|
loading...|
|
Te Waka Maori o Ahuriri 1863-1871: Volume 2, Number 40. 24 December 1864 |
pp
Commentary|
|
1 1 |
▲back to top |
TE WAKA MAORI O AHURIRI
"KO TE TIKA, KO TE PONO, KO TE AROHA. "
No. 40. ] NEPIA, HATAREI, TIHEMA 24. 1864. [VOL. 11
HE KUPU ATU ENEI KI NGA HOA TUHI
MAI.
Tenei kua homai e Pitiera Kopu tona te kau
herengi, 10s. mo te nupepa i a ia.
He mea atu tenei ki a Kipa kia hohoro te mau
' mai te hoiho a Pakatini—tenei nga moni te takoto
nei. Kua pahemo te takiwa i ki mai e koe.
KUA MATE I TE WAIROA.
Ko MIHI, tamahine a Maihe Kaimoana. No
te U o nga ra o Tihema i hemo ai; kua roa
noa atu te takiwa e takoto mate ana; ko te
manawanui o taua kotiro i a ia e mate ana.
he nui te manawanui. E whakahemo ana
ka waiata ake i ona waiata; —
Whakamau ki te rangi o parawai kohu ana;
Kore rawa aku tikanga, numinumi noa au
Ki te kokai o te whare.
Nohea ra e mahuru kati nei ki au
Ko tu ara a Maikuku ki whakangotoa iho.
Tena koutou te hua mai na
Kai te uhia te kiri kanohi
Kai te matatu tonu i anei
He manu maunu au kai te tao.
Na tu Kurapa i whakatorora
To kai hua kai manu ruhi ra.
Ko te runanga nui o te Kawanatanga o te
motu i tu ki Akarana nei kua mutu; kua
hokihoki mui nga pakeha o roto o taua
runanga, e hoki ana ki tona kainga, ki tona
kainga atu. Ko te Makarini tenei kua hoki
mai ki Nepia nei.
He parau nga korero i kiia mai nei e
whakatika ana a Ngapuhi ki te riri ki te
pakeha. He iwi matau tena, ekore ratou e
pai kia whawhai ki ona hoa tawhito, ara,
ki nga pakeha. Ko Waikato kai te ata
noho i tenei takiwa, me Hauraki, me nga
tangata o Tauranga, kai te noho pai katoa.
Engari tena ano etahi tangata ngakau tutu
e mahi ana ki te tuku i ona karere ki nga
iwi o te motu haere ai hei kai whakakiki i
nga tangata e noho pai ana kia tahuri ki te
kino. Te mahi a ena tangata he whakara-
ruraru i nga iwi, he tuku pouritanga ki
runga ki te whenua. Ekore e noho pai i
tona kainga ka whai pea ki nga ritenga
totika. Tana i pai ai he whawhai, he tutu,
• he hoki ki nga ritenga o te maoritanga. He
mea paku te mea, hei take whawhai rawa
ki a ia. E rite ana ena tu tangata ki te
Kahu e rere nei i runga i te rangi, ka kitea
iho te manu e mahi kai ana mana, ka rere
iho ki te patu.
Ko te 10 o nga ra o Tihema 1864 te ra
whakamutunga o te takiwa i karangatia e
te Kawana i roto i tona panuitanga hei
haerenga mai ma nga tangata e hiahia ana
kia murua ona he o tona urunga ki roto ki
te whawhai; ka haere mai ka Ki Tuturu,
ka tuku mai hoki i tetahi whenua ki a te
Kuini—ina te Kawana raua ko te Tianara
e whakarite ki ia hapu, ki ia tangata, te nui
o te wahi e tukua mai e ratou. Ko te
ritenga tena o te panuitanga o te Kawana.
Ko tenei kua mutu te takiwa i ki ai e te
Kawana hei haerenga mai ma te tangata
haere mai—no te 10 o nga ra o Tihema i
mutu ai. Ko Wi Tamihana tenei e tono
ana ki a te Kawana kia tukua atu taua
takiwa ki a Pepuere, kia roa ai he takiwa
hei whakaarotanga ma ratou ki te hounga o
te rongo, ki te tukunga o te whenua ki te
pakeha? E whakaae ranei te Kawana,
kaore nei.
Ko rangatira o. te Kawanatanga o
raua ara, a te Pokiha ma, a te
o te Kawana, kua kore,
kua ia ratou mahi; he rangatira hou
to ratou upoko. He
rangatira, hona ano tona rangatiratanga—
rangatira tonu i tona tinana, tukua ki tona
ngakau he ngakau rangatira ano. Kai te
O O
mohio nga maori o Wairarapa ki a ia. I te
Whare Kaka e noho ana i mua ai. '
Ko te Kawana kei Waikato inainei. E
mea ana kia haere ia ki Otakou ki te ma-
takitaki i nga hanga e whakaputaputa ana
ki reira inaianei hei. whakakite i te matau-
ranga, i te tohungatanga hoki, o nga
tangata o tenei motu, o te pakeha, o te
maori; hei whakakite hold i te ahua o te
whenua tonu ano, ona pohatu, ona tarutaru,
ona aha.
Kua karangatia hei Weretana, Po Neke,
te take o te Kawanatanga i nga takiwa e
takoto ake nei; ko te Kawana me nga
tangata katoa o te Kawanatanga hei reira
noho ai—ko Akarana ka mahue. E ki ana
hoki nga pakeha o nga. kainga ki te taha
tonga, ki o Ngaitahu, he roa Akarana mo
to ratou haere mai ki nga runanga. Heoi,
riro aria i a ratou te ritenga, karangatia ana
ko Po Neke hei nohoanga mo te Kawana-
tangata.
Kua whakaekea a Taranaki, a Whanga-
nui, ki te hoia ina ia noa nei.
NGA RONGO, NGA AHA ATU, O KONEI.
Ko te kaipuke ma Ihaka Whanga kua oti
mai te hanga i Akarana, he kaipuke hou
tonu katahi ka toia ki te wai. Ina tonu nei
ka rore mai ki Nepia. E korerotia ana taua
kaipuke he tino pai rawa atu, he tino
|
|
2 2 |
▲back to top |
TE WAKA MAORI O AHURIRI.
tohunga nana i hanga; kua mahia katoatia
ki te kapa a raro, me nga titi hoki he kapa
katoa ano, ekore e waikuratia. He rewa
tahi taua kaipuke; ko te tu kaipuke kake
ki te hau ia. He kaipuke rahi ano; ko
nga utu i utua ai £700. Haere tau, e
Ihaka!
Ko te Whitimoa tena kua riro ki Ingarani
e korerotia ana. Kei a te Makarini anake
nga mahi o Heretaunga inaianei.
Ko Pitiera Kopu raua ko Hamana Taiapa
tenei kua tae mui ki Nepia nei, i runga kai-
puke, kia kite i a te Makarini. Ko te
kaipuke a Hamana, ko te " Reeri Paata, "
kua retia e ia ki te pakeha, kia Ropata
Pakita, he pakeha no tona kainga ano.
Nga utu mo te reti o taua kaipuke e hoatu
ana ki a Hamana e iwa pauna (£9) i roto i
te marama—ia marama, ia marama.
HE WHARANGI TUWHERA MA NGA
NOA TUHI MAI.
Patangata Tihema 14 1864.
KI A TE KAI TUHI O TE WAKA MAORI.
E HOA, —He kupu naku ki a koe tenei.
Kua rongo au i te korero o te Atua hou o
Taranaki, a, tae mai ki Waikato. Kua tae
mai hoki inaianei ki konei whakaakotia ai
nga karakia me nga kura hoki. Ko te
ritenga o taua Atua, hei whakamate katoa i
tau taha i to te pakeha. Taihoa tatou ka
rongo i te tika o nga korero a taua Atua ki
te ritenga o ta raua mahi ko te Tianara.
Penei nga korero e rongo ana au ko te
karakia tenei o taua Atua; —
Tangi Kerei; paata mai—me rire.
Tangi Kerei; paata mai—me rire.
To rire, rire.
He karakia whakamutunga tenei: —
Kororia, me te paata.
Ekore e taea e au te korero nga karakia
me te kura te tuhi atu, me nga ritenga hoki
o taua Atua.
Na HORI NIA NIA.
[He tika tau e Hori. Ekore ano koa
koe e taea te korero i ena mahi porangi;
kowai koia te tangata whakaaro tika e
mohio ki ena mahi ? E ki ra koe ko tena
Atua me tona ' paata, " me tona " tangi
Kerei, " me tona parau atu, hei huna i au !
Katahi ra ia te mahi kuare rawa atu ! Ko
au tenei ko te tangata nana i haere te moana
nui, te waha o te Parata; kua taea e au a
runga i te rangi, a raro i te whenua; kua
kitea e au nga mea ngaro o te ao; a, kore
ana an e mate i ena mahi nunui, kia ngaro
noa au i tenei moutere paku, i tenei Atua
parau ? Koi noho noa te tangata, whaka-
rongo noa ki tena mahi pohehe. Kaore
ano koutou kia mohio noa ki te mahi a
Waikato, he whakataki mate mo te motu
nei? No te timatanga o tona mahi Kingi
he kaha tangata tona kaha; no te matenga
ka kiia he kaha Atua. I hea ranei ona Atua
e ngaro ana i te timatanga o tona mahi, te
puta mai ki te whakaatu i re mate e tako
ana mai ki mua; te rironga o te whenua i
te pakeha; te maunga o te tangata i te
herehere ? No te matenga katahi ano ka
puta mai, ka ki mai; —" He oranga tenei! "
Te whakaaro a Waikato i te whakaturanga
o tona Kingi tera e eke nga iwi katoa o te
motu ki runga ki tana tikanga. No te
korenga, no te matenga, katahi ka whai ki
nga tikanga whakawehi i te tangata kia
tahuri mai ki a ratou—ara, ko nga tikanga
Atua. Otira me waiho ratou me o ratou
Atua kia mahi ana. Engari ko nga tangata
whakaaro totika kaua rawa e whakapono ki
enei mahi, koi waiho hei raru mona i muri
iho. • Otira e mohio ana matou ki nga
tangata o Heretaunga, he iwi matau; e
kore e ware ona whakaaro—inahoki; —" E
kore e ware nga mahara o te Kai Ahura-
hanga. "]
Pourerere, Tihema 1864.
KI A TE KAI TUHI o TE WAKA MAORI.
He kupu atu tenei kia koe kia tukua
atu e koe ki te Waka Maori kia rongo
mai oku hoa maori o te Kawanatanga
kei Mohaka, kei te Wairoa, kei te Mahia.
E hoa ma kia rongo mai koutou, e hoki-
kohi katoa ana nga tangata o Heretaunga
nei i te rawa, i te taonga; ahakoa Kingi,
ahakoa Kawanatanga e kohikohi tonu ana
i te taonga mo Waikato. He kore ra hoki,
kaore ratou e pai ki te pakeha me ona
taonga; tahuri ana ratou ki te kino. Muri
iho tahuri ana mai ki nga maori o konei
hei hoko rawa atu mo ratou. Ko tana utu
taonga tenei mona, koia, ra tenei, kua tau
ki runga ki a ratou a Ihowa hei tuara mo
ratou, whakatikaia ana e nga tangata o
Heretaunga nei. Ki au he parau tahi, he
patipati taonga mo ratou. Whakarongo
mai iana ki toku whakahoki, he waiata na
Whiuwhiu; —
Hoake rawa nei nga mahara kia puheto au.
Koi tua iti e oroa ana mai ki nga mahi a raro,
a Tangiteruru.
Ki te pati, ki te kai, ki te rore, ki te hanga,
Kia whiwhi ai ia, kia moe ai ia i te moenga o
Titaka
I a karipiripi, i a karaparapa, i a konohi rau.
—I te waru o nga ra o Tihema ka tikina
te rakau, 55 putu te roa me te 4 inihi, mo
te haki o te Kuini. E waru maero te roa
o te kainga i tikina ai taua rakau. Hari
ana oku pakeha me oku maori ki toku
haki. Heoi ano.
Na MORENA Kai Whakawa o te Kawa-
natanga. \_\_\_\_\_\_\_\_\_\_\_\_
Wairarapa, Noema 1864.
KI A TE KAI TUHI o TE WAKA MAORI.
Ko nga korero tenei o te Hui a Wi Tako
Ngatata ki tana hui ki Waikane i te 27 o
nga ra o Oketopa 1864.
Kei runga ko Heremia te Tihi; —" Wha-
karongo mai e aku hoa ki te ritenga o te
hui o to tatou hoa. Koia tenei, me tuku
mai tenei tau ki a ia mo tana mahi kia
mahi ia ki a te Kawana i tenei tau, kia ki-
tea te whakaaro o te Kawana inaianei.
Hei reira tatou mohio ai ki te mate o Nui
Tireni; hei reira tatou mohio ai ki te wha-
kaaro o to tatou hoa. Engari me tuku e
tatou tona whakaaro kia puta ki tona hoa. "
|
|
3 3 |
▲back to top |
TE WAKA MAORI O AHURIRI.
Ka mutu a Heremia; he mangai ia no te
hui a Tako.
Kei runga ko Wi Taka Ngatata: —
" Koia nei tonu te take o taku hui. Ko
taku whakaaro tonu tenei e kiia nei e
Heremia. He whakaatu ake naku hei
whakatika mai ma koutou, hei whakakahe
mai ranei ma koutou. Engari me korero
koutou mo tenei kupu aku. "
Ka mutu nga kupu tino nui o te hui a
Tako. Ka whakaaetia e nga rau e toru;
—" Ae ! Ae !" Ko taua hui a Tako, ko
te maungarongo a nga iwi e noho pai ana
ki a te Kawana; ko te manawanui o nga
iwi noho rangimarie ki a te Kawana. Ko
te manawanui me te rongomau ka hoatu ki
a te Kawana; ma te Kawana e tapahi enei
mea, heoiano; ma te Kawana e ki kaore ia
e pai kia mau te rongo, e pai ana, kua
mutu i konei.
Kua mutu i konei nga korero o taua hui
i whakaaetia e nga iwi katoa. Engari na
Hapi i whakatuturu nga marama mo taua
maungarongo a Wi Tako kia rua nga ma-
rama. Koia tenei te whakaaetanga a nga
iwi katoa.
Na Piripi P. Apatu i tuku atu hei mata-
kitaki ma nga iwi kai te whakarongo ki nga
korero o taua hui.
[E whakapai ana matou ki te mahi a
Piripi P. Apatu ki te whakaatu mai i te
whakaaro o te hui a Wi Tako. Ta matou
i whakaaro ai kua whiti rawa mai a Wi
Tako ki te taha Kawanatanga. Katahi
ano matou ka mohio e rapurapu ana ano
tona whakaaro. E pai ana.
Ki te rongo korero a Piripi a muri ake
nei me tuhi mai. ]
REGISTER OP STRAY HORSES
AT te Pohue—one bay gelding, white marks of
rope on neck. Apply to Kipa.
At Omarunui—an entire horse—Description to be
forwarded to Hohepa Paora of that place.
At Kaiarero, Petane—a light red bullock; one
of the ears split or " cut; " brand on right
shoulder, thus and A G on thigh;
white marks on left fore leg and on thigh.
Apply to Rewi Tahana of Petane.
At Omarunui—a black horse, about two years old,
no brand. When first seen at the above place
he was an entire, but he has since been castrated
in consequence of biting the natives' horses.
Apply to te Awa Puni as above.
At te Pakipaki—a bay horse or mare (sex not
stated), brand Xn. Has been running at the
above place about two years. Apply to Pene-
tiki Pokai as above.
Two stray horses at Matahiwi near Clive—one a
black mare unbroken, about 8 years old, white
spot on forehead, no brand; the other a bay
gelding, 4 or 5 years old, unbroken, no brand,
small white spot on forehead. Both have been
running upon native land some 2 or 3 years.
Apply to Kingita at the above place.
At Omarunui, Tutaekuri, one chestnut colt, white
face and white hind feet, branded WE; (con-
joined) one bay mare, white face and white hind
feet, branded WE; (conjoined) one entire horse,
light bay, without brand. The owners of the
above horses will find them on application to
Tewi at Omarunui near Pawhakairo.
Ihaia Hutana (a Half-caste) is prepared to break
in horses. His charges are from £3. to £5.
Any person requiring his services, will please
apply to him at Waipukurau.
PANUITANGA.
KO te tangata nana nga hoiho kua tuhia ki
raro iho nei, me haere ake ki a Tewi ki
Omarunui.
Kotahi tariana pakaka, he ma te rae, he ma nga
waewae o muri, ko te parani be penei WE.
Kotahi uha pakaka, he ma te rae, he ma nga wae-
wae o muri, ko te parani he penei WE. Kotahi
te tariana, he whero te kara, kaore he parani.
ERUA PAUNA HEI UTU.
KUA NGARO i te Puketapu i nga marama e
rua kua pahure nei tetahi hoiho raho poka,
he pango, ko te parani he penei kei te pakihiwi
maui. Ka hoatu nga moni i runga ake nei ki te
tangata mana e mau mai taua hoiho ki Nepia ki a.
te WEPA,
Kai whakarite ruri.
Nepia, Tihema 17 1864.
PANUITANGA.
HE mea atu tenei naku ki aku hoa maori kia
mohio ratou e whakatu TOA HANGA ana
au ki Waipureku, ko Eruera Patitana te kai tiaki.
Kai reira nga taonga katoa a te pakeha; nga
kai, nga kahu, nga huka, nga ti, nga kai Kirihimeti,
nga aha noa atu.
Na NOURE,
o Nepia.
Nepia, Tihema 23 1864.
TAHUTIMAI! TAHUTIMAI!
TENEI nga hanga e makaia noatia ana e au;
ehara i te tikanga utu ona utu. Ko nga
hunga katoa o te pakeha, ina anake kei au—nga
paraikete, nga hate, nga tarau, nga kahu raumati,
nga kahu hotoke, nga kai, nga tupeka, nga aha
noa atu. Ko te ahua he pai anake; ko te utu he
iti noaiho—he mea hoki naku kia we te riro, i
whakaititia ai. Ma koutou e haere mai ki te ti-
tiro; ahakoa boko, kore ranei, me haere tonu mai
Na te NOURE
Kei Hekipiri Rori.
WHAKARONGO!!
E MEA ana a WIREMU RAETEPONE, o
Waipawa, ki ona hoa Maori kia rongo mai
ratou e hokohoko tonu ana ia i te Witi, i te Poaka,
i te aha noa atu hoki a te tangata maori.
Rupeke katoa nga taonga, me nga kai pakeha.
kei tona whare hanga i Waipawa e tu ana hei hoko.
WHAKARONGOMAI.
KO au tenei ko RAWHI, i te toa i tetahi taha
o te rori i te whare Kawanatanga i Nepia,
kua noho ke ki tetahi whare e tu ana i tetahi taha
o te rori i te toa hou o te HUTANA ma.
Me haere mai nga maori, me nga manuhiri, puta
mai ki Nepia nei, me haere mai ki taua whare oku
ki te matakitaki i aku hanga hou. Ara, ko nga
Tera wahine, nga Tera tane, nga wipu, nga paraire,
me nga aha noa atu—e wha nga pouaka hou mai
no nga whenua pakeha e wahia ana e au inaianei.
Tera hoki nga Koti puru, nga Tiakete, nga
Tarautete, nga Hate, nga Ringi, nga Piwhi, me
nga aha noaiho—he mea ngaware anake te utu, he
mea pa; anake hoki.
Haere mai ki te Matakitaki.
|
|
4 4 |
▲back to top |
TE WAKA MAORI O AHURIRI.
KARANGATIA! KARANGATIA
TENEI TE HAERE NEI nga kaipuke taonga
1 a te HUTANA raua ko te EAWINI i roto,
i nga marama katoa. Heoti nei ano te whare e
uta tika tonu mai ana i Ingarani i te hanga nei
i te Paraikete, na reira hoki i iti ai te utu.
Nga kahu huruhuru o tenei whare mo te hotoke,
he mea uta tonu mai i Kotorani; nga hate, no Ma-
rikena tonu mai hoki. Ko te Tupeka o tenei whare
he hira ke nou ake i to etahi whare te pai—ki
te tangohia i te pauna kotahi ka hoatu noa he
paipa hei purunga,
Ko nga piwhi e iwa pene, tae ki te 11 pene,
mo te iari; he kara mau—ki te mea ka whakama-
tauria tera e hoki tonu mai te tangata ki te hoko.
Ko nga kai katoa hoki kei konei e takoto ana;
ko to huka kaore he kirikiri i roto.
No mua noa atu ano tenei whare, ehara inaianei;
ehara i te mea tupu ake i te po kotahi me te
harori te ahua. No konei hoki i ngaware ai te
hoko; he mohio hoki no ona tangata ki ana
mahi, Ki te tango mui i te kahu pai, i te kahu iti
te utu o rawahi.
Na te HUTANA raua ko te EAWINI.
KO WETARIKI TAROUA e karanga atu ana
. ki ona hoa kia rongo ratou ki ona hanga
hou tenei katahi ano ka tae mai. Hira ke noa ake
te pai o enei hanga i ona hanga katoa o mua iho.
Ko etahi enei, ara: —
114 pea Tarautete Katene whakatawakawaka
nei—he mea ruhia katoa
1000 iari Piwhi, ahua whero nei
500 iari Paranera. he mea tu ke, he mea tu ke
100 pea Puutu, he mea Watataita
141 pea Puutu Wahine
144 Panikina
100 Paata paku nei, whai kopani rawa
30 nga Umu
30 nga Ti Kera
30 ngu Paata nunui
50 nga Tiakete kahu huruhuru
o pouaka Karaka
Me nga Paraire, nga Kara, nga aha atu, mo
nga hoiho to kaata. Ka tata hoki te puta mai
etahi hanga maha noa atu na runga mai i tetahi
kaipuke no Ingarani.
Kia mahara koutou ki te ingoa, ara: —
WETARIKI TAROUA,
O WAIPUKURAU.
Kia hohoro mai te tangata hoko,
koi pau.
PANUITANGA.
HE kai hoko hoiho au. Ka tae mai te hoiho
a te tangata ki au me hoko tonu e au; ka
kore, ka waiho iho i au maku e hoko atu, ma te
tangata nana te hoiho te ritenga ki au. Nga hoiho
e waiho ana ki au ka kawea e au ki roto ki te tai-
epa 25 eka te rahi; he nui te kai, te wai. Kia
pahika atu i nga wiki e rua e noho ana ki roto
katahi ka mea au kia whai whakaaro te tangata—
ki te rua tonu wiki e noho ana. kaore tahi he utu.
Na TANA,
Kei te taha ki te MIRA a TAMATI
i NEPIA.
Noema 28. 1861.
PANUITANGA.
HE pakeha hoko i nga kai maori nga tangata
kua tuhia nei nga ingoa kiraro iho—ara,
i te witi, i te aha noa.
Ko te WATA ratou ko KENERE
ko WATA ano.
AKIHANATANGA
I RUAHINE I TUTAEKURI
HE HOIHO,
HE KAU, HE HIPI, HE AHA ATU.
EHOA MA, tena au kei te whakatu i taku aki-
hana, i te Whare Paparikauta i TE PERETI I
TUTAEKURI i roto i nga marama katoa—ia marama,
ia marama. He akihana hoko Hoiho, Kau, Hipi,
Poaka, me etahi atu mea ora; tetahi, be tarutaru
kai hoiho nei, he kaanga, me nga parau, me nga aha
noa ahu whenua nei.
Ko te tangata e whai hoiho ana, aha atu ranei,
mo te hoko, me pa wawe mai ki a au ki Nepia nei.
Te utu maku, mo te Kai-hoko akihana, kia ko-
tahi herengi i roto i te pauna kotahi, me ka riro
mai; ka rua pauna, kia rua hoki herengi—heoi nei
ano te utu.
Te utu mo te nohoanga o te kau, o te hoiho ra-
nei, i roto i te taiepa i to po kotahi, he hikipene
mo te po kotahi. Te tangata pirangi ki te waiho
tona hoiho, kau ranei, ki roto i te taiepa me pa
mai ki au, ki te pakeha nana te paparikauta ranei
i reira ano. Engari, mo te hoiho, kau ranei,
kaore e riro, kia rima herengi e homai ki te Kai-
hoko mo te whakaaritanga.
Na te IENIHI,
Kai hoko akihana.
PANUITANGA.
KO aku hanga i taia atu nei au na runga mai i
te kaipuke i a te NEPIA kua pau tenei te
hoko—ekore hoki e toe i te papai o aua hanga.
Ko tenei he taonga hou enei kei au i tenei takiwa
na runga mai i etahi kaipuke maua; ekore e taea
te tatau. Ko taku karanga ano i mua a, koia ano
tena; ka kore te moni i a koutou, ahakoa tena,
me haeremai ano koutou ki te matakitaki—tena to
rangi e kite ai koutou i te moni ka hoki mai ki te
hoko.
E hiahia ana au ki te hoko taewa; mate tanga-
ta e whai taewa ana e haere mai ki taku whare,
maku e hoko.
Na te HATANA.
TURANGA TERA HOIHO.
E MEA ana a HOURA, kai hanga tera nei, ki
nga tangata Maori o Heretaunga kia rongo
mui ratou e haere tonu mai ana ki a ia nga uta-
utanga tera pai o Ingarani mai. He mea whakarite
marire e ia kia hangaia mai ano; ehara i te mea
hanga noa. Ko te ritenga o te utu e ngaware ana.
Tuitui tonu ia i te mea pakaru, me ka mauria
mai ki a ia.
Heekipiri rori.
TENEI TE HANGA E TA MA.
KO TE WHAKAAHUA TANGATA. Ko
te tangata e hiahia ana kia mahia tona ahua
me haere mai ki taku whare i Heekipiri Rori i
Nepia. Ka mahia e au te ahua o te tangata, ano
he tangata ora tonu!
Haeremai! e koro ma, e kui ma! Haeremai
kia mahia o koutou ahua; mo te mate rawa atu
koutou ka waiho iho o koutou ahua ki o koutou
tamariki hei tangi ma ratou i te ao nei. Haere
mai, mahia hoki o koutou tamariki mo te tupono
ki te mate e takoto ana te ahua hei titiro ma
koutou.
NA TUANA.
HAERE MAI—MATAKITAKITIA.