|
loading...|
|
Te Tiupiri 1898-1900: Volume 1, Number 16. 19 April 1898 |
|
|
1 cover |
▲back to top |
THE JUBILEE.
MAORI NEWSPAPER
TE TIUPIRI
APRIL 19, 1898. WHANGANUI. APERIRA 19, 1898.
SMITH & MILLWARD
FORWARDING SHIPPING & CUSTOMS
AGENTS.
COAL AND PRODUCE MERCHANTS
TAUPO QUAY, WANGANUI.
Telephone, No 96 P. O. Box, 60
TE METE ME MIRIWATE,
HE kai tukutuku taonga i runga inga Kaipake
Tima ranei. He kai whakahaere Katimaute
Me te hoko nui te waro, me era atua mea.
TAUPO KI TIRITI, WHANGANUI.
Nama o te Terewhono, No. 96
Namama o te Poake o te Poutapeta, No. 60
KARAITIANA ME NUMANA,
Kite hiahia koe kite hikoi ki a rite kite
haere o tenei wa, me tango koe i nga hu o
KARAITIANA ME NUMANA,
Awanui Tiriti o, Whanganui.
If you want to march with the Times,
wear
CRICHTON & NEWMAN'S BOOTS.
Avenue, Wanganui.
|
|
2 contents |
▲back to top |
|
|
3 1 |
▲back to top |
Vol. /. ] Tuesday, April 19, 1898. Apere 19, 1898. [No. 16
JUBILEE.
NA Ehoa ma e nga iwi e nga
Hapu e nga tangata taane,
wahine hoki o te iwi Maori,
whakarongo mai, tenei teta-
hi mea nui, hei whakaaro ma tatau
ma nga iwi, me nga Hapu onga
motu e rua nei, o aoteroa me te
Waipounamu, ko nga kooti whenua
Maori e tu nei i runga i te motu nei,
he nui te ahua raruraru ki te whaka-
aro ake a te ngakau.
1, —Kaore rawa nga kooti e
whakaae ana kia haere ki nga kainga
huinga nui o te iwi Maori, ki reira
tuai te kooti, I te mea ki te whaka-
aro ake, toko toru tonu nga tangata
o te kooti, ko te Tiati ko te ateha
ko te karaka, ka mutu, na ki ta
matau whakaaro ake, he mama rawa
tenei ki te whakaaro ake, ko te kooti
e haere ki nga wahi i nga iwi me nga
Hapu nona nga poraka e whakawa-
kia ana e taua kooti, aha koa i whea
o te motu nei.
2—E hara i te meatika, ko nga
rau tangata e haere mai ki nga taone
Pakeha, whakapau ai ia ratau paku
hereni, a kite kore he moni ka tahuri
ki te hoko i o ratau whenua, hei utu
kai, hei utu keehi, hei utu roia, hei
utu kaiwhakahaere, a ki te kore he
moni, ka haere ki te nama, a ka kore
e taea te utu, ka Hamanetia, ki te
kore ano e utua ka hopukia e te
Pirihi ka kawea atu ki te herehere.
A ki te kore era, ka kawea e te mate
kai, ka hoki atu ki tona kainga, kaore
e Mohio mai, ka pewheatia ranei tona
take ki te whenua, ka tika ranei te
whaka haere a nga mea i mahue iho
ki te kooti, kaore ranei.
3. —Ka hori mai nga tangata ki
nga kooti i nga taone Pakeha, ka
mahue atu nga kai i te kainga kainga
ai e te Poaka, tukitukitia ai nga taiepa
e te Hoiho, e te kau ka uru ki roto
ki nga Taiepa kai ai i nga kai, a ka
kite etahi tangata kua pau nga kai
ka tonoa kia utu nga tangata nana
nga kararehe i kai aua kai, a no te
korenga e rongo ka tipu te whaka-
aro pouri, ka tikina ka puhia nga
kararehe a e tahi tangata, tu pono ki
nga kararehe nana i kai, kore noa
ranei, tupono ke atu te mate ki nga
kararehe na tetahi tangata ke noatu
ranei, a mate huahua kore noaiho a
tera tangata kararehe.
4. —Tetahi mate, ka tae mai nga
tangata ki nga taone nei i te kume-
nga mai a nga kooti, ka tahuri ki te
kaiwaipiro, ka tutu, ka hopukia e te
Pirihi ki te herehere ka whakawakia,
a ki te kore e utu ka kawea ano ki te
, herehere.
5. —Ko tetahi mate kaore he
whare hei nohoanga mo nga Maori i
nga taone Pakeha, me haere rawa ki
|
|
4 2 |
▲back to top |
The Jubilee, Tuesday, April 19, 1898. [2] Te Tiupiri, Apere 19, 1898.
nga Paparakauta ki nga whare manu-
hiri ranei noho ai, a e mohio ana
tatau ma te moni rawa e taea atu ai
ana tu whare te noho, na ki te kore e
taea te noho pera, ka haere ki te
tiki Teneti mona me te wahine, me
nga Tamariki, ka takoto i runga i te
whenua marama iho marama iho,
pau atu te toru marama te 4 mara
ma te rima te ono marama, a te
hokihoki nga atu ki nga kainga kaore
he kai tahi, a ka peehia e te mate kai,
a ka pa mai he mate ki te tinana, a
mate atu.
6. —Na e whakaaro ana matau,
me ata whakaaro te kawanatanga ki
enei mate o te iwi Maori, kati te
waiho i nga Maori kia totoia haere-
tia ana e nga Tiati ki nga taone
noho ai, pehia ai e enei tu mate, kua
kia ake nei.
7, —Me tino tuturu te tikanga ko
te kooti mo nga whenua, me neke
ki nga kainga Maori, ki reira tu ai a
mutu noa nga keehi a ena Hapu, ka
neke atu ki etahi atu kainga tu ai,
me pera te ahua, ka kore ai nga
Maori e whiwhi ki te nuinga o enei
tu o te raruraru kua kia ake nei.
Haunga ia nga keehi Hoko, mokete,
riwhi tupapaku, me era atu keehi e
whakaarotia ana kaore e tae ki te
marama ka oti, me kooti e ra ki te
taone, ki te tupono mai era tu keehi
pera.
8. —Na tenei tetahi keehi, ahua
rereke kei te aroaro o te kooti a
Tiati Waari, ko Whakaihuwaka te
ingoa ko taua whenua i kootitia i te
tau 1886. Ko nga tipuna i. whaka-
haerea ai tana whenua e te Keepa
Tahukumutia e Hamuera te Kaio-
roto ko Tamahaki ko Tararoa, ka
tae ki te mutunga o te korero a aua
tangata i o raua take, me o raua
whakapapa, me ta raua whakatuturu
koia tera nga tipuna nona taua
whenua katoa; ka patai te kooti ko
wai e whakahe ana, kaore he tangata
i tu ake ki te whakahe i reira; whaka-
taua ana te keehi, kia te keepa kia
Hamuera, i muri ka hoatu nga
rarangi ingoa koia tenei te ahua o
nga rarangi ingoa me o ratau Hapu
Na,, te Aomapuhia
„ Kahutuna
„ Taongakorehu
,, te Pakuu
,, Tuhoro
„ Hae
„ Hine whakawhiu
„ Hikairo
„ Karewarewa enei ingoa.
Hapu katoa he uri etahi na Tama-
haki na Tararoa, he uri mokopuna
etahi koia nei o ratau ingoa Hapu
me o ratau rarangi ingoa i raro ia
Hapu ia Hapu o ratau.
Na ko enei nga Hapu kaore i puta
mai i aua take kua kia ake nei ko
ngati Rangitautahi
,, Tutaiaroa
,, Tupoho
,, Kurawhatia
„ te Kaponga
„ Turanga
„ Turangwhaia
,, te Waiehu
,, te Mahae ko enei Hapu.
me o ratau rarangi ingoa, kaore i
puta mai i roto i aua take e rua kua
kia ake nei, he maha ano nga ra i
|
|
5 3 |
▲back to top |
The Jubilee, Tuesday, April 19, 1898. [3] Te Tiupiri, Apere 19, 1898
tautohe ai a Hamuera te Kaioroto
kia kore enei Hapu e uru me o ratau
rarangi ingoa, kaore rawa i taea e ia
te arai, a whakaaetia ana e nga
tangata nana te keehi, mo tetahi atu
kooti ata whakawa ai ia i te take o
aua Hapu kaore nei i puta mai i roto
i nga take i whakataua ai te keehi.
Koia tenei te ahua o te whenua nei
i te tau 1886 tae mai ki te tau 1898,
14 Pepuere ka tuwhera te kooti hei
whakatau i nga Hea o taua poraka i
te aroaro o Tiati Waari o Eruweti
Ateha, ka whakataua kia 10, 000 Hea
mo taua poraka katoa e 63, 000 neke
ake ranei iti iho ranei, i te mea he
mapi whakaahua kau taua mapi.
I muri mai o tera, ka mea te iwi
ki te kooti kia wahia nga Hea 10, 000
kia 6837 kia Tamahaki kia 3163 kia
Tararoa whakataua ana e te kooti
tenei tono a te iwi.
I muri o tenei ka mea te komiti o
te iwi me te iwi kia wahia te rohe i
Waenganui ia Tamahaki raua ko
Tararoa, a whakaaetia ana taua rohe
wahi i te poraka kia Tararoa te pito
ki te tonga, kia Tamahaki te pito ki
te marangai katoa, ko te wahi rahi
tenei o te poraka nei whakataua ana
e te kooti.
Mo tetahi putanga o te pepa nei
tukua atu ai te toenga.
KAIKOHE, BAY OF ISLANDS,
Aperira 6, 1898.
Ki te Etita o te TIUPIRI, me te Komiti.
Tena koutou, tena hoki tukua atu enei kupu
ki te TIUPIRI, ki te mea ia ka watea te Pepa,.
I mine te Hui o te Hahi Maori i te Pihopa-
tanga o Akarana, I nga atirikonatanga o te
Waimate, o Waikato, me Waitemata, ki
Hauraki, i te wenerei rae te taite. Maehe 23,
24, 1898. 10 a. m. te karakia whakapuare i
te Hui, ki te wharekarakia o Ngatimaru i te
Karo, 130 tangata i te karakia, 68. I tango i
te Rapa Tapu, £2 6s. Te ohaoha, I tukua
mo nga mahi o te Hui. I muri i te mutunga o
te karakia. Ka noho te Hui, ko te Pihopa o
Akarana te Upoko, ka karangatia e te Meko-
retari. M. Kapea nga ingoa o nga mema, no
Parengarenga, Kaitaia. Ahipara, Hokianga,
Wairoa North, Kaipara, Akarana, Bay of
Islands, Hauraki, Tamaki, Waikato, Moehau,
Whitianga, Waiheke, Tearoha. Waipa, no
enei takiwa nga mema katoa o tenei Hui, 18
minita Maoris. 2 minita Pakeha, 37 mangai
Reimana, ko nga motini me nga Patai me nga
Pitihana. I tae mai ki te tupu o te Hui 54.
Ko te take o te huhua o aua motini, mo nga
whenua i hoatu noa e nga kaumatua i mua ki
te Hahi, mo nga tunga kura, me nga whare
karakia, a me nga whakaerenga Reti mo aua
wahi, me nga moni kohi mo nga minita, me
era atu mea e whakaarohia ana e nga ka
motini, Haunga ia nga motini a nga mema
hei whakatikatika i te Hahi, e kaha ai e tupu
ai te ora. Ko te motini No. 6 te motini i
kokiritia mai, hei tono i te kupu whakaae a
tatau a te taha Maori, kia kohi moni, hei
timatanga mo te whakatu i te kura kotiro ka
ara nei ki Akarana, ko te TIUPIRI te ingoa o •
taua kura Whakaaetia ana, moni kua rile
Rotorua £17 14 2
Waikato 13 16 o
£31 102
Etita, he nui nga korero kei nga whaka-
haere o nga motini i nga ra e rua, me te nui
hoki o te manaaki a Ngatimaru i nga iwi heke
mai ki taua hui, he mea auru haere kei kapi
te pepa i au,
Me tau atu te manakitanga kia
te TIUPIRI, me ona kai mai hautu.
Na Matiu Kapa.
|
|
6 4 |
▲back to top |
The Jubilee, Tuesday April 19, 1898 [4] Te Tiupiri Apere 19, 1898
TOKAANU,
30 Maehe, 1898.
Ki te Etita o TE TIUPIRI.
Ehoa tena koe.
Tenei nga korero o toku taenga mai ki
konei, I runga i te take i tonoa mai ai ahau e
koutou ki te whakahaere i te TIUPIRI, mau e;
tuku atu hei titiro iho ma nga tangata e
manaki mai ana i te TIUPIRI.
Ko te whaikorero mai a te Heuheu Tukino
mihi mai ki au mo te ritenga onga mate o !
Whanganui me nga mate hoki o Taupo nei. i
Tuarua ko tana mihi mai hoki ki to tatau
taonga, ara ki te TIUPIRI Nupepa.
Koia tenei, haere mai e taku taimaiti haere
mai, haria mai te aroha o nga Rangatira o
Whanganui, te aroha o te Iwi onga Hapu, ki
to ratau hoa Rangatira, ki to ratau Whanaunga,
kia Hori te Tauri, tenei te poito o whakarewa
te kupenga a Tuwharetoa, kua makare atu ki
te potuauriuri, kua puhia e te hau, tenei te
Piki o Tamamutu kua whati i te hau, te puhi
o te arawa kua manu atu i te Wai; kua tukau
noaiho nga maunga o Tongariro i te Uru;.
kua teretere noaiho te wai o Taupo Hauraa,
Tenei a Hori Tauri raua ko tona iramutu ko
Maniapoto, kua takoto atu ki te moenga o
raua matua me o raua tipuna, ki te moenga te
korikori; koia tenei nga tangata kaha ki te
hautu, ki te hapai i tenei taonga o tatau i te
kotahitanga a moe noa raua ki te po i runga
i te ngakau tumanako ki taua taonga nui
onga iwi onga motu e rua nei.
Haere mai e hika, haria mai nga mate
nunui o te tonga; huihuia mai ki runga i
enei nga mate. E taku tamaiti, ka pai to
haerenga mai, aha koa, ko to kotahi anake to
putanga mai kia matau; kapai to tikanga,
kaora te tangata, me te iwi ia koe, i to whiri-
whiringa mai i to kotahi hei tangi i enei mate
nunui, aha koa kotahi koe, kei runga ia koe
nga ingoa me te mana o tipuna o Topia raua
ko Taitoko, a he mano tangata e waha mai
nei e koe, kopi ake te aroha o Whanganui ki
ona mate i to kotahi, haere mai takahia mai
nga huanui o tipuna. Haere mai haria mai
te taonga onga motu erua nei, te taonga onga
iwi Maori, hei kanohi hei Taringa hei reo mo
te iti mo te rahi, mo te Pani, me te Pouaru me
te rawakore, taonga pai, taonga kino, taonga
kaha taonga ngoikore; E hara hoki te taonga
na, i te taonga hou no te iwi Maori, 5 rongo
hoki au; 1 te Hokioi 2 Wakamaori 3 Karere
maori 4 Wananga 5 Korimako 6 Taihauauru
7 Huiatangata kotahi, kua mate katoa enei
pepa katoa; a e ora nei ko te Paki o matariki
ko te Puke ki Hikurangi ko te TIUPIRI; a ara
atu ano pea etahi pepa reo Maori, Engari ko
enei anake taku e mohio ana i naia nei.
Na konei, kataea noatia ake te mohio i naia
nei, ko te pera ano hold tenei pepa a te
TIUPIRI. E ngari me kimi nga putake i mate
ai era pepa e tatau, ma reira e marama ai
tatau ki te huarahi e ora ai tenei; kiau hoki,
na te whakaaro kore o te iwi Maori ki nga
painga o roto o tenei taonga o te pepa, ara ki
nga rongo korero onga motu Pakeha me nga
whawhai, ki nga matenga me nga oranga, me
nga Kingi me nga Kuini me nga Kawana me
i nga Kawanatanga, ki nga Paremata me nga
mema, me nga Ture, ki nga whiwhinga
taonga, me nga rawa koretanga, nga whiwhi-
nga moni, korenga ranei e whiwhi, nga whai-
! rawatanga, Poharatanga ranei, ki nga whaka-
tipu taonga Kau Hipi me era atu kararehe, me
ona utu, nga whakatipu kai, rakau, me o
ratau utu, me nga rongo korero o Niu Tireni
mo te taha Pakeha, me te taha Maori.
2. —Ko te whakaae onga tangata tango pepa
ki te hoatu ia ratau pepa ki nga tangata kaore
nei e tango pepa ana, ma tenei ahua ka
ngakau kore nga tangata o taua kainga ki te
tango pepa, no te mea ka rongo noatu hoki
i nga korero o nga pepa, ma tenei e whaka-
tipu te whakaaro, mau noa mai i te pepa a
tetahi tangata, a ngaro iho te pepa, a ka mau
mai ranei, ka korero ka mutu ka kiatu ina to
pepa, e mohio ana hoki e kore. ia e riria mo
tona peratanga e te tangata nona te pepa,
3. —Ko te kore o nga pepa tuatahi e tango
katoa i nga korero o roto i nga take i whaka-
aturia nei, i te take tuatahi hei tikanga whaka
ngakau nui i nga tangata ki te tango pepa.
4. —Ko te kore kaore e rua nga kai tango
pepa onga pepa tuatahi, me Maori me
Pakeha.
5. —Ko te he pea ko te whiriwhiringa i nga
kai whakahaere o te perehi, menga kaitiaki
moni.
|
|
7 5 |
▲back to top |
The Jubilee, Tuesday, April 9, 1898. [5] Te Tiupiri, Apere 19, 1898.
6. —Te nui o te utu o aua pepa, me te iti
onga korero o roto.
7. —Me te tuku nama onga pepa ki nga
tangata o te tuatahi, tono rawa ake kia utu,
kua ngata te Puku, kua whiwhi i nga pepa
mona kaa rongo hoki i nga korero, a ka
whakahawe iho te ngakau.
Heoi taku kupu atu kia koe, ka tango pepa
ahau mo te tau, a ka tautoko ahau i to mahi
ki nga Hapu o Taupo nei, ara ki te kore e
tutuki ia koe to mahi i naia nei; Engari ko
toku hiahia ia kia ura atu ahau ki te turanga
mema o te Nupepa ki te mea, kei te watea te
turanga moku i nga ruma o taua pepa a kia
mohio hoki ahau ki nga tikanga wehewehe i
nga moni mo ia hea mo ia hea o te pepa, hei
reira ka hoatu ai e au te £5 pauna.
I te 26 Maehe 1898. I rokohanga mai ano I
ahau ki konei i te taenga mai o te Poopa kai
tirotiro Kura Maori i te Rahoroi, ka kite ahau
i tana muinga i nga matauranga onga tama-
riki, ko nga tamariki kei tenei Kura e 81, ko
nga tamariki i paahi e 42; E hoa ma he
hanga whakamiharo rawa te titiro atu ki te
hohoro rawa o te matauranga o nga tamariki
o waenganui o te motu nei, o tenei iwi mohoao,
kaore nei ona tamariki e kite nui ana i te
Pakeha, e kite ranei i nga ngahau Pakeha, e
rongo ranei i tetahi kupu Pakeha, hei 3 tenei
mo o ratau tau ki te Kura, a kua tae rawa
nga mea mohio o ratau ki te tua 4. he mea
whakamiharo te titiro atu ki te papai o te
I ahua ora o te tamariki taane, wahine hoki, ki
I te ngawari ki te pai, ki te kore paru, ki te
I papai onga kakahu, me te whakamiharo iho
I hoki ki te kaha o nga kaumatua Rangatira o
I tenei iwi, me nga tangata nana nga tamariki,
I me to Komiti o te Kura, te kaha ki te hapai i
I te Kura o a ratau tamariki.
I I te mane nei, i tu ai ta ratau Hui ki te
I aroaro o te Poopa o te Kura mahita o te Kura
ki roto ki te whare Kura; ko te Kai whakata-
koto ia ratau take ko Renata Ngahana Heke-
I retari o te Komiti o te Kura me te Heuheu
I Tukino koia tenei nga take o taua Hui.
I 1. —Kia whakauru a he menemena Parai-
weti i tenei tunga o te Paremata kia whaka
I nuia ake te mana o te kura Maori mo te kura
o Taupo anake, kia tae ki te 20 maero, te
pamamao te kaha o te Komiti ki te Hanuere
i nga tamariki o tenei iwi kia haere mai ki te
Kura, kia kotahi tonu ai te Kura kawanatanga
mo taupo nei, ma tenei ahua pea e kore ai e
pau nui nga moni o te Kawanatanga, ka
kotahi te Kura me te mahita, ma tenei e tae
ai nga tamariki o tenei kura ki te 200, ki te
300 rahei ake.
2. —Kia waiho ai tenei kura hei kareti kura
mo nga tamariki o konei.
3. —Kia mahia hoki he whare, hei urunga
mo nga tamariki i te rangi kino, hei tunga
hoki mo a ratau tina.
4-—Kia whakaarohia mai hoki e te kawana-
tanga tetahi tana Paraoa, hei oranga mo nga
tamariki ki te Kura, mo a ratau tinanga
anake o tenei tau. No te mea ko nga kai o
konei i pau i te Hukapapa, tino mate kino
tenei no konei i tenei tau; ki te mana mai
tenei tono katahi ka u te noho a nga tamariki
ki te Kura i tenei tau: ki te kore e inana mai
tenei tono a matau, kati kaua he he e tau ki te
kura, ki nga ma ua ranei o nga tamariki mo
te korenga onga tamariki e tae ki te kura i
nga marama katoa e toe ana o tenei tau, no
te mea kaore rawa e taea e nga matau te
whakaaro he oranga mo nga tamariki e tae ai
ki te Kura.
E te Poopa katahi ano ta tenei iwi tono
tuatahi ki te kawanatanga i rongo hoki
matau e whakamana ia ana e te kawanatanga
nga tono aitua penei a etahi iwi ki te kawana-
tanga.
I mea a te Poopa ko enei putake katoa ka
haria atu e ia ki te kawanatanga; a ka tautoko
ahau i enei take i reira, a he nui te whakamihi
o te Poopa mo te tere rawa o te mohiotanga
onga tamariki ki te Kura; me te kore tini-
hanga i kitea e ia o tenei iwi, me tana kite
hoki i te kaha ki te hapai i te Kura.
Heoi na to koutou hou pono
NA PEEHI T. TUROA.
|
|
8 6 |
▲back to top |
|
|
9 7 |
▲back to top |
|
|
10 8 |
▲back to top |
The Jubilee, Tuesday, March 29, 1898. [4] Te Tiupiri, Marahe 29, 1898.
EHIAHIATIA ANA KIA MOHIOTIA.
TIMIHANA AHIRAINA.
Rongoa Huango. Na e hiahia ana ahau ki te
whakaputa i te rongoa i runga ake nei, mo te utu
iti kia ahei ai nga tangata e pangia ana e taua mate
te tiki atu i te Tari o te " Tiupiri, " ia Kitini, tiaki
rongoa o Whanganui ranei.
TIMIHANA TANGATA,
HANGA RONGOA.
WHAKAMAHARATANGA
Powhiritia mai te tamaiti
ki o koutou kainga, ko te kai
mana i te ono marama 7/6; I
te tau, 12/6. Mo te kawhenata
kotahi o te ono marama, 10/6; mo
te tau 21/. Mo nga panui taonga
hoko, kite, ngaro, me era atu panui
e utua nei, kei te utu a nga Nupepa
te ritenga utu, mo nga ahua tangata
nei 12/6 mau ano te ahua, engari kia
pai te ahua hei tuku mai.
NOTICE.
Welcome our child to your
respective settlements. The
necessary money for our new
child is 7/6 per quarter, or 12/6 per
annum; for half-yearly bound num-
bers of our child 10/6 or £1 is per
annum. For all advertisements the
charges are on the same scale as
European newspapers. Persons
desirous of having their photo printed
in our child can do so by forwarding
their card. The charges altogether
is 12/6, the block being their own
private property. It is particularly
requested that a first class photo be
forwarded in order to give satisfac-
tion.
WHAKAMAHARATANGA.
Me tuku mai e nga tangata e hiahia ana
kite tango pepa taane wahine ranei a ratau
reta, waea ranei, a ka tukua atu te pepa nei.
A kia marama te whakaatu mai o te ingoa o
te tangata o te kainga o te Poohi, kia tika ai
te tae atu o te pepa. Engari koi wareware
kite o te potiki nei, e ora ai te haere atu kite
whaka rite i to tono mai.
Tiamana o te
Kamupene o TE TIUPIRI.
PUKAPUKA KAWHENATA.
Kite hiahia etahi tangata, ki etahi onga nama o
te TIUPIRI kia hangaia, kia whaka Kawhe-
natia, me tuku mai he reta, he waea taunaha, e rua
pukapuka i te tau, kotahi ia ono marama ia ono
marama.
Mehe mea e hiahia ana koe ki te Pia pai
UI MAI
KIA KIPA ME ONA HOA.
HOKINA ME TIURI
MONI takoto tonu mo te Hoko Wuuru, me nga
Hiako Hipi, a keia matau nga mea paraoa
TiHuka, me era atu mea katoa koia tenei te whare.
iti te utu o Whanganui nei.
TERAWIRA o
WHANGANUI.
Persons wishing to have Half-yearly volumes
(bound) reserved for them should give their in-
structions without delay, as only a limited number
will be kept back for binding each half-year.
|
|
11 9 |
▲back to top |
|
|
12 10 |
▲back to top |
KEI a matau nga tino pia patara nei Poata pia
he mea patara. Ko tenei whara he whare
tawhito note tai hau auru o tenei motu, ko nga pia
i roto i te Patara i riro i enei te Paraihe tuatahi o
te whare whakakitekite nui o Amarika i te ao
katoa.
RITIWE TIRITI WHARE MAHI PIA, WHANGANUI.