
ai, ai e kiia ana hoki he kai wha-
kahoki kupu a ia i reira mo te
taha kite kawanatanga.
AHAU RA E HEHE MA, E NGOI MA,
E TAMAMAI
Ara e koro ma e kui ma e tama
ma. E kore hoki ra e taea
te whakakoromaki tonu i roto
mo te wa roa. Tenei te hanga
tarewa tonu te ra te arero i waho,
maroke hikaka te korokoro. No-
noti ana te tatua ki te hope, kei
te tapipi noa ki te wai kawa o te
Puha, hore rawa he aroha hei ki-
naki. No reira kua roa tenei to
wa e rere ana ahau kia koutou ia
wiki ia wiki, a kua taea tenei te
raumahi, kua tarewa te rau ote
rakau, kua kohera nga puawai
matamua, kua whakangao te hua
i roto, a kua whawha te kanohi, kua
ngaua ete taringa, kua horomia
kei te ngakau.
No reira nei he aha hoki te he
o te inoi atu, kia tukua mai te ora
mo ta koutou mokai. E hara hoki
ahau, i au e rere atu nei i te kai
mahi ki nga rangatira tokorua, e
whakahawea ai ki tetahi, e aroha
|
|
2 2 |
▲back to top |
HUIA TANGATA KOTAHI, HATAREI, HEPETEMA 29.
ai ranei ki tetahi. Engari ko te
kaimahi ahau ete iwi kia koutou
anake kei te Pono taku mahi,
tukua mai ra e nga hoa te mea e
rite ana mo taku, kia koutou.
Na ta koutou mokai Huia
Tangata Kotahi,
PAREMATA O TE KOTAHITANGA
KI
ROTORUA MAEHE 7, 1895.
He Panuitanga tena ka tukua
atu kia koutou ki nga tangata i
kohiria e te iwi hei mema mo te
Paremata o te kotahitanga o nga
iwi maori o Aotearoa me te Wai-
pounamu, i raro i te mana o te
Tiriti o Waitangi, tau o to tatou
Ariki 1840. E panui ana e wha-
kaatu aua kia koutou ki nga
mema o nga whare e rua me era
atu ano hoki, ka Puare te Pare-
mata tua wha o te kotahitanga ki
Rotorua a te 7 o nga ra o Maehe,
1895, a te rua karaka i te awatea,
me tae katoa mai koutou i mua o
taua ra, o koutou kai riwhi ram i,
Hei kona kia ora tahi tatou i raro
i te atawhai o te Ariki.
Heoi I tukua atu i raro i toku
ringa i tenei ra 24, 1894. Na
MOHI ATAHIKOIA.
Tumuaki o te Whare,
Runanga.
NO HERETAUNGA
—«—
KEI te Hainatia e ngu Rangatira o
Heretaunga me etahi atu wahi, e
tahi Pukapuka whakapai whakawhetai
utu, Ha Ropata Taute, Hori Hatihana.
Tamati Mekenehi, Takuta Numana, me
Kapene Rahera, mo te Pai oa ratou kupu
mo runga i te Pire tono mana, aha koa
kaore ratou i whakae ki taua Pire otira i
whakahe ratou i runga i te ahua tu
tangata whaimana o nu ake. I
Tokorua nga Pakeha kua hopukia i i
runga i te whakaaro noa, Na r. raua
pea i wahi te Pou-tapeta i Hehitingi, i '
haria ru te Pouaka moni, i hopukia mai
i Poneke, kei Nepia i nei, hei te
mane te 1 onga ra o Noema nei. ka noho
raua ki te nohoanga whakawa ui ui, mu
taua mea ki Hehitingi. a kai reira tino
mohiotia ai. E hara peu, a na raua tonu
ranei,
Kua wera te whare tuatahi i mahia ki
runga i te hiwi i Nepia Hukarere.
Ko taua whare ka toru tekau nga tau,
nuku atu ranei. Ko te Turei nei i wera
ai. Ko taua whare no Porowihi. I te ma-
hinga ai o taua whare, kaore tahi he rori
hei haeretanga atu mo te tangata ki reira.
Ko te mauranga atu i nga papa, waha
atu ai i te Peti ki runga hiwi.
Ko nga rakau o taua whare no tetahi
ngahere iti i te taha o Pakohai
mete Waiohiki. Ko te inihua o taua
whare e £400. Ko nga moni a
taua pakeha i ngaro i taua ahi e
£500 pauna.
Kua hamama, ara kua tuhera te waha
o te whenua me te moana kua hokari te
rere o te au o era nga iwi ki roto, ara o
nga rau, mano ote Hainamana raua ko
te Tiapanihi, e hinga mai nei i te Pare-
kura, a kei te titiro nga iwi me te wha-
kawairakau i ana taputapu, mo uta, mo
te moana, mo runga, mo raro, ara te mata
hii taua
No te Weneri 26 o nga ra nei ka tanu-
mia a Tawhiao ki Taupiri. E rua mano
nga Maori i haere i muri i te tupapaku.
Na te Peene Maori o Otaki i mau ki te
tanu. He nui te whakamihoratia ote wha-
katangi u taua peene. Kua timata te
hoki hoki o nga tangata ki o ratou kaai-
nga inaianei. He nui te waipu ite tuku-
nga o te tupapaku ki roto i te run, e mea
anu te pepa pakeha o Akarana " Ngaehe
ana a Taupiri. "
Kua tae mai te rongo o Matata me
whakatane i roto i nga marama e toru i
tae ki te whu tekau tangata Maori
e mate ana o reira. I etahi ra.
toko toru tangata e mate ana. No
te mohiotanga o te pirihimana Maori
tera ia e hemo Ka whai ki ake in ki ona
whanaunga kia kaua hei mahara hura ka
tona mate, ana e penei na he te Maori.
uha ranei; engari he mate i te kainga
waipiro. E toru ona ra e takoto ana ku
hemo. £ kiia anu huki i uma matenga,
haunga waipiro katoa taua tangata.
WAEA MAL
O
NGA MOTU I WAHO ATU I
NUI TIRENI.
— —
HAINA.
HANGAHAI. Hepetema 24.
Kua tukua e Haina he hoia ki tetahi
taone ko Mokotene te ingoa, ki te mahi
pa tino kaha ki waho o taua taone. K
kiia unu ko te take i tahuri ai te Haina-
mana ki te mahi pa ki waho o taua
taone he nui no nga mea nunui kei roto
i taua taone.
TOKIO, Hepetema 24.
K mea ana te nupepa ote Tiapanihi kua
tae mai ki te taha Tuaraki o Kuria e
rima mano nga hoia o Ruhia, • e whaka-
parau ana hoki taua nupepa ki te ki a
Ruhia ko te take i haere ai nua hoia ki
reira, he kimi i nga herehere o Haiperia
kua oma oma.
AWHE RIHA.
KEEPI TAONE, Hepetema 16.
Kua tae mai tetahi o nga manuao o
Ingarangi ki konei, a kua haere mai nga
heramana ki Rorene Maku, ki te tiaki i
te. taone i runga i te rongo tera e whaka-
ekea e tetahi Iwi mangu o konei ko te
Kawha te ingoa.
NU TAUTE WEERA.
POIHAKENA, Hepetema 26.
Kua tae mai tetahi pire paraiwata ki
roto o te Paremata o konei he mea kia
whakahokia iho te utu mo te kawana i
te £7000 ki te £5000 pauna it te tau.
INGARANGI.
RANANA, Hepetema 26.
E korero ana tetahi tangata ko J.
Hamaparini te ingoa i roto i tetahi taone
ko Riiti te ingoa kia mau te kawanatanga
o Ingarangi i te ahuatanga o te pooti
mema mo te whare Ariki o te Henata
ki Amerika (Paremata ki konei), hei
tauira mo te pooti mema mo te whare
Ariki o to konei Whare Ariki.
AHITIRIA.
WIANA, Hepetema 25.
I runga i te tono o Hangakeri ki to
konei kawanatanga kia riro ko nga
miiti whakahuka o Nui Tireni nei hei
miiti ma nga hoia, na reira tonoa ana e
te minita o nga whawhai kia tukua atu
etahi miiti peru o Nui Tireni. I te tiro-
hanga-ai, ka kitea he pai ana miiti,
otira kaore. ano i tino tuturu te kupu kia
riro atu ranei ko o konei miiti, kaore
ranei.
Hepetema 26.
No runga i nga patai ki taua minita o
nga whawhai ki te tino take i kore ai e
oti taua whakatau mo aua miiti katahi
ka meatia mai e iu. ki tona mahara ka
pirangi nuitia e nga hoia ko nga mea
e patu ana i reira tike nga mea pai.
WAEA
NUI TERENI.
TURANGA HEPETEMA 22.
No waenganui po nei ka kitea e ka
ana te ahi i te taha o te poutapeta. I te
kiteatanga ai he mea ata whakapukai
marika he wahie ki te taha ote whare.
Ko aua wahie he mea ata riringi he hinu
whenua ki runga, a tae utu hoki ki nga
papa o waho o te whare.
AKARANA, Hepetema 21.
I tae mai tetahi reta a tetahi tamaiti
Maori ko Apirana P. Ngata te ingoa ki te
komiti nui o nga Kura i konei, he tono
mai kia whakapuretia kia uru nga tama-
riki Maori me ngatamariki Awhekaihe ki
nga kura nunui kaua hei utu penei me a
te pakeha;. he mea mai hoki kia whaka-
turia tetahi moni takoha hei whangai mo
nga tamariki Maori Ko te mea e matou
ake o ratou ma ana taua moni. Me pera
tonu i nga tan katoa. Ko te take i mea
ui ia kia peneitia, kia whakaaro nui ai te
tamariki Maori ki te mahi. He tautoko
tetahi na ana i te korero a Hone Heke i
korero ra i roto i te Paremata mo nga tama-
riki Maori ara kia whakaturia he kura
ako ki nga mahi kia katoa.
AKARANA, Turei 25.
I noho te hui a te komiti o te Kareti o
Akarana nei me to te Karama Kuru. Ko
te putake o ta ratou hui he whakariterite
kia mahia, etahi ture mo nga, tamariki
Maori kia kaua e utu mo te akoranga i a
ratou. Koia enei ko u ratou mahi i oti-
1, Ko nga tamariki Maori kua tekau
ma, wha nga tau ka whai inana ki
te iu ui ki nga whakamatautau wha-
katapoko ki nga kura rarahi. Ko
taua whakamatautau kia rite ki nga
mahi a te karaihe tuawha o nga
kura timatanga atu.
2. Ko nga tamariki Maori kua tekau
ma rima nga tau me whakamatau-
tau i nga mahi e rite anu o nga karaihe
tuarima o nga kura timatanga atu.
3. Kaua e nuku atu i te ono tamariki
i Maori e paahi i te tau kotahi.
4. Kaua e nuku atu i te tekau ma rua
tamariki e noho ana i roto i te kura
i te takiwa kotahi.
5. Ko tenei mana kia akona noatia
e iho nga tamariki Maori, e haere ana
|
|
3 3 |
▲back to top |
HUIA TANGATA KOTAHl, HATAREI, HEPETEMA 29.
ki runga i nga tamariki Maori tutu-
. ru anake.
6. Ma ia tamariki Maori ano e hoko
nga pukapuka e hiahiatia ana.
He nui te whakapaitia o tenei mahi.
Kua tukua atu ki te minita o nga kura
i Poneke kia whakaaetia mai taua wha-
karitenga a taua komiti.
TE WHAKAARAHANGA O
MAHUTA TAWHIAO HEI
KIINGI. i
\_\_\_.
He panuitanga, tenei ki nga Iwi, ki
nga Hapu; me nga Rangatiratanga e
noho nei i Aotearoa me te Waipounamu.
Tena koutou katoa —
Whakarongo mai !
No te 14 o nga ra o Hepetema, i te tau
o to tatou Ariki, kotuhi mano e waru
rau e iwa te kau ma wha, i e 10 o ngu
haora i te ata, ka Tuwhera te
nui o Aotearou me te Waipounamu. Ku
tapoko te Tamaiti a Tawhiao ki te
Whare, me te Wherowhero Tawhiao,
tona Teina, me o raua Teina, me to ratou
Tuahine.
Heoi ra, no to ratou nohoanga ki te
Torona o to ratou, Matua ku hui katoa
ngu Iwi kia kite ia ratou, ki te Whaka-
tuwhera hoki i te Whare i te mea e noho
Taua ana te Whare; i te Matenga iho ai
o Tawhiao.
Ka rupeke nga lwi ki roto, he roa te
wa i Tangihia ai e nga Iwi aua Tamariki,
me te Torono o te Kaumatua—A, i te
mutunga o te tangi a te Iwi. ka Iriiria
te Ingoa o te Tamaiti tuta a Tawhiao.
Na tona "Teina ano i whakahua ko
Tawhiao te Kiingi tuatoru
I muri iho i te whakahuatanga o tuna
Ingoa e tuna Teina, ka panuitia ana
kore o he mea tuhi ki tetehi Pukapuka,
koia tenei—
TR Iwi E '. TENA KOUTOU. NGA RA-
Hauraki Te Whanau a Maru
Ngai: erangi Ngati Porou
Te Arawa Ngaitai
Ngatiawa. Taranaki
Te Whakatohea Ngatipaoa
Te Urewera Ngatituwharetoa
Te Whanau a Ngatimaniapoto
Apanui Ngatiraukawa
Te Whanau Ngatiwhakatere
a te E hutu
Ngatikahungunu Ngatiwhaatua
Ngatitoa Ngapuhi
Ngatiruanui Te Rarawa
Tena Koutou, katoa! katoa !! katou!!!
nga Pou o te tikanga, me nga Mana i
whakatakotoria ki toku Tupuna i runga
ano i te Mana o te Iwi Maori, o Aotearoa
me te Waipounamu.
Tenei ahau te whakanui atu nei kia
koutou i runga i te aroha i au kua noho
nei ia koutou ki runga i te Ahurewa o
toku Papaa. Ma te Atua tatou katoa e
tiaki.
Tenei hoki au te mihi atu nei ki nga
Hapu e toru,
Ki nga Matariki
Ki nga Manukura
Ki nga Whakamarumaru
me nga Rangatira i tu nei i nga ra o
toku Papa, hei pou mo te Kiingitanga o
te Iwi Maori. Tenei hoki au kei te
ata whakaaro ki nga Tikanga.
|
|
4 4 |
▲back to top |
HUIA TANGATA KOTAHI, HATAREI, HEPETEMA 29.
KUPU APITI Te roanga.
. Otiia e kore ahau e tino kaha ki te
whakapuaki i nga kupu i runga i toku
ahua Tauhou. Otiia ka atu whakaaro-
hia e ahau nga kupu i waiho e toka i
Papa hei pupuru maaku i muri i a ia,
kua oti i a ia te whakatakoto ki o koutou
aroaro kia whakahaerea e koutou nga
mea e tau ai he ora mo nga Motu e rua.
Aotearoa me te Waipounamu. E
whakaaro ana ahau me ata Whiriwhiri
ano hoki ahau, tae noa ki te Mete takoto;
mai nei, i te tau 1895. i
E whakaaro nui ana ahau ki nga kupu
i whakapuakina e toku Papa kia Mania-
poto i raua atu o tona matenga tera ano
nga pou o tona Whare, kei le tu i Hau-
rua, i Pukawa, nga Pou i tu nei ki te
aroaro o tona Matua. Heoi ano.
NA TAWHIAO TE KIINGI O TUATORU.
I le mutunga o te panui o nga korero
i whakapuakina ki le Whare katoa, ka
tu ko Taingakawa te Waharoa, ki te
whakapuaki i ona ake whakaaro rao
ranga i te ahua o te noho Tauaa o te
Whare, rae te pouri o nga ngakau o nga
Iwi, o nga Hapu, me nga Rangatira.
Koia nei ana kupu. Taku whaka-
marama atu kia koutou katoa e pae nei,
ko nga pouritanga katoa i runga i a
tatou e noho nei Tane Wahine, Tamaiti.
Ko tona whakahoronga ano tenei, i te
mea kua kite ake tatou katoa e noho nei,
kaore i mate; engari kei te ora, e noho
nei i te nohoanga o tona Matua. " Koia
te Kiingi" i muri i tona Papa, koia au
i mea ai, ko tona whakahoronga ano
tenei o te pouritanga i runga ia tatou.
I muri i tenei ka tu ake. Ko te Uata;
te Karetai. He mihi atu ki te Kiingi.
He whakanui ki a ia, a he tono hoki kia
puta nga tangata katoa ki waho whaka-
puta ai i ngu mihi me nga whaikorero. '
I muri i tenei ka tu ake. Ko Taipari
Makarauri. Ka tuhi ka mea—•' Kia
toru nga Whakanuinga mo te Kiingi. "
E toru nga whakahuatanga—" Hipi hipi
Hure. " Hamama katoa nga tangata
Hure !
I muri i te Huretanga, ka tuku katoa
nga Turi o te lwi ki raro, e toru tuohu-
tanga ka mutu, ka pakaru te Iwi ki
wahu, ka rupeke ki te Marae ka tahi ka
puta utu te Kiingi me ona Teina ki waho
o te Whare.
Heoi, ku haere atu te Kiingi, me ona
Teina me te Tumuaki o te Kingitanga,
ki te Marae ki te wahi i tu ai te Iwi.
I to ratou putanga atu ki waho o te
Whare e tu ana te Iwi mau Pu i waho e
70. Katahi ratou ka Whakahonore ki
te Kiingi, e 3 o ratou Tutohutanga ki
raro ka timata te Pupuhi, ngaro katoa te
Marae i te pawa o te Pu.
Tera atu te roanga.
Na to koutou hoa,
T. T. RAWHITI.
No te Paki o Matariki.
Kinga boa tuhi mai, he moni kua tukua mai
hei utu mote Nupepa i te tau—
£ s d
Hone Rautahi...... 100
Peni Te Ua...... 100
Hakapa Hamiora...... 100
Piripi Te Awarau..... 100
PANUI
Hehitingi,
Hepetema 14th, 1894.
E tono ana ahau inaianei me utu tonu mai
kia au nga moni e takoto nama ana ki te Ka-
mupene o Hauati raua ko Te Ruihi, kua wha-
kawhitia mai ki a au e raua nga ritenga me
nga mana katoa ki runga ki nga moni e takoto
nama ana a ia tangata, a ia tangata, ki a raua.
Me utu tonu mai i te 3O o nga ra o tenei mara
ma, a, i mua atu ranei o taua ra, ko nga tangata
e kore e utu i a ratou nama i mua o taua ra.
kaore au e tuhi atu ano, engari ka tere tonu to
ratou hamenetia e au.
\_\_\_\_\_\_\_\_\_\_ AATA TIKINA.
PANUITANGA
He panuitanga tenei kia mohio nga
Maori ko Erueti Rikihana, he tino
tohunga ki te mahi para, i whare papa,
me te tohu tohu ki nga Kamura mahi.
Koia; hoki te kai whakariterite mo tetahi
mira kani rakau. E paku aua tana utu
mo ana mahi.
Kei Waipawa tona kaainga tuturu.
PANUI KINGA MAORI.
Ko nga nama katoa a nga tangata kia
J. H. KOTORE me utu i te ra whaka-
mutunga o Oketopa i mua atu ranei.
Ki te kore e utua i taua ra kamenetia
nga tangata e takoto tonu ana nga
nama.
Heoi ano
NA J. H. KOTORE
Tangata tui tera, tui kakahu paki o
KAIKORA.
PANUI TARIANA
K hoa ma whakamutua te mau i a koutou
uha, ki nga tariana pakeha, engari kawea mai
I ki tenei tariana kia iputa ai ho momo kaha ki te
I mahi ma koutou, Ko tenei tariana he tamaiti
na te tariana a te Makarini. Ko tona papa ko
Parangakirihi. Ko tona koka he tamaiti na
Riritione, tariana a Henare Rata. Kei ware-
ware koutou ki to koutou hoa. Ko nga tangata
e hiahia ana, me maa mai a koutou uha ki
Patangata. Ko te utu; ki nga Maori e rua
pauna e rima herengi £2 5s. ki nga pakeha e
toru pauna £3 5s.
Heoi ano
Na to koutou hoa
WHATU RENATA,
PATANGATA.
HEHITINGI, HAKII PEI NIB TIRENI.
He mea Perehi e TEOTI me IANGA a he mea
panui e IHAIA. HUTANA, me TIMOTI WHIUA, i
raro i te Komiti o te Kotahitanga.
HATAREI, HEPETEMA 29, 1894.