Niupepa: Māori Newspapers


English

Nau mai ki te Kohikohinga Niupepa Māori

Kua whakaemitia mai ki konei he kohikohinga niupepa i tāngia mō ngā kaipānui Māori o ngā tau 1842-1932. E taea ana te pānui niupepa mā te rapu kupu, mā te rārangi taitara mā te rārangi wātaka. Nā te New Zealand Digital Library Project, i te Tari Rorohiko , o Te Whare Wānanga o Waikato te kohikohinga nei i whakatū.

He kupu whakamārama kei raro iho nei e pā ana ki tēnei kohikohinga.

Ka nui te mihi ki ngā rōpū tautoko i te kaupapa nei. Nā tā rātou tautoko kua kore he utu, mā koutou, mō te titiro ki ngā niupepa nei. Ko te Tāhuhu o te Mātaranga tērā, me ētehi whare pukapuka e noho mai nei ki ngā whare wānanga o te motu. Tirohia ngā rōpū tautoko kei raro iho nei.


He Kupu Whakamārama

He nui ake i te 17,700 whārangi, mai i te 34 niupepa kei te kohikohinga nei. He mea hanga i te "Niupepa 1842-1933", te kohinga kua whakaemihia e te Alexander Turnbull Library ki runga i te kiriata mororiki. E 70% kei te reo Māori, 27% kei ngā reo e rua, ā, kua āhua 3% kei te reo Pākehā. E toru ngā kaupapa matua o ngā niupepa nei: he hāpainga kāwanatanga; he pānui rānei nō ngā iwi Māori; he kupu whakapono rānei nō ngā hāhi.

E whā ngā wāhanga nui o te kohikohinga niupepa Māori:

Mō ētehi atu kōrero pānuitia te pukapuka Rere Atu Taku Manu! Discovering History, Language & Politics in the Māori Language Newspapers. Nā Jennifer Curnow, rātou ko Ngapare Hopa, ko Jane McRae. Auckland University Press (2002).


Ngā Rōpū Tautoko

Ko te tino tautoko o te kaupapa nei, i puta i te Ministry of Education

Arā anō hoki ngā tautoko i tukua mai e ngā whare pukapuka o ngā whare wānanga:

Kei runga te kohinga "Niupepa 1842-1933" i te kiriata mōkito 35mm me te kiriata mororiki. Ka taea te tono atu ki te whare pukapuka o tō rohe, ka taea rānei te hoko, mai i te Alexander Turnbull Library.

Nā te New Zealand Micrographic Services Ltd. i whakawhiti ngā whakaahua, mai i te kiriata mōkito ki te whakatakotoranga TIFF.

Nā Gail Dallimore ngā kupu whakataki.

Nā tētehi rōpū rangahau i te Tari Māori o te Whare Wānanga o Tāmaki Mākaurau ngā Rāpopoto Reo Pākehā i hanga.