HUIA  TANGATA  KOTAHI, HATAREI, MAEHE   31.

  Kua riro raua ko Timi Kara, ma Pipi-

riki ka eke atu i reira ma te waka ki

Taumarunui  ka haere atu ki te kuiti na

reira eke atu ai i te Tereina ki Akarana,

ka ahu mai ma whakatane, ka tika tonu

mai mate Takutai tae noa mai ki te Riu-

o-Waiapu, kaore au e mohio ana he aha;

ra te painga e puta mai  kite koroni I

runga i tenei haere a raua otira kei tona

mutunga  tera ka  mohiotia kite kaute.

onga moni i pau.

                        Maehe 5th.

  No tena ra, I tae mai ai te Tinana o te

Retimana  te Rongo ki konei kanui te,

tangata kei konei e hui hui ana ki te

tangihanga mona kei te neke atu pea ite

300 nga mea kua emi mai nei, a I rongo

au he to komaha atu kei te haere mai

ano, kua nuku  atu tenei ite rua onga

wiki i takoto ai te Tinana o taua Ranga-

tira, I runga a kahore au e mohio ana

tera ranei, ka tanu mia amuri ake nei

kite whenua kaore ranei E waru nga ra

me te hawhe I nekeneke hia ai te kooti

whenua maori e tu atu nei, I whakaneke

hia mo runga i tenei aitua, me etahi atu

take ke ano hoki.

  Kua kopi katoa nga Keehi Tawari mo

Orumatua Kaimanawa, kua timata apopo

te korero a te taha kite kereme.

  Hei konei mutu ai nga kupu mo tenei

reta.

         Na te hoa

                   I Moawhango.



             Opunake,

                    Pepuere 23, 1894.

   Kite Etita o Huia, Ehoa  utaina atu

tenei ki te mahu kia ki te iho ona wha-

naunga i waikato, i whakatane, i whare

kaari, kua mate a Nuku Hohua, he uri

rangatira ki tona matua wahine o Wai-

 kato, hei tuakana kia Tawhiao  heuri

 Rangatira ki Ngatiruanui heuri Rangatira

ki Taranaki i whanau a nuku i a Aperira

 1, 1841 i mate ia Pepuere 12 1894, ko

tona whakapapa tenei kite taha ki Tara-

 naki i heke mai tona tarewa ite tihi o te

 rangi, i te tauru ote rangi, i te kopeka a

 rangi, i te hatauira, ia tamahuaatau

 ranga, ia  tamatearokahi ia  rakeinui

 te kapua, ko te matua o tona papa he toa

 kotahi ano aia i roto i tona pa, te taua

 150, ngamea i taotu 15, e rua i mate,

 nana i huri i te waka kite pari ko tenui

 nga i waho katoa, note po Kauru kite pa

 e tahi, kanui nga tangi mo Nuku Hohua

 ka kitea te nui o nga tangata i tae mai,

 kanui  nga poroporoaki mona  kanui

 nga kai manga uhunga menga kai pake-

 ha, i nui ai te mihi mona ko te tahi tenei

 b nga tangata ote pakanga i mua ake nei,

 He  tangata whakapuaki inga korero a

 nga anahera ote atua ite taima o te pete

 koha.

   Kati i konei te iwi tena koutou, na

 Tohoa.

               Na, Hakaria Tangaika.



                 Matauri.

                    Maehe 14, 1894.

    Kite Etita o Huia Ehoa tena ra kokoe,

  E hoa kua tae mai te Reta tono iho ite

  oranga mo Huia tena kua tukua atu i te

  14 o Maehe, ara te £1 2s 6d. Ehoa E

  rima taki tahi nga Pepa i tae mai kia au,

  kote he pea kei te Poutapeta o Whanga-

  roa, Heoi me tuku mai ki te Poutapeta o

  Kaeo, Whangaroa, E hoa utaina atu kia

  Huia tenei kupu, ara kua Puta a Paora

  Pene i te mema tanga, kua tukua kia

  Ngawati Te Heihei, ara ki nga Rangatira

  taua mema tanga o Paora Pene.

             Heoi Na to hoa

                          Paora  Penei.