|
loading...|
|
Huia Tangata Kotahi 1893-1895: Volume 2, Number 49. 02 February 1895 |
|
|
1 1 |
▲back to top |
HUIA TANGATA KOTAHI.
NAMA 48A.
Tukua mai te whangai i mua ka rere atu te
Manu. E hara i te tika ma te hunga kaa utu i
taha Peps e utu te Pohitanga ki te hunga kaore
ano i utu.
Ko te utu mo te pepa nei ite tau, kotahi
pauna, ki te tuku mai te tangata i tana pauna,
ite Pohi, me Rehita rawa, ka tuku mai ko te
tuhi me penei.
Kia Ihaia Hutana, Etita o Huia,
Hehitingi Nepia
Kupu whakamarama ki nga hoa ki te tuku
moni mai. koutou, mote Pepa nei, matuku-mai
i nga moni ota o nga Poutapeta, kaua i nga -
Pane Kuini, he mea ua ua te homai moni mo
nga Pane kuini i konei
Tenei kei te Tari o Huia nga Pukapuka wha-
ka Kawenata ote Paremata Maori, ote Kotahi-
tanga i tu nei ki te Waipatu, ite taa 1892, me
te tau 1893, kaa whakakotahitia te Pukapuka,
ki te hiahia te tangata me tono mai ki te Etita
o Huia, Hehitingi Nepia, me tuka mai hoki te
rua herengi, ka tukua atu te Pukapuka i te
Meera.
HUIA TANGATA KOTAHI
HATAREI, PEPUERE 2, 1895
KOTAHI PUTANGA ITE WIKI
"HUIA E"
HUIA TANGATA KOTAHI,
TOROA WHAKAPAI TANGATA.
HE KUPU whakamahara atu
ki te iwi, mo runga i te
ahua o te manu e rere nei. Kua
taea tenei te tau hoou, a kua tata
te Pepa whakamutunga i runga
i tenei ahua i a ia e rere atu nei
ki te iwi, i Kiriminatia ai rao te
tau kotahi, a koia hoki tenei te
Pepa i tutuki ai te taa, a e mutu
ai hoki tona rere atu ki te iwi i
runga i tenei ahua. E taea hoki
te pehea e te iwi tenei ahua, kua
oti ano i o tatou tupuna te wha-
kaatu mai kia tatou, koia i te
Otira e te iwi e kore e taea e
ahau te whakaatu i konei te wiki
te marama ranei e rere ai ano te
manu ki nga hoa, i runga i te
ahua o te Perehi Motuhake kua
tonoa nei, ahakoa ra tenei ano te
ngakau kei te Tumatatenga mo
te hihikotanga mai o te iwi ki
tenei taonga kua whakamutua nei
i tenei marama. He uha koa kei
roto tonu i toku ringa nga tono
i tukua mai mo te tau hou, otira
he tokomaha nga hoa kua pau te
tau ma ratou, i runga i te tohe
me te kaha, o to tatou taonga,
ki te rere atu, a tenei hoki toku
ngakau kei te whakawhetai
tonu atu ki nga iwi, ara nga hoa
taurangi me nga hoa taupua, e
nohu mai wei i runga o Aotearoa
rae te Waipounamu mo te pai me
te Manaaki i tenei taonga kua mau
minaminatia nei i roto ite ngakau,
Ue aha koa he haonga na te
puku, ki ta tona ringa ake, i
raro i te ahua o te ora e whaka-
kaha nei i te tinana e tupu ai ki
te nui ki te bra, otira kei te kaha
Motuhake, he whakaro ki te iwi
me nga tikanga kua whakahaerea.
I runga i nga iwi.
NO TE tekau ma tahi o Hanuere nei i ti-
mata ai te Haina o nga iwi o (Here-
taunga nei ki te Pakapaka whakamutu i te
Kooti Whenua i roto i tenei tau hou. I raro
i te tikanga i whakaotia e te Kooti Wahine e
mau i te nama 48, o Huia me te Panui a nga
mema.
No te Turei nei i Were ai a Hauteananui i
te ahi te whare nui o Tareha i te Waiohiki,
kote take i wera ai he whakapai tanga nate
Pakeha i waho ki hai i mahara ki te tinei i
taua ahi, a i wera ano te Urupa o Karauria
i te ahi.
Kua taemai te rongo kei temahi ate Arawa
i te whare mo te hui ki Rotorua, e kiia ana
tera pea e nuku atu i te kotahi tekau tiini te
roa, o te whare, a e kiia una hoki he nui ata
te pai o te whakahaere o te Komiti Wahine
o Rotorua i nga tikanga mo te marae.
Kanui nga kupu whakamahara ki te Inga-
rihi a nga tangata whakaaro nui o Ingarangi
me nga motu hoki kei raro i tona mana. Ko
aua kupu e mea ana kia mataara tonu te
Ingarihi ki te whakanui haere i ona manuao
no te mea ko Wiwi kua whakarite kia whaka-
paua te £3, 000, 000 hei mahi manuao i roto i
tenei tau. Kei te kaha rawa hoki nga korero
a nga tangata mehemea ka kore te Ingarihi
e noho mataara penei ka riro to ratou mana
o te moana i etahi iwi atu.
I te mea e rere ana tetahi kaipuke i waho i
te moana, ka puta tetahi hiko. Kaore tahi
he ao e kitea ana i whea i whea o te moana.
Ko taua rangi be pai. Ka roa e rere ana ka
puta ano tetahi hiko, katahi ano taua kaipuke
ka whakahurihuritia penei me te wiira. Roa
rawa ka mutu. He nui te mataku o nga ta-
ngata i runga i taha kaipuke. E mea ana te
kapene ko te mea na ana i whakahuri tona
kaipuke he Ireketerihiti.
tahi hau i puta ki Whiu. Ko nga whare moe-
nga, ko nga toa kua hinga katoa ki roro i te
whenua.
|
|
2 2 |
▲back to top |
HUIA TANGATA KOTAHI, HATAREI, PEPUERE 2.
PANUITANGA KI TE IWI.
———*———
Ite nohoanga ote Hui o te KAMAPANE o
HUIA NUPEPA I te 19 o" nga ra o HANUERE 1895
i te Tari o HUIA i Hehitingi, whakaotia ana kia
whai mana te tango a te tangata i te Hia ko-
tahi mo te kotahi pauna, nuka atu kite kotahi
tekau, Piki atu, kotahi pauna mo te Hia.
Ko nga kai whakahaere hoki moni ko
Wi Parotene (Broughton;
Hori Ropiha
Teira Tiakitai
Peni Te Ua.
Ko nga tangata e hiahia ana ki tetahi Hia
mana me tono ki aua tangata, ara o te takiwa
e tata ana ki aia.
PANUITANGA7
———*———
Ki nga Mema o te PAREMATA o te
Kotahitanga o te Iwi Maori.
He powhiri atu tenei ia koutou kia tae
tinana mai koutou ki te Hui ka tu nei ki ROTO-
RUA a te 7th o nga ra o MAEHE 1895. Kai
noho atu koutou i taua r,
Hoi ano
Na te Kahui Wananga nui o te Arawa.
petera Pukuatua,
Tumuaki.
WAEA MAI.
O
NOA MOTU I WAHO ATU I
NUI TIRENI.
——————
INGARANGI.
RANANA, Hanuere 24.
Kua tae mai te rango kua mate tetahi
taone i Pahia ko Rutene te ingoa. Ko
taua taone na te ru i whakahoro.
HE MATE POHEHE TENEI.
——————
I tetahi rangi ka kitea tetahi, ta ngata
i Parihi, Wiwi. Ka
korerotia atu ki nga pirihi te rerenga o
taua tang ata. Ka haere mai nga pirihi
ka tahuri ki te rapu i taua tangata. Na,
wai kua nui rawa te tangata ki te taha o
te wai. Boa noa atu e kimi ana, a ka
kitea te tinana o taua tangata. Ka tahuri
inaianei ki te kimi mehemea ko wai ranei
taua tangata. Roa rawa e kimi aua ka
haere mai tetahi o te hunga e titiro ra,
katahi ka mea mai e tino mohio ana ia
ki taua tangata. Ko to ratou kainga ko
tona wahine kei ko tata atu o tona. Ko taua
tangata ne tangata pai, engari kotahi
tonu tona kino he kai rama, a na runga
pea i tenei ka rere pohehe noa iho ia ki
Ka roa nga pirihi e whakarongo ana
ki te korero a te tangata nei, katahi ka
mauria te tinana o tera kua mate nei ki
te whare o tona wahine me ona tamariki.
Ka tata atu nga kai mau, ka haere atu
tetahi tangata ki te whakamohio atu.
Ka puta mai te wahine raua ko tona
tamahine ki te whakahei mai i tona tane.
He aui te tangi a nga wahine nei. K a
tie atu te tupapaku ki te whare ka
whakaa tokotora ki runga i te peeti. Kamau
mai nga wahine ra i nga hiti whakapai
ka uhia ki runga i tona tane. Ka horoia
hoki te tinana ki nga wai tapu o nga
whare karakia. Ma rawa tona tane, ka-
tahi ano raua ko tona tamahine ka tahu-
ri kite tangi ki te inoi. Ta raua mahi tonu
tena, kaore e haere ki te kai, heoi ano he
tangi tonu. Ka tae ki te ahiahi ka hoki
mai te tamaiti tane a te wahine ra ki te
kainga, kaa mutu hoki tana mahi. Te
huakanga mai i te tatao ka kite mai e
tangi ana nga wahine nei, ka tangi hoki
te tamaiti tane. Ka roa e tangi ana ka-
waho tangi haere ai. Ka haere ki nga
haeretanga o tona matua, ki nga mahi-
1 nga me le tangi tona, ka roa ka haere
|
|
3 3 |
▲back to top |
HUIA TANGATA KOTAHI HATAREI PEPUERE 2
HAINA
ME TE
TIAPANIHI.
I nga ra o nga whawhai i waenganui o
Wiwi me Tiamani, i mua ko e kupu nui
a Wiwi i taua wa " Ki Perini! ki Perini
Ko tenei taone ko Perini ko
taone tena o Tiamani. Kaati
enei ngara kua whaiki hoki ko te Tiapani-
hi "Ki Pekini! ki Pekini!" Te tino
taone nai o Haina. Kaore o tenei
whakatauki kino (e ai ki te korero a te
Nupepa a to Tiapainihi, )mehemea te keeti
o Pekini ki te hanga i te kaha o te paura,
no te mea kua maha tenei nga tau e
noho ana a Haina i ranga i te kore
whakapono, a kua tae hoki tenei ki te
wa e tika ana hei whakamutu ma
Haina i tona mahi whakaohooho i te
noho pai o nga Iwi kua noho i runga i
te whakapono. Ki te iti te whiu mo
Haina e kore rawa ia e kite i tona he, a
e kore ano hoki ia e tirotiro ki taua he.
I roto i tenei rima tekau tau kua pahure
ake nei. be nui te kaha o Ingarangi raua
ko Wiwi ki te whakaatu i tona he, ara i
to Haina, a i tangohia hoki e Ingarangi
a Hongokongo, e Wiwi a Anania, a he
nui hoki te toto i whakahekea, me nga
taonga i riro. I runga i enei mea katoa,
katahi a Haina ka tino kino raw i ki te
Ingarihi me te Wiwi. Ko tona mutu-
nga tenei kaore rawa i hoki nga mahara
o taua iwi i runga i te ahua o te Ingarihi
kia ratou, engari katahi ka tino mamma
rawa
Ehara i te mea te tino whai a te Tia-
panihi ko te mate anake o Haina i a in,
a ko te riro mai anake ranei o te wha r u
porowini ki raro i tona engari ko
tetahi mahara o te Tiapanihi be titiro no
ona kia tae te whakapono me te pai mo
nga tangata katoa, a he mea hoki na ana
kia titiro ki te Kororia kua riro mai nei
i te Iwi o te Rawhiti, ara o te Whaka-
pono me te Mohiotanga.
Kaati me titiro iho ano hoki tatou ki
tenei korero. Kaua hoki ta uu e whaka-
he ki nga kai whakahaere whawhai o te
Tiapanihi mehemea ona hoia ki te mahi
i tetahi mahi kino. Tenei nga korero o
tetahi nupepa e taia ana ki Tokio, ara ki
te tino taone o te Tiapanihi: —
No te 24 o ngara o Oketopo ka tu tetahi
Tianara ko Hakuma te ingoa, ka whai-
korero ki te ope hoia tuatoru o te Tia-
panihi. Koia tonu te upoko o taua ope
hoia. Koia enei ko ana kupu
hapai i te pai me te whakapono, na reira
pewhea te mahi a te hoa riri, ko tatou kia ••
haere i runga i te pai, a i te mea e haere
atu ana tatou ki roto i te whenua kino,
ko ta tatou haere kia putu pai ki te no
katoa. Koia enei ko nga mea hei pupuri
mai ma koutou ina tae tatou ki runga i
te whenua o te pakanga: —
1 Ko nga tangata katoa i runga i te
whenua o te hoa riri e kore ana e
huri mai ki te whawhai, kia pai
koutou kia ratou.
2. Kaoa hei tukinotia nga mea kua
• kaiakiko, nga mea ranei kia uru
mai kia tatou, a kaua hoki hei tango-
hia nga kahu, nga taonga ranei a
nga mea kua huri mai nei kia tatou.
3, Ko nga mea o te hoa whawhai
kua mate kaua rawa nga mahunga
e poroa nga ihu e tapahia, nga ka-
4. Kaua nga kainga o te hoa e ta-
huna ki te ahi i runga i te take iti
5 Kaua nga kainga, nga mahinga
ranei a te hoa riri e tukinotia.
6. Kaua hei tukinotia nga wahine a tu
tatou hoa riri, etahi atu mea kino
ranei kaua hei whakahaere he ki
runga kia ratou.
, 7. Kaua hei tukinotia nga urupa o ta
boa riri.
8 Kaua hei tukinotia ngu taonga a nga
tangata.
9. Kaua hei hokona pokanoatia nga
whenna nga taonga ranei o te hoa
riri.
10. I runga i te mea ko Haina anake
to tatou hoa riri, ku te mahi ma
tatou he aroha he whakahoa ki etahi
atu iwi, a kaua rawa e pa tetahi
ingoa kino ki runga i a koutou mo
tetahi mahi he, kino ranei.
11. Hei ki enei kua korerotia ake
nei, mahi hei whakakino i to
tatou hoa riri kaua hei mahia.
RETA TUKU MAI KI TE
ETITA.
——*——
B kore e tau ki te Etita te he o nga
korero e takua ana mai kia taia
ki te pepa nei.
ETITA O HUIA
* •
Kaiapoi,
hanuere 2I, 1895.
Kia Etita o Huia
Ehoa utaina atu aku kupu ki runga
i a Huia maana E haere kinga marae o
nga pito e rua Aotearoa me ta Waipou-
namu hei titiro ma nga Rangatira o
nga marae.
Heoi ena
Na I te tahi onga ra o Hanuere, 1895
katae mai taku Iramutu ki Kaiapoi a
Haruru kite Rangi, ka mihi atu au kia
ia i temea katahi ano au ka kite ia ia
mai ano o tona whanautanga mai, I
muri o tena ka ui atu au kia ia, i haere
mai koe i hea kaki mai a Haruru kite
Rangi I haere mai au i roto i nga
tangata ka, ka ui atu ano au ki taua
tamaiti. Mehemea nohea katoa koutou
kaki mai taua tamaiti kia au no whan-
ganui katoa katahi aa ka ki atu ki taku
Heremaia te
Toko Reihana. No te 5
Hanuere katae katoa mai ki
toku kainga, ka noho ratau ki toku
kainga, katae mai nga tono a nga
tangata kia tae atu ki o ratou kainga, ko
te tono tuatahi na Huru Pohio raoa ko
taana wahine No te Paraire taua tono,
I te rahoroi ka riro na Hohepa Huria te
Raiaanuingi te tono i te manuhiri kia
tae atu ki tona kainga I te wiki kariro
na Te Oti rauta raua ko tana wahine ko
Wikitoria kia tae ata te Manuhiri ki to
raua kainga, I te ahi ahi ka hoki katoa
mai ki to ratou kainga i haere atu ai ka
mutu ena I te Mane i te Tarei
katae mai te tono kia tae atu te
manuhiri ki te whakawhetai o te marena-
tanga ki roto i te Hooro i te
ahiahi o te turei E kiia ana te ingoa o
taua Hooro ko Tuahuri ri hei ngoa Tupuno
tangi no Ngaitahu ite 1 onga haora ite
ahiahi o taua turei kahui katoa te tiaki
me te Manuhiri ki roto i te
Hooro, ki tonu hoki taua whare inga kai
o te Marena, ka wehea te taha ki te tiaki
whenua me te taha ki te manuhiri
o taua kai. I te mutunga o te kai,
ka tuake ko Paratene Nuiarangi ki
ki te whai korero ka mihi ano ia
kite taha marena. I muri iho ka wha-
kahua mai i taana waiata mo te manu-
hiri koia tenei te waiata a taua tangata.
(E tangi ete ihu kaore aku tikanga numi-
numi noana kite kopa o te whare), otira
kei te mohio koutou ki te mutunga o tenei
waiata, ka a pititia mai ano te kupu i
muri mai o taana waiata, koia tenei te
kupu, kaore o ana tikanga kite manuhiri,
mehemea he haeremai i ranga i te ritenga
maori ko tenei i, haere mai ki te mahi
moni. No tenei ka poari katoa nga ta-
ngata tiaki whenua me temanuhiri hoki
ka mutu i konei te korero a Paratene
Nuiarangi ka tu ake no te Manuhiri ko
Heremaia te Kaponga ki te whakahoki
atu inga kupu a taua tangata, engari ka
mihi ano ia kinga tangata Marena.. I
muri mai o tena ka whakahokia e ia nga
kupu a Paratene, engari i hoki katoa nga
kupu a Paratene, ko te kupa whakamutu-
nga a Heremaia te Kaponga, e pouri ana
au kia Henare Mahuika, mo taana tono-
nga mai ia matou kia haere mai ki tona
kaainga i tupono ai matou ki te raruraru
otira e kore e taea e matou i te aroha o
H. Mahuika, ka mutu te korero a H. te
Kaponga, ka puta a Paratene ki waho
ka pouri, kangaro tunu atu taua tangata
ao noa tera ka mutu i konei ta Paratene
take, ka timata ki ta Hoani Maaka wha-
repirau, ki ta ana take mo aua manu-
hiri ano. I te 19 onga ra o taua ma-
rama ano katae mai te reta a H. Maaka
kia aruaru mia atu e au a Whanganui,
i taua ra ano i tae mai ai te reta kia au.
Katino pouri au i konei i temea kaore
he take he I kitea e an o Whanganui i a
ratou e noho ana i toku aroaro. Tenei
ano ngu kupu tino kino a H. Maka mo
Whanganui e kore e taeae au te tuhi iho.
I runga i enei kupu ana katahi au ka tino
pouri katahi katohia atu e au taku reta
kia ia E kore au e kaha, ki te Aruaru
i taku Iramutu me ona whanaunga.
I te mea noku te kaainga noko te
whenua ko te kupu mo nga tamariki me
te Pu, na nga tangata 1 whakarongo, a na
ratou i korero mai kia au. Na titiro
mai koutou e nga Rangatira onga pito e
rua o Aotearoa IDA te Waipoanamu inga
kupu a enei Rangatira ite mea na raua i
hari mai te kotahitanga ki tenei motu,
I runga I tenei ope kaputa a rau
|
|
4 4 |
▲back to top |
HUIA TANGATA KOTAHI, HATAREI, PEPUERE 2..
kupu penei i o raua Mangai. Note
taenga ki enei ope kaputa e raua
kupu kino, konga kupu kino mo Whanga-
nui, na Paratene raua ko H. Maaka, ko
te nuinga o nga Rangatira taane menga
Rangatira wahine i manaaki katoa ki te
Manuhiri, ko nga tino Rangatira wahine
i tino Manaaki mai kia matou kotaku
manuhiri ki te homai i nga kai a te '
Maori a te pakeha, ko nga Ingoa u ana
wahine, ko Mere Taituha ko Reita Pohio
me etahi atu I temea kaore au e mohio
ki etahi atu, I te mea ka iwa oku tau e
takoto mate ana.
Heoi ano
Nu Henare Mahuika.
•
Kaiapoi,
Hanuere 23 1895.
Kia Etita o Huia.
He reta i tukua mai Waikouaiti, E
Teone Topi Patuki, mo te matenga o
tetahi tamaiti Rangatira, ko Teone kihau
Tuhawaiki te ingoa. Ue nui te pouri, o
Teone Topi Patuki, mo te tukunga ia ia
ara i taua tamaiti ki te ra motu, no reira
ka Pang. a mai e taua mate kino, kia
Ihaia Hutana B pai ana hoki ahau kia
tukua e koe kia Huia tenei panuitanga,
kia kite mai ana whanaunga, e noho
mai ra, i Aotearoa me te Waipounama
kia mohio ratou kua mate ia, ko toona
whakapapa me tuhi iho e maua ki raro
iho nei, ko etahi anake te taku iho ko te
nuinga atu ona whakapapa kei, roto tena
i te ngakau o ia tangata o ia tangata
mana e korero mai. Me tuhi iho ki
raro nei. He whakaatu tenei mo te
matenga o Kihau kua whakaaturia i
runga ake nei ko te whakamutunga
tenei o te whakaatu mai o Harakore kia
Tuhawaiki i puta ai ia ia, ko Tutuarae-
roa nana a te Aohikura ko Inana ko
Tuahuriri tana ko Turakautahi taana
ko Kaweriri taana ko Terehe taana ko
Poroporo taana ko te kaihaere taana.
ko Tuhawaiki nui, e rongo nei nga iwi
katoa nanu te whawhai i te Paruparu,
ura i Taumutumia Papuratehau me te
whawhai i o K Himoa e tata anu ki
kararupe me te Awaiti, te na Parekura
ate Raumoa koia tetahi tangata rongo
. nui o tenei motu o te Waipounamu ko
ona uri tenei. He Mokopuna tuarua
taua tamaiti na Tuhawaiki, kaore hoki
he putanga o nga uri o Tuhawaiki e* ora
nei he wahine nga patanga ma ana
pea e whakamahi, ka puta ai he uri
taane mo Tuhawaiki aua ko tona whaka-
papa tenei mo te Putake mai ia Tahu-
potiki nana a Iraatahu taana ko Raka-
tehurumanu taana, ko Tahumuri taana
ko Rakaiwhakaata to mua, ko Maru-
houa to muri ko Tahumutu to muri
rawa Tokotoru tenei whanau mau katoa
kia Tuhawaiki, me mau atu ia Tahu
muiu nana Rakapupuni taana ko
Rongotipuiteata, taana ko Tuteahu-
ka, taana ko kakarura, taana ko Ta wha-
kiterangi, taana, ko te Rangitumana
taana ko te Rangitauira taana ko Tekau
tapunuiotu, taana ko Honekai, taana ko
kura, taana ko Tuhawaiki, me tiki atu
te putake o Hotumamoe. nana a Tutepe
wa, taana ko Tumakoha, taana ko Teutu
poraki. taana ko Hikaroroa, taana ko
Tuhukutira, taana ko Tukaumoana
taana ko whakataha, taana ko Maronui
taana ko Matamata, taana ko te nukutau
raro, taana ko Terakitauneke, taana, ko
karapohatu, taana ko Titaha
anake kia Tuhawaiki, memau mai ia
Titaha, taana ko kohuwai, taana ko
kura taana ko Tuha waiki, me tiki Atu
ki te putake mai o kahungunu, kia kahu
toanui, nana a Matapirau, taana ko
Rongokako, taana ko Tamatea taana ko
kahukunu, taana ko Bongo maipapa to
mua, ko te Whatumariari to muri, ko
kahukura nui, to muri rawa, tokotoru
tenei whanau maa anake kia Tuhawaiki
me mau atu ia te whatu Mariari, nana a
Maika taana, ko Tutekawa, taana ko te
Rakitamau taana ko Hikitiateraki taana
ko Taka ote raki, taana ko te kurutakiao,
taana ko te Manawa, taana ko te Kai-
haere taana ko Tuhawaiki me tiki atu i
te putake o Tura, nana a Iraturoto
tana ko Ueroa tana ko Tahita-Tarere,
taana ko Rakaunui, taana ko Tahupuriri
taana ko Tau whakaruru, taana ko Tama-.
Honekai taana ko Kura taana Tu
Hawiki, taana ko kihau taana ko Teone
Pohara taana ko te tamaiti kua mate nei,
ko Teone kihau Tuhawaiki, me whaka-
mutu atu i konei taua whakapapa kai
te takoto atu ano tana urunga ki etahi
putake whakapapa ko te Putake mai ote
Kahea kikia tena ite timata nga mai na
ia Marukore na ko tona whakaatu mai
tena.
Ko tenei tamaiti i mate nei ka nui te
pouri ana hapu ki tonu matenga.
Heoi
Naku na
Tanahira Waruwarutu.
Ngakerako, Wairoa,
Noama 12, 1894.
Ki te Etita o Huia.
Ehoa tukua atu ki te nupepa
te matenga o Pare Hineteariki
Rapihana, i mate ki te Uhi
Wairoa, i te 3 a. m. o te ata o te
Turei i te 3O o nga ra o Oketopa,
1894, ka hemo a Pare Hineteariki
Rapihana be uri rangatira tenei
' tamaiti nona tipuna, otira kua
ko Pitiera kopu terangi-
taurewa i roto ia Huia, Nama 38
wharangi 4. Heoi nui atu te
pouri me te aroha i mahue iho ki
ona tipuna me ona matua me te
iwi katoa i runga hoki i te whaka-
aro iho a te tangata ki ana tama-
riki hei tu i tona aroaro hei hapai
i tona ingoa hei whakangahau
mai i to na kainga. I runga i te
tangohanga atu a te kaihanga,
' waiho ana ko te pouri me te
aroha ki te hunga ora, i rite ai ta
nga tipuna e ki nei whatungaro
ngaro he tangata, toitu he kainga;
i rite ai hoki ta Rawiri e ki nei.
Ia Hamuira turua i te 12 upoko
22, 23 rarangi, Otira na Ihowa i
homai, na Ihowa i tango atu, kia
whakapaingia te ingoa o, Ihowa
Wairoa Ko
WAIATATANGI
1. Taupa rawa mai te wai whero
e te turakina kia ngawari kia
marama au te titiro e kite rehu uta
: o Whakataane he tohu mai pea ua
te tau e ki maaha atu e te ngakau
tenei koe te hokai nei e i to moe-
nga i awhiai taua i.
2. Ka hei rawa i a tatau e ko
rua wharo te ritenga i te tipua e
maka noara ia ana potiki e tu noa
i te one ko matiu ko makaro, ko
mokotuararo ki ta whiti e ki
Ngaruroro ra korangati rara ie.
Kaati i konei,.
Na to koutou hoa Aroha,
R. K. Tengakaupouri,
Hawaikirangi.
Titiro ! Titiro !!
B rua tekau mano iari kaone, hatana ka hokona
i rung ite utu iti i roto i nga toa o
NEPIA ME HEHITINGI
KOIA ENEI KO NGA UTU—
Timata ata i te 4½, 5½. tae ata ki te 6½.
Kia tere mai ra, kei te horongia tonutia e te
Pakeha, ano he Parera e horo ana i te pupu-
ngata ko te rite.
Heoi ano
W PARAITA.
PANUITANGA.
He panuitanga tenei kia monio nga Maori ko
Erueti Rikihana, he tino, tohunga ki te mahi
par. 1 i whare papa, me te tohu ki nga Kamara
mahi. Koia hoki te kai whakariterite mo te-
tahi mira kani rakau. E paku ana tana utu
o mana mahi.
Kei Waipawa tona kaainga tuturu.
PANUITANGA KI NGA HOA MAORI
Tenei kua perehitia tetahi pukapuka ko te
Aroha o Rangi kia Papa te ingoa. Kei roto e
whakaatu ana nga ra me nga po mahi kai, e
whakaata ana hoki i nga tonu o nga ra pai o
nga ra kino. Kei roto ano e whakaatu ana i
nga utu waea, reta, takai, tereina, me te wha-
kaatu i te pamamao o ia kaainga o ia kaainga,
me nga ra hoki e haere atu ana. Kei roto ano
e whakaatu ana te mahinga o te Ao i runga i
te korero a nga tupuna.
He nui nga mea pai kei roto i taua pukapuka
lei mohiotanga ma teiwi Maori. Ko te utu mo
; e pukapuka e 2s. 6d. ara e rua herengi me te
Hikipene. Me penei te tono mai.
P. I. HUIA,
Tari o Huia,
Hastings,
\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_