Pipiwharauroa 1899-1903: Number 65. July 1903 |
1 1 |
▲back to top |
Te Pipiwharauroa, he kupu Whakamarama. NAMA 65. GISBORNE. HURAE 1903. HE WHAKATUPATO. [KO TE PUKAPUKA TENEI A TE TIATENE I TUHITUHI AI KI TE HUI A WERETA I TU KI PAKIRIKIRI.] KUA puta te whakaaro i a au i runga i te inoi kia whai kupu ahau ki a koutou katoa i runga i te aroha, i a koutou kua huihui mai nei ki tenei wahi. I puta ai tenei whaka- aro i a au he pera ano me te nuinga o koutou hoa Maori hoa pakeha e whakaaro nei i te pai mo koutou, ara he tino mohio noku kaore tenei mahi i ahu mai i te Atua e kore hoki e puta mai he painga ki te Iwi Maori. Ehara tenei tu mahi i te mea hou—kua maha nga mahi penei kua puta ki tenei whenua ki era atu whenua o te ao. No nga ra ano i a te Karaiti enei mahi a mohoa noa nei; ko enei nga mahi i whakatupato ra a te Karaiti i mea ai, " He tokomaha hoki e haere mai i runga i toku ingoa, e mea,' Ko te Karaiti ahau,' a he toko- maha e mamingatia "E whakatika hoki nga Karaiti teka me nga poropiti teka, a ka hoatu e ratou nga tohu nunui, me nga mea whaka- miharo; a mehemea e taea, ka mamingatia ano hoki te hunga whiriwhiri." He nui toku pouri mo te nui rawa o nga rangatira Maori e tautoko nei i tenei mahi, he hokinga whakamuri tenei ki te ahua o mua ehara i te haerenga whakamua. No taku taenga mai ano ki Niu Tireni i nui ai toku whakaaro ki te iwi Maori, e hari ana hoki toku ngakau ina kite anau e haere whakamua ana ratou, otira hei taku kitenga i tenei mahi he tohu iwi no te hoki whakamuri ka nui toku awangawanga mo te Iwi Maori a nga ia e tu mai nei. Me whakaatu e au nga take i whakahe ai au ki te take o ta koutou nuihuinga. 1. No te mea e pama ana tenei mahi ki te ingoa whakapono. Kaua rawa te Iwi Maori e tautoko i tetahi tikanga hou o te karakia, kei tino kaha rawa to koutou noho wehewehe. Ko te mea hei whainga ma te Iwi Maori ehara i te mea he tikanga hou mo te karakia, engari he tautoko tonu he whaka- kaha i te tikanga tawhito ara i te Rongo Pai e hou tonu nei i nga ra katoa. Ko te mea nui e matea ana e te tangata ehara i te mea he mahi hou engari ko te tupu o te tika, ko te piki o te tapu, ara ko te Karaiti tonu, ko te nui o te nohoma o te ngakau e te Wairua Tapu. Kei roto katoa enei mea i te Rongo Pai tawhito. Kaore ano kia tino kitea e au tetahi tohu he tangata tapu a Wereta, a e kauwhau ana ia pera me Hoani kai •Iriiri i kauwhau ki te tangata ki a ripeneta. Ki te kore te tangata e mea ki te tohe kia whakarerea e te tangata te hara kia huri ki te Atua, ehara taua tangata i te mea whakahau na te Atua hei kaiwhaka- ako. E rite ana hoki te mahi whakahua noa a Wereta i te Ingoa o te Tokotoru Tapu, ki te takaro ki nga mea tapu, ano he rite ki te tangata e whakahua nei i nga ingoa o ona atua maori. 2. No te mea kei te whakananua nga whakaaro maori ki nga kupu tapu. He tika- nga na nga tangata o mua, na nga tangata i whakatu karakia hou te whakamanu i te pono ki te tinihanga, a i te wwhakarongotanga o te tangata ka kumea e nga kupu i whakaritea nei ki te pono, e nga kupu'whakamanawareka, otira i te mea i whakananua ki te tinihanga horomia ana ano e ratou nga korero teka. He penei te ahua o te karakia Hauhau. Ko te hunga i tahuri ki te hauhau kaore i mohio ki te whakapono Karaitiana, nui ke atu to ratou whakawhirinaki ki a ratou ano i whakaaro ai i to ratou whakawhirinaki ki ta te Atua i pai ai. Ki taku whakaaro he penei te tikanga o
2 2 |
▲back to top |
TE PIPIWHARAUROA, No. 65. tenei mahi kua timataria nei ki waenganui i te Iwi Maori. 3. Ko tetahi he ano ko te whakaaro o te tangata i te mea kua ora pea tetahi tangata i te mate, he tino tohu tenei na te Atua tenei mahi. He nui nga tangata kua ora i nga wahi katoa o te ao, i nga tangata kaore nei e whakaaro ki te Atua. Ahakoa e ora ana etahi tangata e kore e tika kia kiia he tohu tenei na te Atua aua mahi. E taea e ahau te whakaatu ki a koutou nga ingoa o etahi tangata i mea nei i homai e te Atua he mana whakaora ki a ratou otira ko aua tangata he tangata tino kino. E ora noa ana ano etahi tangata, otira ehara i te merekara. Kaore ano au kia kite i tetahi tangata e kore rawa nei e ora i te tangata otira kua ora i a Wereta i runga i te mahi merekara. Ka whakatupato au i a kou- tou kei hangarautia koutou e nga mahi whaka- manawareka kanohi, taringa ranei a te tangata. Kia mahara i mea ano a te Karaiti, " He tokomaha e mea mai ki a au i taua ra, ' E te Ariki, e te Ariki, kihai koia matou i poropiti i runga i tou ingoa? i pei rewera, hoki i runga i tou ingoa? he tini hoki nga mahi nui i mea- tia e matou i runga i tou ingoa?' Ko reira ano hoki au mea atu ai ki a ratou, kahore rawa ahau i mohio ki a koutou, mawehe atu i a au, e nga kai-mahi i te tutu." E mohio ana au he tokomaha o koutou e hiahia ana ki te mahi i te mea tika, na reira au i tono ai kia ata whakaarohia e koutou aku kupu. E mohio ana hoki au ko te pono ano e tu, ko te he e hinga, otira e marama ana i mua atu i te matenga o te he he tokomaha e ngooki noa iho i roto i te pouritanga mo nga tau maha, e kukume hoki i etahi atu ki te pouritanga. Hei whakatupato i a koutou kei uru koutou ki tenei pouritanga i tuhituhi atu ai au i enei kupu ki a koutou. E koa ana au i te maia o etahi o koutou kua kite nei i te he o tenei mahi ki te whakapuaki i o ratou wha- kaaro. Ata tirohia e koutou te kupu a te Atua e mea nei, " E whakaahua ke ana hoki a Hatana i a ia kia rite ki te anahera o te maramatanga." Heoi kia tupa o kei rarua tatou i nga "wairua tinihanga," e korerotia nei e Paora, engari "kia kaha koutou ki te tohe ki te whakapono kua oti nei te tuku mai ki te hunga tapu." (Hura 3.) KANUI te riri o Te Tauti tumuaki o nga kaiwhakawa, mo te whitinga i nga minita o te Kawanatanga ki runga ake i a ratou, ko te tikanga tawhito hoki ko nga kai-whakawa i runga ake i nga minita. Tera pea a Te Tauti e whakarere i tona turanga. "TAIHOA." Kua waiho hei pepeha ma te pakeha mo te Maori tenei kupu " taihoa." Ko "taihoa" tetahi o nga tino hoa riri kino rawa o te Maori. " E tata mate, e roa taihoa "—he whaka- tauki na taua na te Maori. " Ko te tutukitanga o te huarahi o " tai- hoa" ko te pa o Kore-noa-iho—he whakatauki na te Paniora. " Ko taihoa te kai •whanako o taima "—he whakatauki na te pakeha. "Ki te oti i a koe tetahi mea i tenei ra kaua e waiho mo apopo whakaoti ai." " Hokona te taima he kino hoki nga ra"— na Paora. Ko to tatou oranga i tenei ao he taima— heoi kaua e maumauria te taima ara to tatou oranga i tenei ao; e kore hoki muri e hokia. E kore rawa " apopo " e mau i te tangata; hei te taenga mai ki a tatou kua rere ke, kua ingoa ke kua kihi ko, ' tenei ri." Heoi ra kau i e waiho nei apopo— Ka tui ai i to kakahu kai nui rawa te pakaru. Ka hanga ai i to taiapa, kei pau o kai i te poaka. Ka tuhituhi ai i to rea kai mataotao nga korero. Ka utu ai i to nama kei nui rawa., kei hoatu ranei e koe nga moni he whakaaro ke. Ka hohou ai i ta koru- rongo kei whakama a muri atu. Ka whakaputa ai i te aroha kei ora ana o matua. Ka timana ai ta ako. kei pakeke ki te ako kaumatua. Ka haere ai kia kite i ta turoro, kei tangi matao- tao. Ka haere ai ki tehi kei marino ana. Ka ngaki ai i to maara kei iti ana te taru. Ka horoi ai i to whare i o kakahu ranei kei iti ana te paru. Ka rongoa ai i te mate kei ngawari ana. Ka kinikini ai i to torori kei rakau nui. Ka tohutohu ai i to tamaiti kei paku ana. Ka here ai i to waka kei riro i te waipuke. Ka patu ai i te tataramoa kei kore ana e horapa, e pakeke ki te patu. Ka peehi ai i te tikanga kino kei waiho hei tika- nga tuturu. Ka ripeneta ai kei ngawari ana te ngakau, kei ora ana hoki koe. Kotahi ano te heera o te hu o te hoiho i makere, ka roa e haere ana ka tangatanga te hu, no te whawhaitanga ka hinga te hoiho; ka mate te tianara i runga i te hoiho, ka wha- ti tana taua, ka hinga te iwi ka riro te whe- nua—Ko te take he mea iti rawa ko te neera i makere. Kotahi ano pea te meneti hei titi- nga i te neera, otira riro ana te kaha i a " Taihoa." Ko nga utu o " taihoa" 'ko mate, ko ta te Atua ia e homai ai ko " Naianei." " Nana, tenei te wa manakohanga mai; nana, tenei te ra o te whakaoranga."
3 3 |
▲back to top |
HE KUPU WHAKAMARAMA HE RETA KI TE ETITA. KI TE ETITA O TE PIPIWHARAUROA. E HIKA tena ra koe me tou purotutanga e whangai mai na korua ko TE PIPI i nga kai riireetoo ma o tatou wairua kia pena tonu koe kia ora me te kaha rawa hoki e ora tonu ana. E tama, tena koa tukua atu ena kupu hei korero tahi mai ma nga tini hoa i roto i te wa o te Ariki, mo te tatai a te Atua mo nga wa i te ao (Kenehi i., 14, 16, 17, 18.) i tuatia nei ko nga tau a ko aua tuhituhi tutohu nei ko te Ra ko te Marama me nga whetu a tuatia iho tuhituhi mutunga tutohu a ena mea ko nga ingoa o nga tau, o nga marama, o etahi o nga whetu, o te maeke me te mahana, o te rau- mati, me te hotoke, o te ao, me te po (Kene- hi viii, 22.) hei tatai i nga tau me era atu ta- tai tutohu i hanga nei e te Atua hei ruri tatai mo nga wa i te ao katoa mo nga whakatipu- ranga ano hoki e haere atu ana e haere mai aha (Kai i, 4)- Te Atua ia e pumau ana ake ake (Wa;, ix, 7.) A i tapaia ano hoki e nga tipuna Maori nga ingoa o nga tau, o a ratou nei ingoa ano, ara, he Taururu, He Tau-tu ku-roa, e mohiotia ai te tika me te he o nga kai, me nga kai kinaki ano, me nga ingoa ano o nga marama, ina ano e whai na i te taha o tenei korero:— 1. Te Matahi-o-te-tau .. Aperira 4 2. Te Ma-rua-roa .. Mei 5 3. Toru-here-o-pipiri .. Hune 6 4. Te-wha-o-Mahuru .. Hurae 7 5. Te Rima-o-hiringa •Nuku Akuhata 8 6. Te Ano-o-Kupu .. Hepetema 9 7. Te Te Whitu-o-Hokihea .. Oketopa 10 8. Te Waru-tuma-hoehoe.. Noema 11 9. Te Iwi-o-Menawa-whawha Tihema 12 10. Te Ngahwaru-kaipainga Hanuere 1* 11. Te Ngahuru-tikotiko .. Pepuere 2 12. Poutu-ti-rangi .. Maehe 3 A heoi, e tupono ana kia Aperira te hangai- tanga o te marama tuatahi o tetahi whakaha- ere tanga a Nehera, a ka mohio te hinengaro e rua nga whakahaere tau a onamata, e pono ana ki a Hune te tuatahi o nga marama o te- tahi whakahaere tau ano a Nehera, ara, Ko Te Tahi-o-Pipiri, eai ta te oriori. Otiia ko tena rarangi o nga marama i runga ake na no tenei korero a Nehera e ki ana, " I unuunu te Ra i toru i taui i te wha, ara e penei ana te ahua o taua korero ki a tatou. I maunu iti te haere o te Ra i te toru o nga marama ka tino taui rawa i te wha o nga marama ina ra i Toru-here-o-pipiri, i Te Wha-o-Mahuru ae ra i a Hune, i a Hurae, ka hoki te ra ki te Taha o te ao ki te Tonga ki te raumati. A heoi e rite ana ano pea tenei ki ta nga iwi o mua i te Paipera Tapu ina hoki e rua whakahaere tau o te Kawenata Tawhito. Ko te tautahi hoki o nga marama o te tau a Rona- ki (Kenehi viii, 13.) engari kore he ingoa o taua marama, no te tau paeke i nga ra nga marama ka kitea te ingoa ko Etanimi Kingi viii, 2.) engari no te tau paeke ano te whika, ara, te whitu o nga marama e noho ana i taua rarangi. Kati, na te Atua ia i ki mai kia Mohi ma i Ihipa, ko Apiti ara ko Na- hana te tuatahi o nga marama o te tau (paeke) ki a koutou, Ekoruhe xii 2: xiii, 4. Ehetere iii, 7-) a ka noho ano a Etanimi hei whitu mo nga marama o te tau paeke o te tau tapu ( Tahanga 29. i; 1 Kingi 8. 2.) Na i te tau paeke ko Arara te tekau ma rua o nga marama, (Ehetere iii 7: viii 12, ix, 7.) ara ko Maehe taua marama. Na, i te tau ronaki ko Eruru te tekau-ma-rua o nga marama. (Nehem. vi, 15) ara, ko Hepetema taua ma- rama ka tiko Apiti ko Aperira ia ko Te Ma- tahu-o-te-tau. Ko Arara ko Maehe ia ko Pou- -tu-terangi hoki. Kaati noa i konei e nga hoa pononga ka mihi te ngakau ka whaka- honore ka mea, kia ora Te Kingi o nga mea katoa i te rangi i runga puta noa i te ao katoa, e titiro tonu nei ona kanohi i nga wa katoa e kore e moe me te kaha e pumau ana, e kore e ngoikore ka rite nei ki te whakatau-ki a te Maori. " He whetu te kanohi he karaa te pakihiwi," ara, te mahinga mai ano a te Atua i te tini 'tanga ra ano, a mohoa noa nei, ake tonu atu, me te tuturu o to te Atua aroha, no reira nei te atawhai ma te Ariki ma Ihu Kara- iti tae atu ki te Wairua Tapu i tokotoru ai nga Atua, a ka kotahi ai ano Atua, a, ake ake ake. Amine. Kati ra i ena e Te Etita hei whakahei noa atu i tau poroaki korero mai ki tenei o nga hoa kai porearea noa ta tatou manu mokai ua- ina ki te koroki a ka hoha noa hoi ano ka huri. No tetahi hoa pononga ano, na HAMIORA APAROA. MA 4, 1903- Nga kupu tawhito o te reo o te Maori. Porotutanga ara Atahuatanga. Kai Riireetoo ara kai marietanga. [ KI TE ETITA O TE PIPIWHARAUROA. E HOA, tena koutou, ko hoa me to Komiti honore kia ora koutou!
4 4 |
▲back to top |
TE PIPIWHARAUROA, No. 65. Heoi ena kupu. E te honore Etita ki a pai mai koe me to Komiti honore ki te ta atu i nga kupu ruarua nei ki to tatau manu. Kia kuikuia atu e ia ki nga marae e rere nei ia i nga motu nei. Heoi ake ena kupu. E Reweti Kohere Mokena e hika, tena koe. E tu pono ana o kupu ki te tika. Te mea tua- tahi e wha ka tika e au ko to kupu mo nga tohu- nga maori. He rereke era o mua koira nga tuturu tohunga e hara o muri nei. Kaore enei tohunga e mohio ki te hapai i nga karakia o nga takiwa o nga iwi o te motu nei. A, kaore hoki e kaha ki te hapai i te mauri, i te toi ora ko te putanga o enei ko te tu ahei kauhanga huia e mauria ai nga rau tangata e 200 e 300 ranei ki te wai, ki te pae o Kahukura ka whakangaua ki te kohatu i reira, kati hahatia ki runga. He roa te mahi ki reira. E whakataka ara i te mate ka mutu ki te wai ka whakahokia ki te tuaahu kauhanga nui koi nei ra e Reweti, te tikanga o to kupu. E ki nei koe e whakahe ana koe ki o naianei tohunga, ae. Kaati tena, e Reweti, e hika kua pono o kupu i mea mai nei koe kaua i te rongo e rangi i te kite i mea nei koe, he pono ranei he tito noa ranei te rongo o Wereta ki Waenganui ae, tenei kua tae mai ki a au nga korero o reira na Rangi Whakateka Tawhiri i korero mai no te 13 o nga ra o Aperira i tae atu ai a Te Wereta me nga tangata arahi atu i a ia ki Whanganui a Eruera ti Kahu a Hare Mate- nga me a ratau wahine i tae atu ki Putiki, Whanganui, kotahi te wiki ki reira ka arahina ki roto i te rohe o Te Whiti ara ki te rohe o Taranaki ki Waitara kia Ngarauru i haere a Hoani Mete Kingi, me Wiki Takoko ki te arahi, a, i moe ki te ngutu awa o Waitotara ko te Ihupuku te ra kainga no Whakarua Tau- ira Parea taua kainga. E mohio ana ahau, a, i whakaatu tonu mai taua rangatira i te kupu penei mai ko te whakaaro o tenei iwi o Nga Rauru kei te rau kura tonu kei a Te Whiti raua ko Tohu. Otira me haere ano au ki te kawe i a koutou kia kite kia rongo i nga kupu a Nga Rauru kei te papatupu katoa a i te ao nga o te ra ka tae ratau ki reira i te mara e tonu ka homai nga kupu penei na kua turia nga taringa o Taranaki ki nga mahi poropiti ki nga mahi tohunga ahanoa kaore e aroha, atu nga mahi o naianei kei a Te Whiti anake tona Raukura kaati kei reira nga mahara i naianei kei te raukura anake tenei iwi kua hoha noa ki ena mahi tohunga. He nui te katoa ano nga mutunga o nga mahi ona ia nei. Koi nei nga kupu a nga rangatira o nga rauru a he Taraka tautahi a Wiremu konei ka a kahukaka, kai te mohio au ki a ratau. Heoi ra, ka pa te pouri ki a Hoani Mete Kingi mo nga kupu a tona iwi a nga rauru ka mea a Hoani kaati ka hoki matau me ta matau tohunga kapuritia ano ai nga Wari iti no te pokatu, a te kahu ki te whakaatu i te mahi a Te Wereta. He whaka- ora tangata ka mea atu e toru nga ra o te turoro ki te mahi a Te Wereta ko te roanga o nga korero a te Kahu. Ko te Kotahitanga o nga iwi o nga motu nei a ko te wha ka marama hoki i te ahua o Te Whiti. Ko te pakanga ki Waitara te take o ona i pera ai a heoi kaore rawa i aroha mai ko te Kahu no Ngatiapa ki whanga. E hui nei no te Hahi Ringatu a ia. Heoi ra e Reweti kua pono to kupu nei i a he moumou haere ki a Te Whiti ki a Taranaki ki te katuarehe. Kaati pea kei kapi te pepa akatoa tai hoa hoki etahi e tuku atu kia ora koutou nga kai- whakahaere i te manu tangi pai, tena koutou nga iwi o te motu me nga kaitautoko i. to tatau manu, kia ora, kia ora i te atawhai o to tatau Ariki pai. Heoi ano, na to whanaunga, na T H. TEIPU. Te Puke. HE WHAKAMARAMA. Ki TE ETITA o TE PIPIWHARAUROA. I MU RI mai i nga korero o te po i tae ai au ki Pakirikiri, kua rongo au i whaka- turia he Komiti, a whakataua ana e taua Komiti te he moku, engari kaore ano kia tae mai te whakaatu ki a au, ki taku rongo e taia ana ki te nupepa te whakataunga a taua Komiti. Kei te tatari au ki nga take i whaka- hangia ai au. I whakamaramatia e au nga take i tuhituhi ai au mo Wereta raua ko Wi Pere, kaati mehemea ki te kore e marama ki te tangata hu maumau noa te korero. I mahara ahau i whakamutua enei korero ki Pakirikiri, i houhia hoki ta maua rongo ko Wi Pere ki reira, i mutu ai nga korero i runga i te ngawari, a i puta taku kupu ka mutu taku korero mo Wereta, a he ana hoki enei mahi e titaritaria nei ko au i hinga? Kei te takoto tonu taku kupu ki a Wereta raua ko Wi Pere kia whakahokia e raua aku korero kia kitea e te iwi nui, no te mea ahakoa au i tae i kore ranei e tae ki Pakirikiri, i korero i kore ranei e korero, i tika i he ranei—kotahi ano he whakataunga ma te Komiti ara ko au i hinga. E te iwi kia tupato kei whakatau he koutou,
5 5 |
▲back to top |
ka whakama koutou a muri ake nei, a te wa e tino marama ai ki a koutou te tinihanga o te mahi e tautokona nei e koutou. Kaore au i te mea e rite ana au ki a te Karaiti, he Atua ia he tangata ano au, kaore hoki au i te mea kua tukua mai e ia he mana ki a au, otira i whaka- he au i taku i tino mohio ai he he, he tinihanga. Mehemea he tinihanga te mahi a Wereta he aha koutou i riri ai ki a au mo aku korero tika? Ko te Karaiti to tatou tauira. Otira i pehea ia? I kitea e ia te tinihanga o nga Parihi o nga Karaipi, a tawaitia ana ratou e ia, kiia ana he " neke, he uri nakahi," he tahae, he aha, he aha. Mehemea no enei ra a te Karaiti kua whakahaua e koutou te he ki a ia. Ko te take i kore ai koutou e kite i te tika o aku korero he kore no koutou e kite i te he o te mahi a Wereta, otira kei te tautokona e koutou te he nui rawa, ano koutou "e tatari ana i te waeroa, e horo ana i te kamera." Ko te tikanga ia ko koutou hei hoa moku ki te peehi i tenei mahi, otira ki te whakakaha koutou i te mea kua houhia nei te rongo, e pai ana, ka haere tonu nga korero i aianei. E te iwi he pai ko au ko te kotahi ko te tamariki tena e he, ki te he ko koutou ko te tokomaha, ko nga kaumatua, he he nui whakaharahara. Ko aku korero mo Wereta ake ka mutu otira ko taku whakahe ki tana mahi ki te mahi ranei a era atu tohunga e kore e mutu. Heoi ano, na to koutou hoa, na REWETI T. M. KOHERE. MO NGA TOHUNGA. I te hui a Wereta i tu ki Pakirikiri i puta ai nga korero a Reweti Kohere mo ta takahi a nga Kaunihera i a ratou ture ano i te ratou mahi tautoko i nga hui a nga tohunga, kaore i marama etahi tangata ki taua ture, kaati me panui kia mohio ai te tangata:— Mehemea i runga i te whakahaere a tetahi tangata e kiia ana he tohunga, ka huihuia e ia tetahi ropu tangata, a ka noho i tetahi kainga, ka haere atu ranei i tetahi kainga ki tetahi atu kainga me taua ropu. a ka whakaaro te Kaunihera, tetahi Komiti Marae ranei, tera e pa he raruraru, he mate ranei ki nga tangata o tetahi kainga, ki tetahi ranei o ratou, ara, ka pau a ratou kai, o ratou rawa ranei, ka pa mai ranei tetahi atu mate, ka ahei te Kaunihera ki te tuku panui atu ki taua tangata kia whakamutua tana mahi, a ki te tohe ia ka ahei te Kaunihera ki te whiu i a ia ki te moni kia kaua e neke atu i te rima tekau pauna. HE WHAKAHONORE. I te tunga o te whakawa ki Te Awanui, wahi o Waiapu, ka hoatu e Patene, kai- whakawa, te metara whakahonore mo te toa, me te tiwhikete ki a Henare Kohere, mo tana whakaoranga i te pakeha i te tahuritanga o te Whakapai ki Ihi Keepa. 1 mea a Patene he tohu tino honore tino nui taua metara, te metara mo te whakaora tangata. I puta ano ana kupu whakamihi, whakanui mo Henare Kohere mo tona toa, i mea ano ia kia roa ona ra e ora ana e mau ana i tona tohu honore. I kiki tonu te whare whakawa i te tangata, i te pakeha i te Maori. O nga Maori ko Enoka te Rukuata i tu ki te whakapuaki i etahi kupu torutoru nei, hei tapiri i nga kupu a Patere. I whakamihi hoki ia mo te homai- tanga i tenei honore nui ki tenei tamaiti, haunga ki a ia anake engari ki tona whanau katoa ki tona kaupapa mai. Heoi ano ta Henare he takahi i nga takahanga waewae o ona tupuna. I mahi ano a Te Mokena Kohere i te toa; i piripono nui ia ki te Kuini, e matauria nei e Ngatiporou katoa. (Umere.) Na te Mokena i hapai te Whakapono, te Ture me te Mana o te Kuini ki roto o Waiapu tae noa ki roto o Turanganui; i peehi nga raruraru o mua. Tera atu te roanga o nga korero a Enoka te Rukuata. Hei rua tenei mo nga metara o Henare Kohere mo tara whakaoranga i tenei pakeha; ko te tuatahi ra nga rangatira o te kaipuke. He hanga aroha te matenga o nga pakeha tokowha, kotahi ano te morehu he mea tiki atu na Hei aro i te moana. Ko etahi i pupuri tonu ki te kaipuke a mate noa iho, i te nui o te marangai kaore i taea atu te tiki, heoi ano titiro mai ana ki uta titiro atu ana hoki nga Maori i uta, ko te mea i whakaorangia ki uta karanga atu ai, " Kaore koutou e taea atu, e hika ma e!" Ka tata mai te ngaru ka tuohu, ka pupuri, hei te hipanga mai o te ngaru rite tonu te tirohanga mai ki uta me kore pea he tangata e haere atu. Heke ana te roimata i te wahine ki te matakitaki atu ki te tangata e horomia ana e Mate. I kore ai te kaipuke e paea wawetia mai ki uta he mau i te punga. No te 1 karaka i tahuri ai te kaipuke no te 5 karaka ka toremi te mea whakamutunga. Na nga taura na nga rakau noa o te kaipuke etahi i whiu ka mate. Ko te kaipuke inaianei kei Ihi Keepa tonu e takoto ana. Ko tetahi mate hou kei Kuinirana Ahite- reira, ki te pa mai ki te tangata ka timata tana kai oneone.
6 6 |
▲back to top |
TE PIPIWHARAUROA, PITOPITO KORERO O PAKIRIKIRI. IAUA te take o te hui a Wereta raua ko Wi Pere i tu nei ki Pakirikiri, runanga- nui, kaore i tino mohiotia, kaore he merekara, kaore he korero, heoi ano ko nga kai anake i pau. I HIA tetahi tino rangatira o Heretaunga e tetahi pakeha rangatira mo te take o ta ratou haere ki Turanga, ko te whakahoki a taua rangatira he hui Kaunihera. He korero anake te mahi a tetahi rangatira Maori moua oranga noatanga ake i nga tohu- nga maori otira ka tokomaha nga tohunga i tae ai ia. I ki ia i tino ora ia i a Wereta otira i puta tana kupu ko te take i tae mai ai ia me tona iwi ki Pakirikiri na te mamae i kawe mai—huatu kua ngaro katoa nga mamae i nga tohunga. Kei te wareware i tenei tangata te matenga o ana mokopuna i runga i nga tohunga maori. He tu tonu no te Maori te korero i nga painga o o ratou tohunga ka wareware nga kino. I mea etahi tangata ko o ratou tinana tonu nga tino merekara a Wereta, koi ara te take i haere mai ai ratou he whakamatakitaki i a ratou. He kore hoki no nga wairua o nga, tangata i mate i nga tohunga i hoki mai ki te whakaatu i to ratou matenga. Ki te whakaaro pea a etahi tangata he rori- rori katoa te tangata ki te whakapono kau noa ki a ratou kupu i ora ratou i a Wereta—kaore he tangata o Turanga nei i ora i a ia. Kotahi te turoro i mate ki Pakirikiri—3 hiahia ana nga whanaunga ki te tangi ka riria e nga ('apotoro." Hei te hokinga ki te kainga matemate ai etahi. Whanawhana ai tetahi tangata hei whaka- atu i tona oranga i a Wereta, otira mehemea pea ia i whakamatau ki te whanawhana i mua atu, tera noa atu e taea e ia. I korero kino tetahi tangata mo nga takuta pakeha, otira na te takuta pakeha i taea mai ai e ia enei ra. I korero kino ano ia mo nga tohunga maori o mua atu i a Wereta otira i tino tautoko ano ia i aua tohunga maori i te mea kaore ano kia ara te " poropiti" hou. I mea tetahi kaumatua o Uawa ki nga iwi i tae mai ki Pakirikiri ki te take o ta ratou haere mai. Kaore i tae mai ki ana hui totika hei te hui tekateka noa tere ana i te huarahi. Nga iwi i nui te tae mai ki tenei hui tekateka noa ko Heretaunga, ko Hauraki, ko Ngatiapa, kaore a Wairarapa, a Ngapuhi, a Ngatiporou, tokorua pea o Waikato, tokorua ano pea o Taranaki. Ko ta te Houkamau haere mai he tangi- hanga; i whakapuakina hoki e ia tana whakahe ki te mahi a Wereta. I te whaikorero a Rawiri Karaha ki a We- reta i tona hokinga mai, kia haere ia ki te tangi ki ana turoro i mahi ai no muri i a ia i hemohemo ai. Hei te mutunga pea o te hui haere ai a Wereta ki te tangitangi. Ko Peka Kerekere te rangatira o Turanga nei i tino kaha ana kupu whakahe mo te mahi a Wereta. I pohehe pea nga iwi whakaeke kei raro katoa enei iwi i a Wereta pera me ratou. I mea a Reweti Kohere ki nga iwi whakaeke hei to ratou hokinga ka mau ai ratou i a We- reta, kei hokihoki mai ano ratou ki Turanganui. Ki te ki a Wereta he hapai tana mahi i te Whakapono. Me tohutohu e ia etahi o ana tangata kia kau i e taunu ki te Hahi mehemea he mahi whakapono ta ratou. Ko nga kaikarakia tonu etahi i taunu mo te Hahi; ka re i tupu to ratou whakapono i runga i ta ratou mahi whakapono, e korero nei ratou. Hei te wa e timata ai te mahi i nga turoro, kei te inoi etahi o nga " apotoro " kei te pao ia etahi—ko nga himene pea era. I te mutunga o te hui a Wereta ka haurangi etahi o ana " apotoro " ki te taone i Kihipane —i parori tetahi o nga tino " apotoro." I haurangi tetahi tangata i Turanga nei, he "apotoro" he aha ranei. Ko tana korero tenei, " E haere a •a-a-na au i runga i-i-i te Matua i-i-i te Tama i-i-i te Wairua Tapu." He tino kohukohu tenei. Ehara ia nei i te hua o te mahi a Wereta e whakahua noa nei i te ingoa o te Tokotoru Tapu? I ki a Wereta kei nga wahi katoa te Atua, kei roto ano hoki i nga paparakauta. Kei hea ra a Hatana " te rangatira o tenei ao?" E kiia ana kua tu ano he " poropiti" hou mo te Tairawhiti, ko te ingoa o tenei ko " Hatana." Kua puta noa atu te kupu a TE PIPIWHARAUROA e kore e hapa—kua ngahau i te mahi a te iwi a nga rangatira, a nga mema e tautoko nei i nga tohunga. I te haerenga mai i Pakirikiri ki Turanga nei e waru pea nga kooti kawe mai i nga iwi whakaeke, he Ratapu te ra i haere mai ai. No te ahiahi rawa ka eke ki te tima otira i noho noa iho i te taone kaore i whakawhiti noa
7 7 |
▲back to top |
No. 65. HE KUPU WHAKAMARAMA. atu ki Kaiti ki te karakia—kia tika ai te ki he mahi whakapono ta ratou mahi. He teka te ki hei whakakaha tenei mahi i te karakia, ko tona tino tikanga hei peehi. Na te whetu noa ra tana rere, tana whiti, ka kiia e te Maori na Wereta. Nui atu te whakamanamana o nga pononga a Wereta mo te matau o to ratou poropiti, otira kaore ratou e tuku ana ma to ratou poropiti e tu nga tangata e whakahe ana ki a ia ki tana mahi. I te po i totohe ai ki a Reweti Kohere ko ia anake ki tona taha, tokowaru nga tangata i tautoko i a Wereta, ko Wi Pere tetahi. Ki te tu a Wereta ki runga ka tohutohu ake ona hoa i raro. Mei kore ana te arama e Kohere kua tu pea te kotahi rau hei roia mo te poropiti. I rite rawa te ahua o tenei tikanga ki te tokonga a te iwi kia whakamanea a Kireono mo tara wakaranga i te auta o Peara, i whakahoki kupu mai ai a Inaha ki a ratou, " Ko koutou ranei hei kai tohe i ta Peara whakawa? ko koutou ranei hei whakaora i a ia? Ki te mea he atua ia, mana ano tana whakawa e tohe." Waihoki ki te mea he poropiti a Wereta " mana ano tana whakawa e tohe." E kiia ana i te mutunga o te korero i te mea kea riro ke a Kohere ka huihui te K miti, ka mea kia whakahaua te he ki a Kohere, na tetahi tamaiti nei i mea atu he aha te pai o te whaka- he i te tangata kei te wahi ke. I rite rawa te ahua. o tenei komiti ki te runanga a nga Hurai i whakatau nei i te he ki a Ia e kauwhanga nei e Kohere, nana nei te kupu, " E kore te pononga e rahi ake i tona ariki. Ki te mea i whakatoka ahau e ratou, ka whakatoka ano hoki koutou." Rite tonu te korero a nga pononga a Wereta i hinga katoa i to ratou rangatira ona hoa tautotohe. Kei te panuitia e ratou i hinga a Kohere i a Wereta. Kaore ano a Kohere kia tae ki Pakirikiri kua tau noa atu te whakahe mona. Tera oti nga pononga e tahuri ano ki te whakahe i to ratou rangatira? E mea ana te Karaipiture, " Ki te tahuri iho tetahi rangatiratanga ki a ia ano e kere e kore a Hatana e pei i a ia ano ki waho." He tikanga no te ture ma nga taha e rua e whiriwhiri te huuria otira ko te hunu o Pakiri- kiri no te Wereta anake. Ko nga tangata tino matau e whiriwhiria ana hei kaiwhakawa, hei titiro i te he i te tika, otira e mea ana te parangeeki ko ratou nga kaiwhakawa, a wha- kataha ana e ratou te he ki ta ratou i kino ai. Mehemea e penei ana nga kaiwhakawa pakeha, ka mau te wehi—e rite tenei ao ki te reinga. Apopo te iwi nei whakama ai, a te taupapa- heketanga o ta ratau mahi. I penei tonu nga korero mo Tokoaka—kaore he mate e kore te ora. Te mutunga kaore i tatakimoori, hemo atu hoki te tohunga—kia tupato kei pera hoki te ahua o tenei mahi. I te kiinga kia whakaritea kia 4000 -nga "apotoro," ka ki a Hone Paerata, kia 6000, kia tu puputu tonu, kei tawhiti rawa te hae- renga o nga turoro. Kaore i whakaaetia te korero a Hone Paerata. He aha ra? He whakatoi pea te korero a taua kaumatua. Ko te tangata e tautoko ana i te mahi tini- hanga, he tangata tinihanga, ki te kore he rorirori. Ki te mohio te tangata he tinihanga te mahi e tautokona ana e ia, he hiahia tini- hanga nona i tautoko ai ia, otira ki te kore ia e mohio he tinihanga, na tona wairangi i kore ai ia e mohio he mahi tinihanga. Kei te kata te pakeha ki nga mahi a te Maori e whai nei i te " poropiti," e korero nei mo nga merekara. Ko te Maori anake e whakahe nei i nga korero a Kohere mo Wereta ko te pakeha kei te whakamihi. He rereke to te pakeha whakaaro i to te Maori. Ki te pakeha he mea tika kia whakaaturia e nga nupepa, nga mahi tinihanga a te tangata e whai nei kia mamingatia te iwi. Kaore te Maori e whakaae engari me waiho tonu te tangata i kona maminga ai. I mea tetahi minita kaore he he o te mahi a Wereta, ehara hoki i te karakia ki te atua whakapakoko. Kei te pohehe pea ia ko te karakia anake ki te atua whakapakoko te mea e he ai te tangata. Ko wai ma nga poropiti teka i mea ra a te Karaiti e haere mai i runga i tona ingoa? Ka pehea ra he whakatika mana mo te haere o te tangata ki a Houtaketake? E ki pea ia ehara i te mahi ki nga atua whaka- pakoko, otira kei te mohio tonu ia he mahi ki nga atua maori. Anei ta te Karaipiture mo nga atua maori: Kei kitea i roto i a koe .., tetahi tohunga whakaaro ki nga tohu, e whakaaro ana ki nga kapua ranei, ki nga nakahi ranei, tatahi tohunga makutu ranei tetahi tohunga whaiwhaia ranei, tetahi kai ui i te atua maori, tetahi tohunga maori ranei, tetahi kai ui tupapaku ranei. No to mea e whakariharihangia ana e Ihowa nga tangata katoa e mea ana i ena mea. (Tiu. xviii. 10-12)
8 8 |
▲back to top |
TE PIPIWHARAUROA, No. 65. Kia tupato rawa kei tautoko tatou i nga mea e kinongia ana e te Atua. Ko te mea tika me ui ki nga pihopa mo tetahi mea kahore i te ata marama ki a tatou. Pai ke atu to tatou mate i ta tatou tautoko i nga mahi he. He ngawari noa iho te whai i te tokomaha, ko te mea nui ia ko te tu ki te tokomaha e mahi ana i te he. E mea ana te Atua, " Kei whai tahi me te tokomaha ki te kino." I mea tetahi tangata Kaunihera Marae, ko te tangata e whakahe ana ki te mahi a Wereta e hiahia ana kia mate nga tangata. Ko wai nga kaiwhakaora i nga tangata i mua atu i te putanga mai o Wereta, a ko wai hoki hei whakaora a te mutunga o te mahi a Wereta, kua puta hoki tana kupu e mutu ano ia tana mahi? Ko Wereta ranei kei te whakaora i te iwi pakeha? Ko wai hei whakaora mo nga iwi kaore nei a Wereta i reira? Tokorua nga tamariki i mate i te nohoanga ki Pakiri- kiri, he aha era i kore ai e ora? Mei kore pea e haere ki reira e kore e mate. I ahua rite rawa mo Wereta enei kupu na, (( Kahore he honore o te poropiti i tona kainga ake." Kore rawa a Ngatiporou i tae mai ki Pakirikiri, ko nga mea i tae mai i haere mai ki te tangihanga, i marama hoki te kupu a Te Houkamau kaore ia i te whakaae ki te mahi a Wereta. Ina koa a Turanga nei i puhoi te haerenga mai ki Pakirikiri, heoi ano te nuinga i tae mai ai he whakaaro ki tona marae, he ngahau hoki. Ko Heretaunga te iwi i pokia te whenua. Kua puta te kupu i a ratou hei Heretaunga te hui a Hanuere 1904— e tino whakapono ana hoki ratou ka taea tera wa e te mahi a Wereta. NO TE PAREMETE. KO tetahi pire e whakatakotoria ki te Whare, ko te Pire turaki i te Tataraiha i nga reihi hoiho. Ko tetahi pire mo te pooti i nga mema o te Whare o Runga, kia kaua e riro ma te Kawa- natanga e whakarite. I TE whaikorero a Tame Parata i mea ia ka rua nga tau i tu ai te Ture Kaunihera Whenua, otira kaore ano he painga kotahi kia kitea, apopo ko tona mutunga he mate. NA Tame Parata i kawe mai ki te Kawana- tanga te kupu whakahe a tona iwi mo te kainga i a Mahuta ko te (Kingi Maori.' I TAE etahi tangata o Niu Tireni katoa nei me nga mema e 33 o te Paremete ki te korero ki te Pirimia mo te whakatikatika i te ture turaki i te hoko waipiro. I mea te Pirimia ka whakaarohia e ia a ratou take. E kore e hapa te tautoko o te Pirimia i te nui rawa o nga mema e hiahia ana kia hinga te hoko waipiro. KANUI te whakamahia o nga mema hou, mema tamariki o te Paremete, o Mr Baume, Bedford, me Hanan. Ko Bedford te mema tamariki atu o te Paremete ka 25 ano ona tau, engari he tamaiti matau, pai ki te korero, ko ia te mema tuatahi o Otepoti. Nana te kupu, " Ka nui te haurangi o Te Hetana i te nui rawa o te mana kei a ia." KUA mutu te tu o Te Waaka, hei Minita mo nga Kura, ko ia te Pika o te Whare o Runga inaianei. Kua tu ko Kihihi hei Pika mo te Whare o Raro. Ko tenei hei Paremete whakamutunga mo Rore Ranapare e hoki ai ia ki Airaia ki tora kainga; ko tora hoa wahine hei mua hoki ai. Kaore pea he Kawana hei rite te pai mo Ranapure. Na runga i tora kaha ka oti he whare nohoanga mo nga hoia kaumatua, kua kore nei e kaha ki te mahi. HE AWHINA. Ki TE ETITA O TE PIPIWHARAUROA. EHOA, tenei etahi kupu torutoru nei hei tuku atu mau hei titiro iho hoki ma nga hoa aroha hei matakitaki iho hoki i nga mahi i puta i tenei wa o te tau, he nui te whakamoemiti o te ngakau ki tetahi tikanga i mahia e Rev. Peneti, ki Taranaki nei he kohi moni hei awhina i te kura kotiro kua tu nei ki Akarana. E hoa ma kanui te tumana- ko o te ngakau ki te kaha o to tatau hoa o Peneti ki te kimi i tenei mahara hei awhina i tera taonga o tatou he nui hoki te Whaka- moemiti o te ngakau ki nga pakeha o taua takiwa, tane wahine rite tonu te kaha ki te awhina ki te tautoko hoki i a Peneti ratou ko tona komiti, heoi e nga hoa kia titiro nui tatou ki tenei tikanga nui e ma- hia nei e to tatau hoa hei painga mo te katoa. Heoi ano. na to koutou hoa aroha, INA TUKATA.
9 9 |
▲back to top |
No. 65. HE KUPU WHAKAMARAMA. TE HON. MAHUTA TAWHIAO, M L C. KEI te ruarua te ngakau o etahi tangata mo te urunga o Mahuta ki te Kawana- tanga, i mutu ai tona mana kingi, otira ko matou e mea ana he whakaaro tika te whaka- aro o Mahuta. Heoi ano te mea kua ngaro i a Mahuta inaianei ko te ingoa kingi, otira ko te nuinga o tona kingitanga he ingoa kau, he mana ano tona otira inaianei kua nui ke ake tona mana. I mua heoi ano te kahanga o tona mana i roto anake i tona iwi, inaianei kua haere ki nga wahi katoa o enei motu, ki te Iwi Maori ki te iwi pakeha; ki te kaha a Mahuta ki te manawanui e nui ke ake te ingoa e waiho iho e ia ki muri nei i nga ingoa o tona tupuna o tona matua. Ko te tikanga nui i roto i te kingitanga he whakamotuhake ke i te iwi pakeha, he pera ano te take o te tikanga a Te Whiti, otira e marama ana e kore tenei tu ahua e taea tonutia te pupuri i te mea e kore rawa te pakeha e taea te whakahoki te peehi ranei, heoi ano te mea tika ko te whakarite i a tatou mo nga tikanga hou a te pakeha, no te mea e kore aua tikanga e ngaro engari ko tatou e ngaro ina tu tatou ki te riri ki aua tikanga. I mohio a Mahuta ki tenei, i mohio ia kaore kau he tikanga o tana wehe ke i a ia i nga tikanga pakeha, ko ia ano e tuku ki te mana nui, heoi ano te mea hei tirohanga mana ko te wa e rite ai, ko te wa tika hei tukunga mona. Na te waimarie taua wa i kawe mai ki tona aroaro a puritia ana e ia i runga i te whai- whakaaro i te mohio. He tangata matau a Mahuta, a ko ta matou tumanako inaianei kia whakakahangia ia e te Atua ki te kimi i te pai i te ora mo te iwi. Kua whiwhi ia ki te turanga teitei, honore, rangatira, whaimana. E mohio ana hoki matou e kaha a Mahuta ki te kimi i te pai mo te iwi. Kua eke ia kei te turanga teitei e whakamau ai nga kanohi o te iwi ki a ia o te Iwi Maori o te iwi pakeha, he pa ia kua tu ki te maunga e kore e ngaro i te tirohanga kanohi. Na konei ka pupu ake te inoi i o matou ngakau kia tau te manaakitanga a te Runga Rawa ki a ia. Kei roto i ona uaua nga toto rangatira e pupu ana, e maringi mai i tona ngakau nga whakaaro rangatira. E te hoa, no te kaupapa ariki koe o o taua tupuna, hapainga te pai, te maramatanga mo te iwi, mo te iti mo te rahi; hei tauira koe ki to iwi e matakitaki nei ki a koe, i a koe kua whakatiketiketia nei ki runga ake i a matou. E whakamihi ana matou mo te whakaaro o Mahuta kia whakaatu ia ki te iwi nui, ka mutu tona pa ki tenei kai ki te waipiro—kua mau ia ki te puru ripine. Kua aru hoki i tana tikanga etahi o nga rangatira o Waikato. Ko te mate nui o Waikato inaianei ko te hoko tahae i te waipiro ko te haurangi. I te mea kua piki te iwi pakeha ki roto o te Rohe Potae kua piki ano te hoko tahae i te waipiro. Na te pakeha te Maori i whakaako ki te hoko tahae, a inai- anei kua tino kaha te Maori ki te hoko tahae, nga wahine tonu me nga tane. I mea te kai-whakawa o Waikato i nga tau o mua nui atu te noho pai o Waikato me Ngatimaniapoto tena inaianei nui atu te kino. I mea tetahi rangatira o Kawhia he rite te Maori ki te titi, hei te kitenga atu i te ahi ka rere tonu atu ki runga, waihoki ahakoa mohio te Maori he mate mona te waipiro ka rere tonu atu ki runga. I whakaritea te waipiro e Peene o Pipiriki ki te poaka i mate ki te parae. 1 te tuatahi he ruarua noa nga rango e muimui ana, kia kaha te pirau o te poaka katahi ano ka nui rawa te tau o te rango, waihoki ki te timataria te hoko waipiro ki Pipiriki e torutoru nga Maori e inu, kia roa ka popoke tonu te tau o te Maori. Ko te whakaaro o etahi tangata ko te whakaae i te hoko waipiro ki te Rone Potae engari ma te Kawanatanga e whakahaere te hoko. Kaore matou e whakaae ki tenei, e rite ana tenei ki te hoki whakamuri i te mea kua kaha rawa te turaki i te hoko waipiro i Niu Tireni katoa. Kei te turaki etahi wahi kei te whakatu hoki etahi wahi? Ki .a matou whakaaro kei a Mahuta te rongoa mo tenei mate nui. Kua puta tana kupu kia tukua ma ana Kaunihera Marae e takahi te hoko tahae o te waipiro i te Rohe Potae. Heoi ano te huarahi e mutu ai tenei tikanga kino. Engari ki te homai e te Kawanatanga tenei mana ki nga Maori kia mohio kia tupato ta ratou whakahaere, kaua e rere tootoa. E ngawari noa te mutu o ta nga Maori hoko, engari e uaua ta nga pakeha. Ka tatari matou i runga i te tumanako ki te hinganga o te hoko tahae i a Mahuta. Kei a ia te mana te kaha. E te hoa, ki te oti i a koe tenei ka puta te pai ki tou iwi ake, ki te Iwi Maori katoa puta atu ki te iwi pakeha no te mea kei te titiro katoa atu nga kanohi o te koroni ki Waikato. Ki te oti i a koe tenei, ka rite tou turanga hei mema mo te Kawanatanga. Tohea ko tou iwi tonu i te tuatahi kia mutu ta ratou tautoko i tenei tikanga e patu nei i a ratou, tohea i runga i te whakaaro tangata waiho te Ture mo te ngakau pakeke mo te ngakau whakatoi. E te hoa, kia ora koe, ma te Atua e whakaroa ou ra ki te kimi i te pai mo te iwi nui mo te whenua kotahi. R.T.M.K.
10 10 |
▲back to top |
TE PIPIWHARAUROA. No. 65. NGA TURE O TE ROPU TAITAMARIKI O TE HAHI MAORI. TURE I. Te Ingoa. Ko te ingoa mo tenei ope ko TE ROPU TAITAMARIKI O TE HAHI. TURE 11. Nga Take. 1. He whakakotahi i nga whakaaro, he whakakaha hoki i te ngakau o nga tangata e whaiwhakaaro ana ki nga tikanga o te whakapono. 2. He whiriwhiri i nga huarahi e taea ai te pehi i nga tikanga katoa, me nga mahi, e whakatupu nei i te kino, me te ngakau whakapono-kore. 3. He turaki i te inu waipiro. 4. He takahi i nga mahi tohunga Maori. 5. He hapai i nga tikanga katoa o te Hahi, ara te Karakia, te Iriiri, te Whakau, te tango Hapa, te Kura Ratapu, te Marena a te Hahi me te whakatapu hoki i te Ratapu. 6. He whakaae ki te korero i tetahi wahi Karaipiture, me te inoi i nga ra katoa. 7. He kohikohi moni hei awhina i nga mahi a te Hahi. TURE UI. Nga Mema. E rua nga tu o te mema: (1) Ko nga mema tuturu, (2) Ko nga mema honore. Nga Mema tuturu. Ko nga taitamariki e whakaae ana ki a Te Karaiti hei Ariki mo ratou. Ko enei nga mema e whakaae ana ki te mahi i nga mea e whakahaua ana e to ratou tumuaki, Minita ranei. E kore enei mema e ngaro i nga huihuinga o te Ropu, i nga karakia ranei i nga Ratapu. Nga Mema honore. Ko nga Kaumatua e hiahia ana kia uru mai ratou hei mema. TURE IV. Nga Apiha. 1. Ko nga Apiha enei:— He Tumuaki, he Raro-tumuaki, he Hekeretari, he Kai- tiaki moni. 2. Ko nga Komiti mo nga take e hiahiatia ai he Komiti. TURE V. Nga Mahi ma nga Apiha. Tumuaki: Ko ia te upoko. He kimi tonu tana i nga huarahi e kaha ai nga mahi katoa a tenei ope. Ko ia tonu hei whakamarama i nga huarahi e pouri ana ki etahi o nga mema, mana hoki e tohutohu ki nga Komiti nga mahi ma ratou. Raro-tumuaki: Ko ia hei whakakapi i te turanga o te Tumuaki i nga wa e ngaro atu ai ia. Te Hekeretari: Mana e tuhituhi nga mahi katoa a tenei ope i nga huihuinga katoa. Mana hoki e tiaki nga pukapuka a te Ropu, mana hoki e tiaki te pukapuka i tuhia ai nga ingoa o nga mema. Mana hoki e panui te ra me te haora o nga huihuinga. Te Kaitiaki o nga moni: Mana e tiaki nga moni katoa a te Ropu. Mana hoki e utu atu nga raruraru e tika ana, ina pahitia e te Komiti. TURE VI. Nga mahi ma nga Komiti. 1. He whakauru tangata e tika ana mo tenei Ropu. 2. He whakahaere i nga huihuinga mo te inoi, he whakarite tangata hei whaikupu ki te ope, he whakarite hoki i nga korero e tika ana mo aua hui. 3. He whakahaere i nga huihuinga whaka- ngahau, ara i nga mahi ano e whakaaetia ana e te Tumuaki. 4. He whakahaere i nga Koaea (choir) ara i nga himene. TURE VII. Te huihuinga mo te Inoi. 1. Me uru he kupu inoi ki roto ki nga whakahaere katoa a tenei ope. Engari i te huihuinga tuatahi tonu o te marama, ka wehe tena hui mo te inoi anake, ara te haora tuatahi i te puaretanga. Hei reira ako ai ia mema, ia mema ki tetahi inoi ngakau mana, ahakoa poto noa. 2. I nga huihuinga marama ka karanga- rangatia nga ingoa o nga mema. Ki te kaore e watea tetahi mema i taua po, me tuku e ia he whakaatu ki te Hekeretari. Ki te mea ka toru nga ngaronga o tetahi mema, me te kore ana whakaatu mai, hei reira ka tapahia te ingoa o taua mema. TURE VIII. Ko nga apiha me nga mema mo nga Ko- miti me pooti i roto i nga ra o Tihema. TURE IX. Ko te utu mo nga mema ina uru ki tenei Ropu e rua hereni. TURE X. Ko te oati tenei ma nga mema katoa o tenei Ropu, me haina hoki e ia tangata, e ia tangata tona i nga ki tenei oati:— E whakaae ana ahau ki a Te Karaiti hei Ariki moku, ka tone hoki ahau ki te whaka- haere i aku mahi katoa i runga i nga huarahi e tika ana ma te tangata whakapono. Ka korero ahau i tetahi wahi Karaipiture i nga ra katoa, me te inoi ano hoki. Ka awhina ahau i nga mahi a te Hahi. Ka tae tonu ahau ki nga huihuinga o tenei Ropu ki te kaore he take nui hei arai i ahau. Ki te hiahia te tangata kia whakamara- matia etahi o nga ture o tenei Ropu e ahua pouri ana, me tuhituhi mai he reta ki a REV. PENETI, Bell Block, Taranaki
11 11 |
▲back to top |
No. 65. HE KUPU WHAKAMARAMA. PITOPITO KORERO. HE whakatauki na te Tiapanihi: E hinga te tangata e ono putu nei te roa i te arero toru inihi o tana wahine. KUA kitea e tetahi takuta o Niu Tauti Weera he tikanga e ua ai, ahakoa pehea te ahua o te rangi, te pupuhi ranei a te hau. Tahuna ai e ia he kaahi kia piki ki te rangi hei to iho i te ua. Ko te kingi nui atu i te ao ko Hori Tupou, o Tonga. E 6 putu e 4 inihi tona roa, e 26 toene te taumaha. E ^'40, 000 te oranga o tona kingitanga, e ^"4000 te oranga mona, kei a ia hoki te ki o te peeke. 10 i roto i te ^"100 te whakanuinga ake a Anaru Kaneki i te utu mo nga tangata e kore ana e inu waipiro i te utu mo nga mea inu waipiro, o nga tangata katoa e mahi ana ki a ia. I TE whai-korero a Timi Kara ki Turanga rei i mea ia e hanga ana e te Kawanatanga he tare kia taakengia nga whenua Maori e mahi ana. KUA tu he Kareti Maori mo nga tamariki tane, ko: Taratahi, Wairarapa, mo nga tamariki anake o Wairarapa tae atu ki te Tainauauru. Ko nga moni whangai mo tenei kura ko nga moni o nga rahui kura ki Papawai, ki Kaiko -kirikiri, ki Porirua. I TE pau tonu o nga hua o nga rakau a tetahi pakeha whakaaro ana ia he Maori kei te tume. No tana titinga he angaanga tangata ki runga i tana taiepa mutu tonu atu te tahaetia o ana hua rakau. I WHANAU he tamariki tokotoru ma tetahi wahine pakeha o Ingarangi, kotahi ano te whanautanga, he kotiro katoa aua tamariki, i huaina o ratou ingoa, ko Whakapono, ko Tumanako, ko Aroha. I TE weranga o tetahi whare-tira i Akarana, tokotoru nga tangata i mate, kotahi te Maori ko Te Keepa te ingoa. Ko nga wahine me nga tamariki i puta ki waho; kaore i oho enei i mate nei rokohanga ka he te manawa i te pawa. I kitea te Maori i roto tonu i ona paraikete. TE moni e puta mai ana ki tetahi whare mahi pata i Taranaki mo te wai-u o te kau kotahi e ^"8 175 6d i te tau. No tera marama i mate ai a Meiha Wehi- tarapu ki Poneke. He pakeha tawhito tenei no Turanga nei, i uru hoki ia ki nga whawhai ki a Te Kooti. I RUNGA i nga mahi whakatu " apotoro" a te tohunga nei a Wereta, hei whakaora i te tangata ka kata 'te Niu Tireni Taima' nupepa o Poneke, ka mea, ko Turanga nei hei kainga tino ora rawa atu nga tangata, kaore e pangia e te mate i te nui o nga " apotoro" hei whaka- ora. Kaore i tatakimoori te kata a te pakeha ki a taua ki te Maori, otira kaore pea te Maori i te mohio he mahi wairangi kei te ao maori tonu atu hoki o ratou na hinengaro e ngooki mai ana. HE AITUA WHAKAHARAHAPA. PERA me te takiwa i a Noa i tukua ohoreretia mai nei e; te Atua he waipuke i te mea e ahuareka ana nga iwi i runga i te mata o te whenua te rite o tetahi waipuke i Hepapa he taone kei Amerika i te 14 o Hune kua hori ake nei. 1 te ata o te Ratapu kihei ia rikarika te ua, maringi a-wai ana te whakaheke, me te mea nei i ringihia mai nga wai katoa o te Rangi ki taua taone. Ka whaka- tata te hapa 1 te po o taua Ratapu ano, ka pakaru mai te waipu, kahore rawa i mohiotia e te whakaaro tangata tera e waipuke. Tona putanga mai o te wai- puke me te maunga te teitei o te wai, taupokina ana te taone me te rere mai o nga rakau nunui o te nga- here. o te paru, o te otaota o te kirikiri, o te whare, o te kararehe, o te tangata, o nga tu ahua mea katoa, riro katoa i te waipuke. Ngaro katoa te wahi nui te tangata o te taone, i te wai, te maha o nga tangata ki te whakaaro iho e 4000. Riro katoa nga whare o te taone i te wai, ko nga whare anake i nga wahi teitei i mahue iho. he pera ano nga tangata, ko te hunga i nga wahi teitei i ora ko etahi i tapukea e te paru e te rakau, ko etahi i kitea nga tinana. Kihei rawa i taea te whakaora te hunga i riro i te waipuke e nga mea i nga wahi teitei. Kihei ano hoki i mohiotia tenei waipuke e nga taone o waho. mo nga ra e rua i te mea kua horoia katoatoa nga pou waea e te wai. Tekau maero te wahi o te rori 1 ngaro noa iho i te paru. Pakaru katoa te nuinga o nga piriti, No te taenga o nga rongo o te parekura nei ki Pota- rana ka rere mai te tereina ki te hari kai mai, me te mau mai ano i nga Rata, i nga Neehi ara wahine tieki turoro. Ko tetahi mahi taimaha ko te tanu i nga tupapaku, kei te tere haere tonu hoki e tahi i roto i nga awaawa. Ko etahi kei roto noa iho i te paruparu. Ko nga tupapaku katoa i kitea e 300, ko te huihuinga katoa o nga tangata i mate e kore e taea te tatau. He hanga aroha te tane, te wahine, ki te rapu haere i roto i ta 300 tupapaku mehemea kei reira tana wahine tana tana taane ranei, tana tamaiti tona hoa aroha ranei. I puta te aroha o te Kawanatanga o te taone o Arekana ki te awhina i tenei mate nui i pa nei ki te taone o Hepena. Engari ko etahi rawa o taua taone i ngaro e kore rawa e ea i te aroha o te tangata.
12 12 |
▲back to top |
TE PIPIWHARAUROA. ഀ䠀䔀 吀唀刀䔀 吀唀吀唀刀唀⸀ഀഀ⸀ 䬀漀琀愀栀椀 瀀甀琀愀渀最愀 漀 吀䔀 倀䤀倀䤀圀䠀䄀刀䄀唀刀伀䄀 椀 琀攀 洀愀ⴀ ഀ爀愀洀愀⸀ഀഀ㈀⸀ 䬀漀 琀攀 漀爀愀渀最愀 洀漀 琀攀 瀀攀瀀愀 攀 爀椀洀愀 栀攀爀攀渀椀 ⠀㔀⼀ⴀ⤀ 椀 琀攀 ഀ琀愀甀Ⰰ 洀攀 渀漀漀琀椀 漀 琀攀 倀漀甀琀愀瀀攀琀愀 洀攀 瀀愀渀攀 爀愀渀攀椀⸀ഀഀ㌀⸀ 䬀椀 琀攀 栀椀愀栀椀愀 琀攀 琀愀渀最愀琀愀 欀椀 琀攀 琀愀渀最漀 椀 吀攀 倀椀瀀椀ⴀ ഀ眀栀愀爀愀甀爀漀愀 洀攀 琀甀欀甀 洀愀椀 攀 椀愀 琀攀 洀漀渀椀 椀 爀漀琀漀 椀 琀攀 ഀ爀攀琀愀 眀栀愀欀愀愀琀甀 洀愀椀⸀ 䠀攀 眀栀愀欀愀愀琀甀 愀渀漀 栀漀欀椀 欀椀 渀最愀 ഀ琀愀渀最愀琀愀 攀 琀愀渀最漀 愀渀愀 椀 琀攀 瀀攀瀀愀Ⰰ 欀愀 琀愀攀 欀椀 琀攀 眀愀 攀 ഀ瀀愀甀 愀椀 愀 欀漀甀琀漀甀 洀漀渀椀 琀甀欀甀 洀愀椀 欀愀 琀愀欀愀椀愀 琀攀 瀀攀瀀愀 ഀ欀椀 琀攀 琀愀欀愀椀 眀栀攀爀漀⸀ 䬀椀愀 琀攀爀攀 琀攀 琀甀欀甀 洀愀椀 愀渀漀 椀 琀攀 ഀ栀甀愀 欀愀爀攀愀漀Ⰰ 欀椀 琀攀 欀漀爀攀 攀 琀攀爀攀 洀愀椀 欀愀 洀甀琀甀 琀攀 爀攀爀攀 ഀ愀琀甀⸀ 䬀漀 琀攀 甀琀甀 椀 琀攀 琀愀甀 㔀⼀ⴀⰀ 洀攀 甀琀甀 椀 琀攀 琀甀愀琀愀栀椀⸀ഀഀ㐀⸀ 䔀 瀀愀椀 愀渀愀 欀椀愀 琀甀欀甀愀 洀愀椀 渀最愀 欀漀爀攀爀漀 漀 椀愀 眀愀栀椀 漀 ഀ椀愀 眀愀栀椀 漀 琀攀 䴀漀琀甀Ⰰ 攀渀最愀爀椀 欀攀椀 琀攀 䔀琀椀琀愀 琀攀 琀椀欀愀渀最愀 洀漀 琀攀 ഀ琀愀 椀 愀甀愀 欀漀爀攀爀漀㬀 欀椀愀 洀愀爀愀洀愀 琀攀 琀甀栀椀琀甀栀椀⸀ഀഀ㔀⸀ 䴀攀 瀀攀渀攀椀 琀攀 琀甀栀椀 椀 眀愀栀漀 漀 渀最愀 爀攀琀愀 欀愀琀漀愀㨀᐀ഠഀ䬀椀 吀䔀 倀䤀倀䤀圀䠀䄀刀䄀唀刀伀䄀Ⰰഀഀ吀攀 刀愀甀Ⰰ 䜀椀猀戀漀洀攀⸀ഀഀഀഀഀഀ䠀䔀 倀䄀一唀䤀⸀ഀഀ䬀椀 琀攀 琀愀䬀愁琀愀 攀 栀椀愀栀椀愀 愀渀愀 欀椀 琀攀 刀愀眀椀爀椀 欀椀 琀攀 ഀ䠀椀洀攀渀攀㨀 栀攀 渀甀椀 渀漀愀 愀琀甀 䬀愁 瀀甀欀愀瀀甀欀愀 欀攀椀 愀 ഀ愀甀 椀渀愀椀愀渀攀椀㨀 欀漀 琀攀 甀琀甀㨀᐀ഠഀ䠀攀 洀攀愀 渀甀椀Ⰰ 欀椀爀椀 渀漀愀Ⰰ ㈀⼀㘀 ഀ䠀攀 洀攀愀 渀甀椀Ⰰ 欀椀爀椀 眀栀攀爀漀Ⰰ ㌀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀Ⰰ 㐀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀 爀愀眀愀Ⰰ 㔀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 眀栀攀爀漀Ⰰ ⼀㘀 ഀ䠀攀 洀攀愀 瀀愀欀甀Ⰰ 欀椀爀椀 瀀愀椀Ⰰ ㈀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 渀漀愀Ⰰ 椀⼀ⴀ ഀ䠀攀 洀攀愀 瀀愀欀甀Ⰰ 欀椀爀椀 瀀愀椀 爀愀眀愀Ⰰ ㌀⼀㘀 ഀ刀愀眀椀爀椀 ☀ 䠀椀洀攀渀攀Ⰰ 欀椀爀椀 渀漀愀Ⰰ ⼀㘀 ഀ刀愀眀椀爀椀 ☀ 䠀椀洀攀渀攀Ⰰ 眀栀攀爀漀Ⰰ ㈀⼀ⴀഀഀ刀愀眀椀爀椀 ☀ 䠀椀洀攀渀攀Ⰰ 瀀愀椀Ⰰ ㌀⼀ⴀ ഀ刀愀眀椀爀椀 ☀ 䠀椀洀攀渀攀Ⰰ 瀀愀椀 爀愀眀愀Ⰰ 㐀⼀ⴀ ഀ䠀攀 䠀椀洀攀渀攀Ⰰ 㘀搀⸀ഀഀ䴀愀欀甀 攀 甀琀甀 琀攀 倀愀渀攀 䬀椀䬀椁 栀攀椀 琀甀欀甀 愀琀甀 椀䬀 愀 ഀ瀀甀欀愀瀀甀欀愀 欀椀 愀 欀漀攀⸀ഀഀ一愀 䠀⸀ 圀⸀ 圀䤀䰀䰀䤀䄀䴀匀Ⰰഀഀ吀攀 刀愀甀Ⰰ 䜀椀猀戀漀爀渀攀⸀ഀഀഀഀ䬀椀 琀攀 栀椀愀栀椀愀 琀攀 琀愀䬀愁琀愀 欀椀 琀攀 倀愀椀瀀攀爀愀 欀椀 琀攀 ഀ䬀愀眀攀渀愀琀愀Ⰰ 洀攀 琀漀渀漀 欀椀 琀攀 䈀䤀䈀䰀䔀 䐀䔀倀伀匀䤀吀伀刀夀 ഀ匀唀一䐀䄀夀 匀䌀䠀伀伀䰀 唀一䤀伀一Ⰰ 䄀甀挀欀氀愀渀搀⸀ഀഀ倀愀椀瀀攀爀愀Ⰰ ㈀⼀㘀Ⰰ ㌀⼀㘀Ⰰ 㐀⼀㘀Ⰰ 洀攀 琀攀 瀀愀渀攀 欀椀䬀椁 椀⼀ⴀഀഀ䬀愀眀攀渀愀琀愀 洀攀 䬀愁 甀瀀漀欀漀 眀栀愀欀愀洀愀爀愀洀愀Ⰰ ㈀⼀㘀Ⰰ ㌀⼀ⴀ ഀ㐀⼀㘀Ⰰ 洀攀 琀攀 瀀愀渀攀 欀椀䬀椁 ㌀搀⸀ഀഀ䬀愀眀攀渀愀琀愀 瀀愀欀甀Ⰰ 洀攀 䬀愁 眀愀椀愀琀愀Ⰰ ㈀⼀ⴀⰀ ㈀⼀㘀Ⰰ ㌀⼀ⴀⰀ ㌀⼀㘀Ⰰ ഀ㐀⼀ⴀⰀ 洀攀 琀攀 瀀愀渀攀 欀椀䬀椁Ⰰ ㌀搀⸀ഀഀഀഀ倀爀椀渀琀攀搀 愀渀搀 倀甀戀氀椀猀栀攀搀 戀礀 䠀⸀ 圀⸀ 圀䤀䰀䰀䤀䄀䴀匀Ⰰ 愀琀 吀攀 刀愀甀 ഀ倀爀椀渀琀椀渀最 圀漀爀欀猀Ⰰ 䈀攀爀爀礀 匀琀爀攀攀琀Ⰰ 䜀椀猀戀漀爀渀攀㬀 一攀眀 娀攀愀氀愀渀搀⸀ഀഀ䠀䔀 倀䄀一唀䤀⸀ഀഀ䬀䔀䤀 愀 洀愀琀漀甀 攀琀愀栀椀 䬀愀琀椀欀椀栀愀洀愀 栀攀 愀欀漀爀愀渀最愀 洀愀 ഀ琀攀 吀愀洀愀爀椀欀椀 洀攀 一最愀 䤀渀漀椀 洀漀 渀最愀 刀愀琀愀瀀甀⸀ഀഀ䬀椀 琀攀 眀栀愀欀愀愀琀甀 洀愀椀 琀攀琀愀栀椀 洀椀渀椀琀愀 愀渀愀 攀 栀椀愀栀椀愀 愀渀愀 ഀ栀攀 琀甀欀甀愀 渀漀愀琀椀愀 愀琀甀⸀ഀഀ一䜀䄀 䠀唀䄀 䬀䄀刀䔀䄀伀 䴀䄀 吀䄀 吀䄀吀伀唀 䴀䄀一唀⸀ഀഀ㔀⼀ⴀ 刀攀瘀⸀ 䄀⸀ 吀愀洀椀栀攀爀攀Ⰰ 刀攀瘀 刀⸀ 琀攀 䄀椀栀甀Ⰰ 䠀攀瀀愀 䤀渀椀愀Ⰰ 䬀甀爀甀洀漀愀Ⰰ ഀ䴀椀猀猀 䈀椀挀欀渀攀氀氀⸀ 刀攀瘀 吀⸀ 䠀甀愀琀愀⸀ ㈀⼀㘀 吀攀 䠀攀欀攀渀甀椀 䄀⸀ 䬀愀爀愀欀愀 ഀ䴀愀欀椀⸀ഀഀ䠀⸀圀⸀圀䤀䰀䰀䤀䄀䴀匀 吀䔀 刀䄀唀 倀刀䔀匀匀 䜀䤀匀䈀伀刀一䔀